Senesi 12:5 - Tosi Tapu

⁵ Na ave loa e Apalamo lana avaga ko Salai, mo Lote, le vosa o lona taina, ti mo nea fuli ala na lotou maua, ti mo tagata fakasausau ala na lotou maua i Salani. Na lotou mavae loa o ano ki le fenua o Kanaane. Ti na lotou tau loa ki le fenua o Kanaane.

Senesi 12:5 ပူးပေါင်းရင်းမြစ်များ

Senesi 10:19

Na natu loa a koiga o Kanaane i Sitone, i le fetuu o Kela, o kaku ki Kasa, ti na lotou soko atu loa i ai ki Sotoma mo Komola, ki Atema mo Sepoimi, o tau ki Lesa.

Senesi 11:27

Ko leinei le sakoga o Telake : Ko Telake na fakatupu ia loa Apalamo, mo Nakole, mo Alane. Na fakatupu loa e Alane a Lote.

Senesi 11:31

Na too loa e Telake lona vosa ko Apalamo, mo Lote, vosa o Alane, vosa o lona vosa, ti mo Salai, lona fugao, avaga o Apalamo lona vosa. Ti na lotou mavae fakatasi loa mei Ulu i Kaletea, o ano ki le fenua o Kanaane. Na lotou kaku loa ki Salani, ti na lotou nofo loa i ai.

Senesi 13:5

Ko Lote, leia na kau fanoga mo Apalamo, na toe maua ia foki ni kau ovi fafine, mo ni kau pipi, mo ni falela.

Senesi 13:6

Ti na leaise feauga le fenua ke la nofo fakatasi i ai, talie kua lasi ai ola koloa, ti na leaise koi feala ke la nonofo fakatasi.

Senesi 14:14

I le maua e Apalamo o le logo kua ave popula lona taina, na tufa loa e ia ni masafu ki tino lelau e tolu mo le tino agafulu tupu valu o ana tagata fakasausau loto toa, ala na tupu i lona fale, ti na kapu loa e ia a sau o kaku ki Tane.

Senesi 14:21

Na pati loa le sau o Sotoma kia Apalamo : Soli mai kiate au le kakai, kae ke ke too ma au a koloa.

Senesi 28:10

Na ano loa Sakopo mei Pele-Sepa ki Salani.

Senesi 36:6

Na ave loa e Esau ana avaga, mo ona vosa, mo ona taineliki, mo lona kau kaiga katoa, mo ana kau pipi, mo ana kau ovi, mo ana kau koti, ti mo ona koloa fuli ala na maua e ia i le fenua o Kanaane, ti na ano loa a ia ki se tasi ake fenua kese, ke mamao mei lona taina ko Sakopo.

Levitiko 22:11

Kae kapau kua totogi paaga e se tagata faisakilifisio se tagata fakasausau, e kai loa e le tagata lena le nea kai a le tagata faisakilifisio, ti e tatau mo le tagata fakasausau leia kua tupu i le fale o le tagata faisakilifisio.

Gaoi 7:4

Ti na mavae loa a ia mei le fenua o le kau Kaletea, o nofo i Salani. I le oki o le mate o lona tamana, na too loa a ia e le Atua i lena, o aumai ki le fenua leinei e kotou nonofo ai nei.