Senesi 12:10 - Tosi Tapu

¹⁰ Na to loa se oge i le fenua. Ti na ifo loa Apalamo ki Esipito ke nofo i ai, talie na lasi ai le oge i le fenua.

Senesi 12:10 ပူးပေါင်းရင်းမြစ်များ

Senesi 41:56

Na veli loa le oge i le fenua katoa. Ti na fakamavaa loa e Sosefo a ganea fuli ala na tanaki ai a nea kai, ti na fakatau loa e ia le fulumeto ki le kau Esipito. Na toe asilisili veli loa le oge i le fenua o Esipito.

Senesi 41:57

Ti na au loa mei fenua fuli ki Esipito, o totogi fulumeto ia Sosefo ; talie na veli ai le oge i fenua fuli.

Senesi 42:5

Ti na ano loa a vosa o Iselaele o totogi fulumeto mei Esipito, mo le kakai leia na ano o totogi fulumeto, talie na toe veli foki le oge i le fenua o Kanaane.

Senesi 43:1

Na toe asilisili veli le oge i le fenua o Kanaane.

Senesi 47:13

Na leaise koi maua se pane i le fenua katoa, talie na lasi ai le oge ; ti na gaegae ai le fenua o Esipito mo le fenua o Kanaane o tupu ko le oge.

Lua tosi a Samuele 21:1

I le temi o Tavite, na i ai loa se oge leia na fetuu tolu lona fualoa. Na afa loa e Tavite a mata o le Eteleno, ti na pati loa le Eteleno kiate ia : Kua soko le nea a ia, o tupu ko le tukipo a Saulo mo lona famili, i le tamate e Saulo le kau Kapaone.

Lua tosi o Sau 4:38

Na toe au loa Eliseo ki Kilikale, ti na i ai se oge i le fenua. Na tonatona loa a vosa o le kau polofeta i ona mua, ti na pati loa a Eliseo ki lana tagata fakasausau : fakatuu le fa kulo lasi ti ke fakamoso se supa ki vosa o le kau polofeta.

Lua tosi o Sau 6:25

Na to loa se oge lasi ai i Samalia ; na mailoga loa le veli o le tapotapono o Samalia e le kau Silia, na totogi loa le ulu o le asino ki fa paaga e kau valu, ti ko le vaeluai kilo o faikauga o lupe ki fa paaga e lima.

Pesalemo 105:13

Ti na lotou feanoaki mei leia puleaga ki leia puleaga, Ti mei leia puleaga ki leia puleaga ;

Pesalemo 107:34

Le kele mauli ko se kele kaka, O tupu ko le agaveli o lona kakai.

Pesalemo 34:19

E ofi le Eteleno kia latou ala e loto fatifati, Ti e fakamauli e ia latou ala e loto mamae.

Selemia 14:1

Na tuku loa le folafola a le Eteleno kia Selemia, i le taulaa.

Soane 16:33

Kua kau fakasa a nea ana kia koutou, o tupu ke kotou maua le tokamalie iate au. E kotou maua loa ni mamae i le malama nei ; kae kotou loto makeke, kua kau malo i le malama nei.

Gaoi 14:22

o fakamakeke le laumalie o le kau tisipulo, mo akonaki kia latou ke lotou tuu mau i le tui, o pati : e tonu ke tou ulu ki le Puleaga o le Atua i ni mamae lasi ai.

Gaoi 7:11

Ti na to loa se oge i le fenua katoa o Esipito, ti mo leia o Kanaane. Na lasi ai le mamae, ti na leaise koi maua e otatou tamana se nea kai.

Lute 1:1

I le temi o le kau tui fakamaau, na to loa se oge i le fenua. Na ano loa se tagata o Peteleemi i Suta mo lana avaga, mo ona vosa e toka lua, o nofo i le fenua o Moape.