Senesi 12:7 - Tosi Tapu

⁷ Na sa loa le Eteleno kia Apalamo, o pati : E kau soli loa le fenua leinei ki lou sakoga. Ti na fakatuu loa e Apalamo i le ganea lena se aletale ki le Eteleno, leia na sa kiate ia.

Senesi 12:7 ပူးပေါင်းရင်းမြစ်များ

Senesi 12:8

Ti na siki loa a ia i lena o ano ki le mauga, i le potu esite o Petele, ti na fakatuu loa e ia ona falela i le vasa o Petele i le potu esite mo Ai i le potu uesite. Na toe fakatuu loa e ia i lena se tasi aletale ki le Eteleno, ti na faikole loa a ia i le suafa o le Eteleno.

Senesi 13:15

talie ko le fenua katoa leia e ke tio ki ai, e kau soli atu loa a ia kiate koe mo lou sakoga, o tuumau.

Senesi 13:17

Tuu ki aluga, o foli takai le fenua i lona loa mo lona lau lasi, talie e kau soli loa a ia kiate koe.

Senesi 13:18

Na siki loa e Apalamo ona falela, ti na ano loa a ia o nofo i le ulu sene o Mamele, leia na ofi ki Epelone. Ti na fakatuu loa e ia i ai se aletale ki le Eteleno.

Senesi 13:4

le ganea leia na tuu ai le aletale leia na fakatuu e ia i mua. I ai, na faikole loa Apalamo i le suafa o le Eteleno.

Senesi 15:18

I le aso lena, na fakapapau loa le Eteleno kia Apalamo, o pati : E kau soli le fenua leinei ki lou sakoga, mei le vaitafe o Esipito o kaku ki le vaitafe lasi, ko le Eufalate :

Senesi 17:1

I le fetuu kau iva tupu iva o Apalamo, na sa loa le Eteleno kia Apalamo, o pati kiate ia : Ko Au ko le Atua Mafimafi. Ke ke saele i oku mua, ti ke agatonu !

Senesi 17:3

Na fakamapee loa Apalamo o fakatuu ona mata ki le kele ; ti na masau loa le Atua kiate ia, o pati :

Senesi 17:8

E kau soli loa kiate koe mo lou sakoga i ou muli, le fenua leia e ke nofo matapule ai, le fenua katoa o Kanaane, ko lou tofiga lee gato, ti e kau liliu loa ko lolatou Atua.

Senesi 18:1

Na sa loa le Eteleno kiate ia i le ulu sene o Mamele, kae na tonatona a ia i le matapa o lona falela, i le vevela o le aso.

Senesi 22:9

Na la kaku loa ki le ganea leia na pati ki ai le Atua, ti na fakatuu loa e Apalaamo se aletale, ti na fakatoka loa e ia le fafie i aluga. Na sai loa e ia lona vosa ko Isaake, o teki ki le aletale, i aluga o fafie.

Senesi 24:7

Ko le Eteleno, le Atua o le lagi, leia na fakamavae ia au mei le fale o loku tamana mo loku fenua, leia na masau mai kiate au o fakapapau feneeki mai : E kau soli loa le fenua leinei ki lou sakoga. E kakau loa e ia totonu lana aselo i ou mua ; ti e ke aumai loa mei le ganea lena se avaga ki loku vosa.

Senesi 26:25

Na fakatuu loa e ia i le ganea lena se aletale, ti na faikole loa a ia i le suafa o le Eteleno, ti na fakatuu loa e ia i le ganea lena lona falela. Na kenu loa e tagata fakasausau a Isaake i ai se sosoni.

Senesi 26:3

Nofo mau i le fenua leinei : E kau nofo loa mo koe, ti e kau tapuaki loa kiate koe, talie e kau soli loa a fenua fuli anei kiate koe mo lou sakoga, ti e kau fakasoko loa le fakapapau leia na kau fai kia Apalaamo, lou tamana.

Senesi 28:13

Ti ko leinei na nofo le Eteleno i aluga o le kakega ; ti na pati loa a ia : Ko au ko le Eteleno, ko le Atua o lou tamana ko Apalaamo, ti ko le Atua o Isaake. Ko le kele lena e ke moe ai, e kau soli loa a ia kiate koe mo lou sakoga.

Senesi 28:4

Ke tuku atu e ia kiate koe mo lou sakoga le tapuaki a Apalaamo, o tupu ke ke maua tofiga le fenua leia e ke nofo ai ofaipe se tagata matapule, leia kua soli e ia kia Apalaamo.

Senesi 32:30

Na soli loa e Sakopo le igoa ko Peniele ki le ganea lena ; talie na pati a ia : Kua kau tio mata ki le Atua, ti na fakamauli loa e ia loku mauli.

Senesi 33:20

Ti na fakatuu loa e ia se aletale i le ganea lena, o soli loa e ia ki ai le igoa ko Ele-Eloe-Isalaele : Atua, ko le Atua o Iselaele.

