Senesi 13:8 - Tosi Tapu

⁸ Na pati loa Apalamo kia Lote : E kau kole atu kiate koe, ke aua na i ai se fefele iate au mo koe, pe i le vasaa o aku tagata tausi manu mo au tagata tausi manu ; talie e ta tautaina.

Senesi 13:8 ပူးပေါင်းရင်းမြစ်များ

Senesi 13:9

Pe leaise tuu le fenua katoa i ou mua ? Koia mavae ai a koe iate au : kapau e ke ano ki le fetuu sema, ti e kau ano loa ki le fetuu atamai ; kapau e ke ano ki le fetuu atamai, ti e kau ano loa ki le fetuu sema.

Senesi 14:14

I le maua e Apalamo o le logo kua ave popula lona taina, na tufa loa e ia ni masafu ki tino lelau e tolu mo le tino agafulu tupu valu o ana tagata fakasausau loto toa, ala na tupu i lona fale, ti na kapu loa e ia a sau o kaku ki Tane.

Senesi 45:24

Ti na kakau loa e ia ona fetaina ke ano, ti na lotou ano loa. Ti na toe pati loa a ia kia latou : Ke aua na kotou fefele loa i le ala.

Senesi 46:34

Pe kolea lakoutou gaoi ? Kotou tali loa kiate ia : E tausi manu au tagata fakasausau talu mei lomatou liliki o kaku mai ki le aso nei, ofaipe omatou tamana. I le nea lena e fakataga loa e ia kia koutou ke kotou nonofo i le fenua ko Koseni, talie e fakalialia le kau Esipito ki kau tausi manu fuli.

Pesalemo 133:1

Katiko o le fanoga tapu. A Tavite. Ko leinei, io ! e malie ai, e fakafimalie ai Ki ni fetaina ke nonofo fakatasi !

Ekesote 2:13

Na toe ano loa a ia i leia ake a aso, ti ko leinei na fefele ni tagata Epeleo e toka lua. Ti na pati loa a ia ki leia na sala : Kolea e ke tamate ai lou taina ?

Taagapati 15:1

E fakafimalie le ita e se tali malu, Kae e fakaasilisili a ia e se masau fefeka.

Taagapati 15:18

E fakatupu e se tagata itaita ni fefele, Kae ko le tagata kataki e lolomi ia ni felega.

Taagapati 20:3

Ko se kololia ki le tagata ke aua na kau i fefele, Kae ko vale fuli e kau i ai.

Mateo 5:9

Manuia latou ala e ave ia le tokamalie, talie e fakaigoa loa latou ko vosa o le Atua !

Gaoi 7:26

I leia ake a aso, na toe au loa a ia kia latou, o maua mai latou e vusu, ti na taofi loa e ia latou, o fakatokatoka, o pati : Kau tagata, ko fetaina koutou, kolea e kotou fefele ai ?

Loma 12:10

Ke kotou fealofani i se alofa fakatautaina ; ke kotou tokaga ki le fakaapaapa i okoutou vasaa.

Filipe 2:14

Kotou fai a nea fuli, sala lauga mo sala lotolotolua,

Uluaki tosi ki le kau Tesalonika 4:9

O uiga mo le alofa fakatautaina, e leaise aoga kia koutou ke toe fai tosi atu ki ai, talie kua kotou ako e koutou totonu mei le Atua le fealofani fakatautaina,

Epelo 12:14

Ke kotou afa le tokamalie mo le kakai fuli, ti mo le maokioki, talie sala mo ia e leaise tio loa se tasi ki le Aliki.

Epelo 13:1

Ke kotou kataki fualoa i le alofa fakatautaina.

Uluaki tosi a Petelo 1:22

Kua kotou fakamea okoutou laumalie i le fakalogo ki le maoki ke kotou maua se alofa fakatautaina maoki, koia ke kotou fealofani makeke ia koutou, i lokoutou loto katoa,

Uluaki tosi a Petelo 2:17

Kotou fakaapaapa ki tagata fuli, kotou alofa ki fetaina, kotou i ki le Atua, kotou fakaapaapa ki le sau.

Uluaki tosi a Petelo 3:8

Tie fakaoki loa, ke kotou maua fuli ni manatu tatau, mo ni manatu loto tatau ; ke kotou apele i le alofa fakatautaina, mo le loto alofa, ti mo le fakataulalo.

Uluaki tosi a Petelo 4:8

I mua o nea fuli, ke kotou maua i okoutou vasaa se alofa vevela, talie E uufi e le alofa ni agasala lasi ai.

Lua tosi a Petelo 1:7

e le alofa ki le Atua le alofa fakatautaina, e le alofa fakatautaina le alofa.

Uluaki tosi a Soane 4:7

Alofaaga, ke tou fealofaaki ia tatou ; talie e au le alofa mei le Atua, ti ko leia e alofa, na tupu a ia mei le Atua ti e iloa e ia le Atua.

Tuifakamaau 9:26

Na au loa Kaali, vosa o Epeti, mo ona fetaina ki Siseme. Na fanaki loa le kakai o Siseme kiate ia.