Senesi 13:16 - Tosi Tapu

¹⁶ E kau fakaliliu loa lou sakoga ke lasi ofaipe le efu o le kele, ti kapau e mafai e se tagata le lau o le efu o le kele, ti e lau loa lou sakoga.

Senesi 13:16 ပူးပေါင်းရင်းမြစ်များ

Senesi 15:5

Ti na taki loa e ia Apalamo ki fafo, o pati kiate ia : Tio ki le lagi, ti ke lau a fetuu, mo kapau e ke ma lau ia latou. Ti na pati loa a ia kiate ia : E fenaaki loa lou sakoga.

Senesi 16:10

Na pati loa le aselo o le Eteleno kiate ia : E kau liuliuga loa lou sakoga, ti e liliu loa a ia o lasi, o leaise mafai loa lona lau.

Senesi 17:16

E kau tapuaki loa kiate ia, ti e kau soli loa kiate koe se vosa iate ia. E kau tapuaki loa kiate ia, ti e liliu loa a ia ko le tinana o ni puleaga ; e tupu loa meiate ia ni sau o ni kakai.

Senesi 17:2

E kau fakatuu loa laku sai iate koe mo au, ti e kau liuliuga loa a koe o lasi.

Senesi 17:20

Kia Isemaele, kua kau tali lau kole. Ko leinei, e kau tapuaki loa kiate ia, e kau liuliuga loa a ia, e kau liuliuga loa a ia o lasi ; e tupu loa meiate ia ni sau e kau agafulu tupu lua, ti e kau fakaliliu loa a ia ko se puleaga lasi.

Senesi 17:6

E kau liuliuga loa a koe o lasi, e kau fakatupu loa meiate koe ni puleaga ; ti e tupu loa ni sau meiate koe.

Senesi 18:18

E liliu maoki loa Apalaamo ko se puleaga lasi mo makeke, ti e tapuakina loa a puleaga fuli o le kele iate ia.

Senesi 21:13

E kau toe fakatupu foki se puleaga mei le vosa o lau fafine fakasausau ; talie ko lou sakoga a ia.

Senesi 22:17

E kau tapuaki loa kiate koe, ti e kau liuliuga loa lou sakoga ofaipe fetuu o le lagi mo le one o le mata tai ; ti e maua loa e lou sakoga le matapa o ona fili.

Senesi 26:4

E kau liuliuga loa lou sakoga ofaipe fetuu o le lagi ; ti e kau soli loa ki lou sakoga a fenua fuli anei ; ti e tapuakina loa a puleaga fuli o le malama nei i lou sakoga ;

Senesi 28:14

E tatau loa lou sakoga mo le efu o le kele ; e ke mafolafola loa ki le potu uesite mo le potu esite, ki le potu noleto mo le potu saute ; ti e tapuakina loa a famili fuli o le malama nei iate koe mo lou sakoga.

Senesi 28:3

Ke tapuaki le Atua Mafimafi kiate koe, o fakatuputupua mo liuliuga a koe, ke ke liliu ko ni kakai mauke ai !

Senesi 32:12

Ti ko koe, na ke pati mai kiate au : E kau fai loa kiate koe le nea malie, ti e kau fakaliliu loa lou sakoga ke tatau mo le one o le tai, leia e leaise feala ke lau.

Senesi 32:13

Na nofo loa Sakopo i le pouli i le ganea lena. Na filifili loa e ia i nea ala na ofi kiate ia se moliga ki lona taina ko Esau :

Senesi 35:11

Ti na pati loa le Atua kiate ia : Ko au ko le Atua Mafimafi. Ke ke fanaunau, mo ke liuliuga : E tupu loa meiate koe se puleaga, mo ni puleaga lasi ai, ti e ulu loa ni sau mei ou ifiifi.

Senesi 46:3

Ti na pati loa le Atua : Ko au ko le Atua, ko le Atua o lou tamana. Ke aua na ke tuania i le ifo ki Esipito, talie e kau fakaliliu loa a koe ko se puleaga lasi i le fenua lena.

Uluaki tosi o Sau 3:8

Kua nofo lau tagata fakasausau i loto malie o le kakai leia na ke filifili, kakai api, leia e leaise mafai ke lau pe toka fia, o tupu ko lona api.