Senesi 35:12

E kau soli loa kiate koe le fenua leia na kau soli kia Apalaamo mo Isaake, ti e kau soli loa le fenua leinei ki lou sakoga ki muli.

Senesi 35:7

Ti na fakatuu loa e ia i ai se aletale, ti na tuku loa e ia le igoa ko Ele-Petele ki le ganea lena ; talie ko le ganea lena leia na sa ai le Atua kiate ia i lana sola mei lona taina.

Senesi 50:24

Na pati loa Sosefo ki ona fetaina : Kua tatae loku temi mate ; kae e fakatele maoki loa le Atua kia koutou, ti e fakamavae loa e ia koutou i le fenua leinei ki le fenua leia kua fakapapau e ia ke soli kia Apalaamo, mo Isaake, mo Sakopo.

Senesi 8:20

Na fakatuu loa e Noe se aletale ki le Eteleno ; ti na too loa e ia ni manu i manu mea fuli mo manu lele mea fuli, ti na momoli loa e ia ni failaulau i le aletale.

Lua tosi a Samuele 24:25

Na fakatuu loa e Tavite se aletale ki le Eteleno i le ganea lena, ti na momoli loa e ia ni failaulau mo ni sakilifisio fakafetai. Ti na fimalie loa le Eteleno ki le fenua, ti mavae loa le malaia i Iselaele.

Uluaki tosi o Sau 18:32

Ti na fakatuu loa e ia ki fatu ana se aletale foou ki le suafa o le Eteleno. Na kenu loa e ia i le takatakai o le aletale se kanivo leia na mafai ke liligi ki ai ni liti e kau tolu.

Uluaki tosi o Koloniko 16:16

Mo le sai leia na fai e ia mo Apalaamo, Ti mo le fakapapau leia na fai e ia kia Isaake ;

Uluaki tosi o Koloniko 16:18

O pati : E kau soli loa kiate koe le fenua o Kanaane Ofaipe le tofiga leia kua tuku atu kia koutou.

Lua tosi o Koloniko 20:11

ko leinei latou kua lotou fakapale matou i le aso nei, o au ke kapu matou i lou tofiga, le fenua leia na ke soli mai kia matou.

Lua tosi o Koloniko 20:7

Pe leaise ko koe, ei lomatou Atua, leia na kapu ia le kakai o le fenua leinei, i mua o lou kakai ko Iselaele, ti na soli ia a ia o lee gato ki le sakoga o Apalaamo leia na alofa kiate koe ?

Esetalasi 3:2

Ko Sosue, vosa o Sotesatake, mo ona fetaina kau tagata faisakilifisio, mo Solopapele, vosa o Saletiele, mo ona fetaina, na tutuu ake loa ki aluga o fakatuu le aletale o le Atua o Iselaele, ke momoli ai a failaulau o mulimuli ki le nea leia e tuu i le lao a Moisese, le tagata a le Atua.

Ekesote 17:15

Ti na fakatuu loa e Moisese se aletale, o soli loa ki ai le igoa : ko Seova-Nisi (ko le Eteleno ko loku manumanu).

Ekesote 24:4

Na tosi loa e Moisese a folafola fuli a le Eteleno. Ti na alaala usu loa a ia o fakatuu se aletale i lalo o le mauga, ti na eti loa e ia ni fatu e kau agafulu tupu lua o fakatatau ki famili e tino agafulu tupu lua o Iselaele.

Ekesote 32:13

Manatui Apalaamo, mo Isaake, ti mo Iselaele, au tagata fakasausau ala na ke fakapapau totonu ki ai, o ke pati : E kau liuliuga loa lokoutou sakoga ofaipe fetuu o le lagi, e kau soli loa ki okoutou sakoga le fenua katoa leia na kau masau ki ai, ti e lotou maua loa a ia o lee gato.

Ekesote 33:1

Na pati loa le Eteleno kia Moisese : Ano, mavae i leinei, a koe mo le kakai leia na ke fakamavae mei le fenua o Esipito ; pale ki le fenua leia na kau fakapapau ke soli kia Apalaamo, mo Isaake, mo Sakopo, o pati : E kau soli loa le fenua ki lou sakoga.

Ekesote 6:3

Na kau fakasa au kia Apalaamo, mo Isaake mo Sakopo, i loku igoa leia ko le Atua Mafimafi ; kae na leaise lotou iloa au i loku igoa leia ko le Eteleno.

Ekesote 6:4

Na kau fakatuu foki laku sai mo latou, ke soli kia latou le fenua o Kanaane, le fenua leia e lotou fanoga ai, leia na lotou nofo fakatemi ai.

Selemia 3:18

I aso ana, E saele loa le fale o Suta mo le fale o Iselaele ; E la au fakatasi loa mei le fenua o le noleto Ki le fenua leia na kau tuku ke maua e okoutou tamana.

Numelo 26:53

E vae loa le fenua kia latou, ke lotou maua tofiga a ia, o mulimuli ki le lasi o igoa.

