Senesi 14:13 - Tosi Tapu

¹³ Na au loa se tagata na sola o fakasa le nea lena kia Apalamo, le tagata Epeleo ; kae na nofo Apalamo i le ulu sene o Mamele, le tagata Amole, ko le taina o Esekoli mo Anele, ala na kau mo Apalamo.

Senesi 14:13 ပူးပေါင်းရင်းမြစ်များ

Senesi 10:16

mo le kau Sepusi, mo le kau Amole, mo le kau Kilikasi,

Senesi 13:18

Na siki loa e Apalamo ona falela, ti na ano loa a ia o nofo i le ulu sene o Mamele, leia na ofi ki Epelone. Ti na fakatuu loa e ia i ai se aletale ki le Eteleno.

Senesi 14:24

Kae gato fua ki le nea leia na kai e le kau tupulaga, ti mo le vaega o tagata ala na ano mo au, Anele, mo Esekoli, mo Mamele : ko latou ana e too ia loa olatou vaega.

Senesi 18:1

Na sa loa le Eteleno kiate ia i le ulu sene o Mamele, kae na tonatona a ia i le matapa o lona falela, i le vevela o le aso.

Senesi 21:24

Ti na pati loa Apalaamo : E kau fakapapau atu a ia.

Senesi 21:27

Ti na too loa e Apalaamo ni ovi fafine mo ni pipi tagata, o soli kia Apimeleke ; ti na la fai loa se sai i le ganea lena.

Senesi 21:32

Na la fai le sai i Pele-Sepa. I le oki o le nea lena na tuu ake loa Apimeleke mo Pikoli, ko le pule o lana solia, o toe liliu ki le fenua o le kau Filisitini.

Senesi 39:14

na kalaga loa a ia ki le kakai o le fale, o pati kia latou : Kotou tio, kua aumai e ia se tagata Epeleo ke kakaai ia tatou. Na au le tagata lena kiate au ke momoe mo au, kae na kau kalaga o leo lasi.

Senesi 40:15

talie na aumai fakamakeke au mei le fenua o le kau Epeleo, ti i le fenua leinei, na leaise kau fai se nea veli i le fenua leinei ke fakapilisoni ai au.

Senesi 41:12

I le fale pilisoni, na ma nonofo fakatasi mo se tama tupulaga Epeleo, ko le tagata fakasausau a le pule o le kau tagata leo. Na ma fakamatala loa kiate ia ama moe miti, ti na fakamatala loa e ia a ma moe miti taki tasi.

Senesi 43:32

Na kai kese fai Sosefo, ti na kai kese ona fetaina, ti na toe kai kese le kau Esipito ala na fakaafe ki lona fale, talie na leaise taga ke kai fakatasi le kau Esipito mo le kau Epeleo, talie na fakalialia ai le nea lena kia latou.

Sopo 1:15

ti na oso mai loa ni tagata Sapesi, o ave latou, kae na lotou tamate loa ki le seleta a tagata fakasausau. Ti ko au fai toka tasi na sola, ke aumai kiate koe le logo.

Ekesote 2:11

I le temi lena, kua tagata loa Moisese, ti na ano loa a ia o fakatele ki ona fetaina, ti na tio loa a ia ki gaoi pakia ala kua teki kia latou. Na tio loa a ia ki se tagata Esipito leia na ta ia se tagata Epeleo i ona fetaina.

Ekesote 2:6

Na fakamavaa loa e ia le kete, ti na tio loa a ia ki le toe : ko se ga toe tagata leia na tagi. Na aloalofa loa a ia ki le ga toe, o pati : Ko se toe leinei o le kau Epeleo !

Ekesote 3:18

E lotou fakalogo loa ki lou leo ; ti e ke ano loa, a koe mo le kau matua o Iselaele ki le sau o Esipito, ti e kotou pati loa kiate ia : Ko le Eteleno, le Atua o le kau Epeleo, na sa mai kia matou. Fakataga mai ke motou ano o saele i ni aso e tolu i le toafa, o momoli ai ni sakilifisio ki le Eteleno, lomatou Atua.

Selemia 34:9

o tupu ke tasi fakalauatea e le tagata lana tagata fakasausau mo lana fafine fakasausau, le tagata Epeleo mo lana avaga, ti ke aua na toe taofi fakapopula e se tasi se tagata Sutea leia ko lona taina.

Sonasi 1:9

Na tali loa a ia kia latou : Ko se Epeleo au, ti e kau i ki le Eteleno, le Atua o le atu lagi, leia na fakatupu ia le tai mo le kele.

Numelo 13:23

Na lotou ano loa o kaku ki le vaitafe o Esikoli, ti na lotou tuuti loa i ai se laa vite mo ona fui fulumeto, leia na amo loa e se toka lua ki se laakau ; ti na lotou toe too foki mo ni fuai kelenati mo ni fuai fiki.

Numelo 21:21

Na kakau loa e Iselaele ni tagata avelogo kia Sioni, sau o le kau Amole, o fakasa kiate ia :

Lua tosi ki le kau Kolinto 11:22

Pe lotou Epeleo ? Mo au foki. Pe lotou Iselaele ? Mo au foki. Pe lotou au mei le sakoga o Apalaamo ? Mo au foki.

Filipe 2:5

Kotou maua a manatu loto ala na maua e Sesu-Kilisito :

Uluaki tosi a Samuele 29:3

Na pati loa a pule o le kau Filisitini : Kolea le nea e fai i leinei e le kau Epeleo lena ? Ti na tali loa Akise ki pule o le kau Filisitini : Pe leaise ko Tavite, le tagata fakasausau a Saulo, sau o Iselaele ? Kua fualoa lana nofo mo au, ti na leaise kau maua fua iate ia se nea ke kau valoki ai a ia, talu mei lana kaku mai ki le aso nei.

Uluaki tosi a Samuele 4:12

Na makape loa se tagata o Pesamino mei le malae tau, o kaku ki Silo i le aso lena, kua masaesae ona kofu ti kua pani kele lona ulu.