Senesi 11:8 - Tosi Tapu

⁸ Ti na fakamavetevete loa latou e le Eteleno i aluga o le malama nei katoa ; ti na lotou taofi loa i ai le fakatuu o le kolo.

Senesi 11:8 ပူးပေါင်းရင်းမြစ်များ

Senesi 10:25

Na tupu loa kia Epele a vosa e lua : na igoa loa le tasi ko Peleke, talie na mavetevete loa le malama nei i lona temi ; ti na igoa loa lona taina ko Sokitane.

Senesi 10:32

Ko famili ana o vosa o Noe, o mulimuli ki olatou tautupu mo olatou puleaga. Ti ko latou ana ala na fakatupu ia loa a puleaga ala na fakakakai ia le malama nei i le oki o le lomaki.

Senesi 10:5

Ko latou ana ala na fakakakai ia a mata tai o puleaga o mulimuli ki olatou kele, mo alatou masau, mo olatou famili, ti mo olatou puleaga.

Senesi 11:4

Na lotou toe pati loa : Tou tutuu ki aluga, ti tou fakatuu se kolo mo se tule leia e tau lona tumutumu ki le lagi ; ke logo ai lotatou igoa, ti ke aua na tou mavetevete loa i aluga o le malama nei katoa.

Senesi 11:9

Koia leia na tuku ai loa ki le kolo lena le igoa ko Papele, talie ko le ganea lena na veuki ai e le Eteleno le masau o le malama nei katoa, ti ko le ganea lena na fakamavetevete ai latou e le Eteleno i aluga o le malama nei katoa.

Senesi 49:7

Ke malaia lola ita, talie na veli ai lola ita ! Ke malaia lola itaita, talie na tukipo a ia ! Koia e kau fakamavaevae ai loa laua i le fenua o Sakopo, Ti e kau veteki loa laua i le fenua o Iselaele.

Pesalemo 33:10

E maumaui e le Eteleno a fakatuutuu a atu puleaga, E fakanoai e ia a fakatuutuu a kakai ;

Pesalemo 92:9

Kae ko koe, ko le Taualuga a koe, O lee gato, ei Eteleno !

Luka 1:51

Na fakasa e ia le makeke o lona lima ; Na veteki e ia latou ala na nonofo mo ni manatu fia nealasi i olatou loto.

Tetelonome 32:8

I le aso leia na soli ai e le Taualuga se tofiga ki atu puleaga, I le aso leia na fakamavaevae ai e ia a fanau a Atama, Na fakatuu loa e ia a koiga o puleaga ; Ti na tuku loa e ia ke fakalogo a puleaga ki fanau a Iselaele,