Numelo 32:11

Ko tagata ala na pale mei Esipito, mei le fetuu kau lua o fai ki aluga, e leaise tio loa ki le fenua leia na kau fakapapau ke soli kia Apalaamo, mo Isaake, mo Sakopo, talie na leaise lotou mulimuli katoa i loku ala,

Gaoi 7:5

Ti na leaise soli loa e ia kiate ia se ga kele i le fenua leinei, pe ko se ganea fua ke teki ai lona vae, kae na fakapapau loa e ia ke soli le fenua katoa ma ana, ti mo lona sakoga ki muli iate ia, kae na leikiai fua sana fanau.

Loma 9:8

ko lona uiga : E leaise ko fanau o le kanofi ala ko fanau a le Atua, kae ko fanau o le fakapapau ala e lau ko le sakoga.

Kalate 3:16

Ko leinei, na fai a fakapapau kia Apalaamo mo lona sakoga. Na leaise pati : mo ona sakoga, o sakinake na mauke ni sakoga, kae ko le sakoga fai e tasi : ti ki lou sakoga, ko lona uiga kia Kilisito.

Kalate 4:28

Kia koutou, fetaina, ofaipe Isaake, ko fanau koutou o le fakapapau ;

Tetelonome 1:8

Kotou tio, kua kau tuku le fenua ki okoutou mua ; kotou ano, ti kotou too le fenua leia na fakapapau e le Eteleno ke soli ki okoutou tamana, ko Apalaamo, mo Isaake, mo Sakopo, mo lolatou sakoga i muli o latou.

Tetelonome 30:20

o alofa ki le Eteleno, lou Atua, ti mo fakalogo ki lona leo, ti mo pipiki kiate ia : Ko ia leia ko lou mauli, ti ko ia leia e fakatologa ia ou aso, o tupu ke ke nofo i le fenua leia na fakapapau e le Eteleno ke soli ki ou tamana, ko Apalaamo, mo Isaake, mo Sakopo.

Tetelonome 34:4

Na pati loa le Eteleno kiate ia : Ko lena le fenua leia na kau fakapapau kia Apalaamo, mo Isaake, mo Sakopo, o pati : E kau soli loa a ia ki okoutou sakoga. E kau fakatio a koe ki ai, kae e leaise ke ulu loa ki ai.

Tetelonome 6:10

I le aso leia e fakaulu ai loa a koe e le Eteleno ki le fenua leia na fakapapau e ia ki ou tamana, ko Apalaamo, mo Isaake, mo Sakopo, ke soli atu kiate koe, e ke maua loa i ai ni kolo lalasi mo fulumalilie ala na leaise ke fakatuu ia,

Tetelonome 9:5

Leai, e leaise se tupu ai ko lou maokioki mo le agatonu o lou loto leia e ke ulu ai loa o maua tofiga lolatou fenua ; kae e tupu ko le agaveli o puleaga ana leia e kapu ai latou e le Eteleno, lou Atua, i ou mua, ti ke fakamaoki ai le folafola leia na fakapapau e le Eteleno ki ou tamana, kia Apalaamo, mo Isaake, mo Sakopo.

Epelo 11:13

Ko le tui leia na lotou mamate fuli ai, kae na leaise lotou maua ia a nea ala na fakapapau ake kia latou ; kae na lotou tio mo taukalo mei mamao kia latou, ti na lotou fakasa e lotou matapule mo fanoga i le malama nei.

Epelo 11:8

Ko le tui leia na fakalogo ai loa Apalaamo ki le kalaga a le Atua, ti na ano ai loa a ia ki se fenua leia e tonu ke maua tofiga e ia, ti na ano loa a ia kae na leaise iloa e ia le ganea leia na ano a ia ki ai.

Sosue 1:6

Ke ke fakamakeke mo ke loto toa, talie ko koe leia e ave ia loa le kakai leinei ki le fenua leia na kau fakapapau ki olatou tamana ke soli kia latou.

Sosue 22:10

I lalatou kaku loa ki le kauvai o le Solotane, leia e kau ki le fenua o Kanaane, na fakatuu loa e vosa o Lupeni, mo Kate, ti mo le vaelua o Manase, se aletale i tafa o le Solotane, se aletale leia na lasi ai ki mata.

Sosue 8:30

Ti na fakatuu loa e Sosue se aletale ki le Eteleno, le Atua o Iselaele, i le mauga ko Epale,

Tuifakamaau 6:24

Ti na fakatuu loa e Seteone i le ganea lena se aletale ki le Eteleno, ti na tuku loa e ia ki ai le igoa ko le Eteleno o le tokamalie : koi tuu a ia i le aso nei i Ofala o Apiesele.

Uluaki tosi a Samuele 7:17

Ti na toe liliu mai a ia ki Lama leia na tuu ai lona kaiga ; i Lama na fakamaaui e ia a Iselaele, ti na fakatuu e ia i ai se aletale ki le Eteleno.