Uluaki tosi o Sau 4:20

Na api ai a Suta mo Iselaele, o tatau mo le one leia i le mata tai. Na lotou kai, mo inu ti mo fakafiafia.

Lua tosi o Sau 13:23

Kae na manava alofa loa le Eteleno kia latou, ti na tio loa ona mata kia latou o tupu ko lana sai mo Apalaamo, mo Isaake, mo Sakopo, na leaise loto loa a ia ke maumaui latou, ti na leaise tiaki loa e ia latou o kaku mai ki le aso nei.

Uluaki tosi o Koloniko 21:5

Na tuku loa e Soape kia Tavite le tosi o le api o le kakai : na maua i Iselaele katoa ni tagata too seleta e miliona mo le tino lelau afe, ti mo tino lelau e fa mo le tino fitu afe i Suta.

Uluaki tosi o Koloniko 27:23

Na leaise lau loa e Tavite le kakai o Iselaele ala na fetuu kau lua o ifo ki lalo, o tupu na fakapapau e le Eteleno ke fakakakai loa Iselaele ofaipe fetuu o le lagi.

Lua tosi o Koloniko 1:9

I le lakaga nei, Eteleno Atua, ke fakasoko lau fakapapau leia na ke fai kia Tavite, loku tamana, talie kua ke fakanofo au ke sau ki se kakai api ai ofaipe le efu o le kele !

Sopo 5:25

E ke tio loa ki le api o lou sakoga, Ti e fai loa a uli o lou sakoga pe le mutie i faisaga.

Ekesote 1:7

Na fanaunau loa fanau a Iselaele o lasi ai, ti na lotou liliu loa o makeke mo mauiga. Ti na apele loa le fenua ia latou.

Ekesote 32:13

Manatui Apalaamo, mo Isaake, ti mo Iselaele, au tagata fakasausau ala na ke fakapapau totonu ki ai, o ke pati : E kau liuliuga loa lokoutou sakoga ofaipe fetuu o le lagi, e kau soli loa ki okoutou sakoga le fenua katoa leia na kau masau ki ai, ti e lotou maua loa a ia o lee gato.

Selemia 33:22

Ofaipe le one o le tai, leia e leaise mafai ke fuafua, Ti mo fetuu o le lagi, ala e leaise mafai ke lau, E kau liuliuga loa le sakoga o Tavite, laku tagata fakasausau, Ti mo le kau Levi leia e fai ia loku tausi.

Numelo 23:10

Ko ai leia e mafai ke lau ia le efu o Sakopo, Ti ke fakasa ia le lasi o le vaega fa o Iselaele ? Ke kau mate i le mate o le kakai agatonu lena, Ti ke tatau loku fakaoki mo lolatou !

Tetelonome 1:10

Kua fakaliuliuga koutou e le Eteleno, lokoutou Atua, ti kua kotou api i le aso nei o tatau mo fetuu o le lagi.

Epelo 11:12

Koia leia, mei se tagata e tasi, kua popo foki lona tino, na tupu loa se sakoga toka api ofaipe fetuu o le lagi, ti mo le one o le mata tai leia e leaise feala ke lau.

Apokalipisi 7:9

I le oki o le nea lena, na kau tio loa, ti ko leinei, na i ai loa se kakai toka api ai, leia na leaise mafai ke lau e se tasi, mei puleaga fuli, mo faasiga fuli, mo kakai fuli, mo masau fuli. Na lotou tutuu i mua o le ekeekeaga fakasau ti mo le Akeno, kua lotou kofu ki ni kofu tetea, ti na lotou too ni lau palema i olatou lima.

Tuifakamaau 6:3

I temi ala na to ai loa e fanau a Iselaele olatou faisaga, na pale ake loa Matiane, mo Amaleke ti mo ni kakai o le toafa, o taui Iselaele.

Tuifakamaau 6:5

Talie na lotou pale loa mo alatou kau manu ti mo olatou falela, na lotou ano ofaipe se ao seseivaka, na lotou api lasi ai, latou mo olatou kamelo, ti na lotou au loa ki le fenua ke maumaui a ia.