Senesi 1:31 - Tosi Tapu

³¹ Na tio loa le Atua ki nea fuli ala na fakatupu e ia, ti ko leinei na malie tukupau le nea lena. Ti na i ai loa se afiafi, ti na i ai loa se usu : ko lona ono aso loa a ia.

Senesi 1:31 ပူးပေါင်းရင်းမြစ်များ

Senesi 1:13

Ti na i ai loa se afiafi, ti na i ai loa se usu : ko le tolu aso loa lena.

Senesi 1:19

Ti na i ai loa se afiafi, ti na i ai loa se usu : ko le fa aso loa a ia.

Senesi 1:23

Ti na i ai loa se afiafi, ti na i ai loa se usu : ko le lima aso loa a ia.

Senesi 1:5

Ti na fakaigoa loa e le Atua le malama ko le ao, kae na fakaigoa loa e ia le fakapouli ko le pouli. Ti na i ai loa se afiafi, ti na i ai loa se usu : ko le uluaki aso loa a ia.

Senesi 1:8

Na fakaigoa loa e le Atua le vasa ko le lagi. Ti na i ai loa se afiafi, ti na i ai loa se usu : ko le lua aso loa a ia.

Senesi 2:2

Na fakaoki loa e le Atua lana gaoi i le fitu o aso, ti na malolo loa a ia i ana gaoi fuli ala na fai e ia.

Senesi 2:3

Na tapuaki loa le Atua ki le fitu o aso, ti na vaei kese loa e ia le aso a ia, talie na malolo loa a ia i le aso aia i ana gaoi fuli ala na fai e ia ki le fakatupu o le lagi mo le kele.

Sopo 38:7

Kae pasipasi mo sua fiafia a fetuu o le mafoata, kae kalaga fiafia a vosa fuli o le Atua ?

Pesalemo 104:24

E mauke ai au gaoiaga, ei Eteleno ! Na ke fai latou fuli i le poto. E apele le malama nei i au nea malilie.

Pesalemo 104:28

E ke soli a ia kia latou, ti e lotou tali a ia ; E ke fakamavaa lou lima, ti e lotou kai makona au nea malilie.

Pesalemo 104:31

Ke tuu le kololia o le Eteleno o lee gato ! Ke fiafia le Eteleno i ana gaoiaga !

Pesalemo 119:68

E ke agamalie ti e ke fai nea malie ; Ako mai kiate au au fakatuutuu !

Ekesote 20:11

Talie na fai e le Eteleno i aso e ono, le lagi, mo le kele, mo le tai, ti mo nea fuli i ai, ti na malolo a ia i le fitu o aso : koia leia na tapuaki ai le Eteleno ki le aso o le sapato, ti na fakatapui ai e ia a ia.

Ekesote 31:17

E liliu loa le aso lena ko se fakamailoga iate au mo fanau a Iselaele, o lee gato : talie na fakatupu e le Eteleno le lagi mo le kele i aso e ono, kae na tuku loa e ia lana gaoi i le fitu o aso, ti na malolo loa a ia.

Taagapati 16:4

Na fai e le Eteleno a nea fuli ki se tauaga, Ti mo le tagata agaveli foki ki le aso o le malaia.

Ekelesiasi 3:11

Kua fai e ia a nea fuli ke fulumalie i lona temi totonu. Kua tuku foki e ia ki olatou loto le manatu o le mauli lee gato, logo ai e leaise mafai ke matala le tagata ki le gaoi leia e fai e le Atua mei lona kamataaga o kaku ki lona fakaoki.

Tagi laulau a Selemia 3:38

Pe leaise ko le finegalo o le Taualuga leia e soko ai A nea veveli mo nea malilie ?

Tetelonome 32:4

Ko le Utu a ia ; e malie tukupau ana gaoi, Talie e agatonu ona ala fuli, Ko se Atua agatonu mo faitotonu a ia, E apele a ia i le agatonu mo le maokioki.

Uluaki tosi kia Timoteo 4:4

Talie e malie a nea fuli ala na fakatupu e le Atua, ti e leaise tonu ke tiaki se nea, kae ke too a ia mo ni fakafetai,

Uluaki tosi kia Timoteo 4:5

talie e fakamea a nea fuli e le folafola a le Atua mo le faikole.