Senesi 12:16 - Tosi Tapu

¹⁶ Na agamalie loa Falaone kia Apalamo o tupu ko le fafine ; ti na soli loa e Falaone kia Apalamo ni ovi, mo ni pipi, mo ni asino, mo ni tagata fakasausau, mo ni fafine fakasausau, mo ni asino fafine, ti mo ni kamelo.

Senesi 12:16 ပူးပေါင်းရင်းမြစ်များ

Senesi 13:2

Na lasi ai a koloa o Apalamo : Na lasi ai lana kau manu, mo lana paaga, ti mo lana aulo.

Senesi 13:6

Ti na leaise feauga le fenua ke la nofo fakatasi i ai, talie kua lasi ai ola koloa, ti na leaise koi feala ke la nonofo fakatasi.

Senesi 16:1

Ko Salai, le avaga o Apalamo, na leaise soli ia se fanau kia Apalamo. Kae na i ai sana fafine fakasausau Esipito, na igoa ko Akale.

Senesi 20:14

Na too loa e Apimeleke ni ovi, mo ni pipi, mo ni tagata fakasausau, mo ni fafine fakasausau, ti na soli loa e ia latou kia Apalaamo ; ti na toe liufaki loa e ia kiate ia lana avaga ko Sala.

Senesi 24:35

Kua tapuaki lasi ai le Eteleno ki loku aliki, ti kua liliu a ia o makeke. Na soli e le Eteleno kiate ia ni kau ovi mo ni kau pipi, mo se siliva ti mo se aulo, mo ni kau tagata fakasausau ti mo ni kau fafine fakasausau, mo ni kau kamelo ti mo ni kau asino.

Senesi 26:14

Na maua e ia ni kau manu liliki mo ni kau manu lalasi, ti mo ni tagata fakasausau toka api ai : Koia na finenonofo ai loa le kau Filisitini kiate ia.

Senesi 30:43

Na asilisili mou koloa loa le tagata lena : Na lasi loa ana kau ovi, mo ana kau koti, mo ana fafine fakasausau, mo ana tagata fakasausau, mo ana kau kamelo, ti mo ana kau asino.

Senesi 32:5

Kua kau maua ni aku kau pipi, mo ni kau asino, mo ni kau ovi, mo ni kau tagata fakasausau, mo ni kau fafine fakasausau ; ti e kau kakau atu kiate koe ni tagata avelogo ke fakasa ki loku aliki le nea lena, o tupu ke ke tali malie lau tagata fakasausau.

Sopo 1:3

Na maua e ia ni ovi fafine e fitu afe, mo ni kamelo e afe, mo ni soa pipi tagata e kau lelau lima, mo ni asino fafine e kau lelau lima, ti mo ni tagata fakasausau toka api. Ti na mauiga toka tasi le tagata lena i tagata fuli o le potu Esite.

Sopo 42:12

I le lolotoga o fetuu fakaoki ana, na maua loa e Sopo mei le Eteleno ni tapuakina o lasi ake i tapuakina ala na maua e ia i mua. Na maua loa e ia se kau ovi fafine e kau agafulu tupu fa afe, mo se kau kamelo e afe ono, mo ni soa pipi tagata e afe, ti mo se kau asino fafine e afe.

Luka 12:45

Kae, kapau e pati loa le tagata fakasausau lena i lona loto : E tuvai mai loku pule ; ti kapau e tamate loa e ia a tagata fakasausau mo fafine fakasausau, ti kapau e kai loa a ia mo inu ke kona,