Senesi 13:10 - Tosi Tapu

¹⁰ Na siki loa e Lote ona mata ki aluga, ti na tio loa a ia ki le fenua o le Solotane leia na laumalie katoa ti na fakavai katoa. O kaku ki Tesoa, i mua o le maumaui o Sotoma mo Komola e le Eteleno, na fai a ia pe se oloto a le Eteleno, na fai a ia pe le fenua o Esipito.

Senesi 13:10 ပူးပေါင်းရင်းမြစ်များ

Senesi 11:27

Ko leinei le sakoga o Telake : Ko Telake na fakatupu ia loa Apalamo, mo Nakole, mo Alane. Na fakatupu loa e Alane a Lote.

Senesi 13:11

Na filifili loa e Lote le fenua laumalie katoa o le Solotane kiate ia, ti na siki loa e ia lona nofoaga ki le potu esite. Ti na la mavete loa i ai.

Senesi 13:9

Pe leaise tuu le fenua katoa i ou mua ? Koia mavae ai a koe iate au : kapau e ke ano ki le fetuu sema, ti e kau ano loa ki le fetuu atamai ; kapau e ke ano ki le fetuu atamai, ti e kau ano loa ki le fetuu sema.

Senesi 14:2

na lotou tau loa kia Pela ko le sau o Sotoma, mo Pilisa ko le sau o Komola, mo Sineapi ko le sau o Atema, mo Semepele ko le sau o Sepoimi, ti mo Soale ko le sau o Pela.

Senesi 14:8

Koia na ano ai loa le sau o Sotoma, mo le sau o Komola, mo le sau o Atema, mo le sau o Sepoimi, ti mo le sau o Pela leia ko Soa ; ti na lotou tau loa, i le vaivailiua o Sitime,

Senesi 3:6

Ti na tio loa le fafine na malie le laakau ki le kai, mo fulumalie ki le mata, ti mo mauiga ki le fakamavaa o le atamai. Na taui loa e ia se fa fuai laakau, o kai, ti na toe soli foki e ia ki lona avaga, leia na tuu i ona tafa, ti na kai loa a ia ki ai.

Senesi 47:6

e fakalogo le fenua katoa o Esipito kiate koe. Filifili e koe le ganea malie tukupau o le fenua ke lotou nonofo ai. Ke lotou nonofo i le fenua o Koseni ! Ti kapau e ke maua ia latou ni tagata poto i le tausi manu, ti ke tuku latou ke tokaga ki aku kau manu.

Senesi 6:2

ti na tio loa a vosa o le Atua na fulumalilie ai a taineliki o tagata, ti na lotou filifili loa ni iki o latou ko alatou avaga.

Uluaki tosi o Sau 7:46

Na saka mo gaoi a nea fuli ana i le fakatotonu a le sau i le potu toafa o le Solotane leia na maua ai se kele kula, i le vasa o Sikote mo Saletane.

Sopo 40:23

Pe fai loa e ia se sai mo koe Ke liliu ai a ia o popula tuumau kiate koe ?

Pesalemo 107:34

Le kele mauli ko se kele kaka, O tupu ko le agaveli o lona kakai.

Esaia 15:5

Kua tagi foki loku loto ki Moape, Leia kua sosola lona kakai o kaku ki Tesoale, mo Ekalate-Selisisa ; Talie kua lotou pale fetagisi ki Lukite, Ti kua lotou taukalaga i le mamae i le ala o Kolonaimi.

Esaia 51:3

Talie e alofa le Eteleno ki Sione, Ti e alofa a ia ki ona maumau fuli ; E fakaliliu loa e ia lona toafa ofaipe se Palatiso, Ti mo lona kele malo ofaipe se oloto a le Eteleno. E maua loa i ai le fiafia mo le nekenekea, A fakafetai ti mo le sua o katiko.

Selemia 48:34

E logo a kalaga a Eseponi o kaku ki Eleale, Ti e kaku foki olatou leo ki Saate, Mei Tesoale o kaku ki Kolonaimi, mo Ekalate-Selisisa ; Talie kua maumau foki a vai o Nimelimi.

Esekiele 16:46

Ko lou taina mua, leia e nofo i lou fetuu sema, ko Samalia mo ona taineliki ; ti ko lou ga taina ikiiki, leia e nofo i lou fetuu atamai, ko Sotoma mo ona taineliki.

Esekiele 16:49

Ko leinei le agasala a Sotoma, lou ga taina : Na fia nealasi a ia, ti na mauli a ia i le koloa, ti na leaise tuania ia e ia se nea, a ia mo ona taineliki ; ti na leaise tokoi a ia ki le kau mativa mo le kau fakaaloalofa.

Esekiele 28:13

Na ke nofo i Eteni, i le oloto o le Atua ; Na kofu a koe ki fatu mauiga fuli, Ki le saletuane, mo le topasi, mo le taimane, Ki le kilisolite, mo le onise, mo le sasepe, Ki le safile, mo le kelenate, mo le emelote ti mo le aulo : I le aso leia na fakatupu ai a koe, Na ke teu ki ni nea fakateuteu mauiga.

Esekiele 31:8

Na leaise fakalaka ake iate ia a sete o le oloto a le Atua, Na leaise tatau se laa o se sipele mo ona laa, Ti na leaise tatau se lau o se palatane mo lona lau ; Na leaise tatau se laakau i le oloto o le Atua mo ia i le lasi ai o lona fulumalie.

Esekiele 31:9

Na kau fakafulumalie a ia ki ni laa mauke, Ti na manumanu kiate ia a laakau fuli o Eteni, i le oloto a le Atua.

Esekiele 47:18

Ko le koiga o le potu esite ko le Solotane i le vasa o Avalani mo Tamaso ti mo Kalaate, ti mo le fenua o Iselaele ; e kotou fua loa i le koiga i le noleto o kaku ki le tai Mate i le potu esite : ko le koiga loa lena o le potu esite.

Soele 2:3

E ano se afi kaka i ona mua ; Ti e muli iate ia se ula vevela ; Na fai le fenua i mua pe se oloto o Eteni, Kae talu mei ai, ko se toafa fakaii a ia : E leaise sao se nea iate ia !

Tetelonome 34:3

mo le fenua o Nekepi, mo le fenua o le Solotane, mo le vaivailiua o Seliko, mo le kolo o palemie, o kaku ki Soa.