Senesi 12:15 - Tosi Tapu

¹⁵ Ti na tio foki le kau aliki a Falaone ki le fafine ti na lotou viki loa a ia kia Falaone ; ti na ave loa le fafine ki le fale o Falaone.

Senesi 12:15 ပူးပေါင်းရင်းမြစ်များ

Senesi 12:14

I le kaku a Apalamo ki Esipito, na tio loa le kau Esipito ki le fulumalie lasi o le fafine.

Senesi 20:2

Na pati loa Apalaamo ki lana avaga ko Sala : Ko loku tuagaane. Ko Apimeleke, sau o Kela, na fakatotonu ia loa ke too ake a Sala kiate ia.

Senesi 26:7

Na vesili loa le kakai o le fenua lena kiate ia ki lana avaga, ti na tali loa a ia kia latou : Ko loku tuagaane. Na i a ia i le pati ko lana avaga, talie na tamate a ia e le kakai o le ganea lena, o tupu ko le fulumalie o Lepeka.

Senesi 40:2

Na ita loa Falaone ki ana minisi, le pule vino mo le pule pane.

Senesi 41:1

Na sili loa ni fetuu katoa e lua, ti na fai loa e Falaone se moe miti : Ko leinei, na tuu a ia i le kauvai o le vaitafe.

Uluaki tosi o Sau 3:1

Na sai loa Salomone mo Falaone, sau o Esipito, i se avaga. Na avaga loa a ia mo le taine o Falaone, ti na aumai loa e ia a ia ki le kolo o Tavite, o talitali ke oki le fakatuu o lona fale, mo le fale o le Eteleno, ti mo le paa takai o Selusalemi.

Lua tosi o Sau 18:21

Ko leinei, na ke tuku lau fanaki ki Esipito, na ke too ke tokoi atu kiate koe le fa u fati lena, leia e puui ia le lima o se tasi fua e fanaki ki ai : Ko le anoaga lena o Falaone, sau o Esipito, kia latou fuli ala e fanaki kiate ia.

Pesalemo 105:4

Kotou afa le Eteleno mo lana tokoi, Kotou afa tuumau ona mata !

Ekesote 2:15

I le logo a Falaone ki le nea na soko, na afa loa e ia Moisese ke tamate. Kae na sola loa Moisese mei mua o Falaone, o ano ki le fenua o Matiane, ti na manavanava loa a ia i tafa o se sosoni.

Ekesote 2:5

Na ifo loa le taine o Falaone ki le vaitafe o maanu, kae na evaeva loa a taineliki ala na au mo ia i tafa o le vaitafe. Na tio loa le taine ki le kete i le ulu u, ti na kakau loa e ia lana taine fakasausau ke ano o aumai a ia.

Taagapati 29:12

Kapau e tau tokaga leia e pule ki masau loi, E liliu o agaveli ana tagata fakasausau fuli.

Taagapati 6:29

E tatau foki mo leia e ano ki le avaga o lona oloi : Ko leia e fafa kiate ia e leaise nofo loa sala tautea.

Selemia 25:19

Kia Falaone, sau o Esipito, Ki ana tagata fakasausau, mo ona pule, mo lona kakai katoa ;

Selemia 46:17

I lena, e kalaga : Falaone, sau o Esipito, Ko se logoa noa a ia ; kua oki lona temi.

Esekiele 32:2

Vosa o le tagata, Fai se tagi laulau kia Falaone, sau o Esipito ! E ke pati loa kiate ia : Na ke faipe se laione muli i loto malie o atu puleaga ; Na ke faipe se kolokotile i atu tai, Na ke ano i loto o ou vaitafe, Na ke fakafufu olatou vai ki ou vae, Na ke fakapiau olatou galu.

Epelo 13:4

Kotou fakaapaapa fuli ki le nofo avaga, ti ke agatonu le taumatua, talie e fakamaaui loa e le Atua latou ala e fai feauaki mo tono.