Senesi 11:7 - Tosi Tapu

⁷ Koia tou ifo o veuki ai lalatou masau, ke aua na lotou toe felogoi ia latou.

Senesi 11:7 ပူးပေါင်းရင်းမြစ်များ

Senesi 1:26

Ti na pati loa le Atua : Ke tou fakatupu le tagata o fakatatau kia tatou, ti ke pule a ia ki ika o le tai, mo manu lele o le lagi, mo manu lalata, ti mo manu totolo o le kele.

Senesi 10:20

Ko vosa ana o Kami, o mulimuli ki olatou famili, mo alatou masau, mo olatou fenua, ti mo olatou puleaga.

Senesi 10:32

Ko famili ana o vosa o Noe, o mulimuli ki olatou tautupu mo olatou puleaga. Ti ko latou ana ala na fakatupu ia loa a puleaga ala na fakakakai ia le malama nei i le oki o le lomaki.

Senesi 10:5

Ko latou ana ala na fakakakai ia a mata tai o puleaga o mulimuli ki olatou kele, mo alatou masau, mo olatou famili, ti mo olatou puleaga.

Senesi 11:5

Na ifo loa le Eteleno o tio ki le kolo mo le tule leia na fakatuu e vosa o tagata.

Senesi 3:22

Ti na pati loa le Eteleno Atua : Ko leinei, kua liliu le tagata ofaipe se tasi o tatou, talie kua iloa e ia le malie mo le veli. Koia ke tou taofi a ia i le aso nei ke aua na falo lona lima, o tau le laakau o le mauli o kai, ti ke mauli loa a ia o lee gato.

Senesi 42:23

Na leaise lotou iloa na logo Sosefo ki alatou masau, talie na fakaaoga e Sosefo se tagata fakasokopati kia latou.

Sopo 12:20

E too e ia le masau meia latou ala e poto masau ; Ti e too e ia le poto a le kau matua.

Pesalemo 2:4

Ko leia e eke i le atu lagi e kata, Ti e gologolo le Aliki kia latou.

Pesalemo 33:10

E maumaui e le Eteleno a fakatuutuu a atu puleaga, E fakanoai e ia a fakatuutuu a kakai ;

Pesalemo 55:9

E kau sola vave loa, O gasolo ake i le matagi makeke mo le afa.

Ekesote 4:11

Na pati loa le Eteleno kiate ia : Ko ai na fakatupu ia le gutu o le tagata ? Ti ko ai e fakaliliu ia le tagata o gutu mate, mo tulituli, mo tio pe kivi ? Pe leaise ko au leia ko le Eteleno ?

Esaia 33:19

E leaise ke toe tio loa ki le kakai matasoka, Ki le kakai leia na fakapouli lana masau ke aua na logo ki ai, Ti na faikese lona alelo ke aua na matala ki ai.

Esaia 6:8

Na kau logo loa ki le leo o le Aliki leia na pati : Ko ai ka kau kakau ia loa, ti ko ai ka saele loa kia matou ? Na kau tali loa : Ko leinei au, ke ke kakau au.

Selemia 5:15

Ko leinei, e kau aumai loa mei mamao se puleaga kia koutou, fale o Iselaele ; E pati le Eteleno ; Ko se puleaga makeke a ia, ko se puleaga afea, Se puleaga leia e leaise ke iloa lana masau, Ti e leaise ke matala loa ki ana masau.

Uluaki tosi ki le kau Kolinto 14:23

Kapau loa, i se fakatasi a le Ekelesia katoa, e masau fuli i masau kesekese, kae ulu mai ni iki ala e leaise matala pe ko ni iki ala e lee tui, pe leaise lotou pati loa kua kotou valelea ?

Tetelonome 28:49

E lagai loa e le Eteleno kiate koe se puleaga mei mamao, mei potupotu o le malama nei, se puleaga leia e oso ofaipe le akuila fekai, se puleaga leia e leaise ke matala ki lana masau,