Senesi 1:27 - Tosi Tapu

²⁷ Na fakatupu loa e le Atua le tagata o fakatatau kiate ia ; na fakatupu e ia le tagata o fakatatau ki le paaki o le Atua, na fakatupu e ia le tagata mo le fafine.

Senesi 1:27 ပူးပေါင်းရင်းမြစ်များ

Senesi 2:18

Na pati loa le Eteleno Atua : E leaise malie ke nofo toka tasi le tagata ; e kau fai loa se tokoi ke tatau mo ia.

Senesi 2:7

Na fau loa e le Eteleno Atua le tagata mei le efu o le kele, ti na pupusi loa a ia ki ona pogoisu se tukumanava o le mauli, ti na liliu loa le tagata ko se laumalie mauli.

Senesi 9:6

Kapau e liligi e se tasi le toto o se tagata, ti e toe liligi loa e le tagata lona toto ; talie kua fakatupu e le Atua le tagata o fakatatau kiate ia.

Pesalemo 139:14

E kau fakafetai kiate koe i lau gaoi loku tino o fulumalie ai. E fulumalie ai au gaoiaga, Ti e iloa a ia e loku laumalie.

Ekelesiasi 7:29

Ti ko leinei le tasi a nea leia kua kau maua : Na fakatupu e le Atua le tagata i le agatonu, kae kua lotou fakaliliu ia a nea fuli o faigataa.

Esaia 43:7

Latou fuli ala e igoa ki loku igoa, Ti na kau fakatupu ki loku kololia, Ala na kau fau ti na kau fai.

Selemia 29:6

Kotou too ni avaga kia koutou ti kotou fakatupu ni vosa mo ni taineliki ; kotou too ni avaga ki okoutou vosa, ti kotou soli ni avaga ki okoutou taineliki, o tupu ke lotou fakatupu ni vosa mo ni taineliki ; kotou liuliuga i le ganea leia e kotou nonofo ai, kae aua na kotou lavaki.

Malakia 2:15

Na leaise fai le nea lena e se tasi, mo ka na i ai sona ga poto. Ko le toka tasi na fai ia a ia, ti kolea lona tupuaga ? Talie na afa e ia le sakoga leia na fakapapau e le Atua kiate ia. Koia kotou tokaga ai kia koutou totonu, Ti ke aua na agatuu se tasi ki le avaga o lona temi tupulaga !

Mateo 19:4

Na tali loa a ia : Pe na leaise kotou lau na fakatupu e le Atua i le kamataaga le tagata mo le fafine

Maleko 10:6

Kae i le kamataaga o le fakatupu o le malama nei, na fakatupu e le Atua le tagata mo le fafine ;

Efeso 2:10

Talie ko tatou ko lana gaoiaga, leia na fakatupu ia Sesu-Kilisito ki ni gaoi malilie, ala na teuteui fakatomua e le Atua, o tupu ke tou fai latou.

Efeso 4:24

ti ke kotou kofu le tagata foou, leia na fakatupu ke tatau mo le Atua i se faitotonu mo se maokioki ala e au mei le maoki.

Tetelonome 4:32

Ke ke vesili ki aso o le temi mago, ala na muamua iate koe, mei le aso leia na fakatupu ai e le Atua le tagata i le kele, mei leia potupotu ki leia potupotu : Pe kua soko i se aso se nea fenaaki ? Pe kua logo se tasi ki se masaui o se nea fenaaki ?

Kolose 1:15

Ko le Alo ko le paaki a ia o le Atua leia e leaise tou tio mata ki ai, ko le uluaki tupu a ia o nea fuli kua fakatupu.

Kolose 1:26

le misitelio leia na fufu i temi fuli ki tautupu fuli, kae kua fakasa i le aso nei ki lana kau maokioki.

Kolose 3:10

ti kua kotou kofu le tagata foou leia e fakafoou i le poto o mulimuli ki le paaki o leia na fakatupu ia a ia.

Tuifakamaau 21:22

Kapau e au loa olatou tamana pe ko olatou tuagaane o tagi mai kia matou, e motou pati loa kia latou : Ke kotou tuku mai latou kia matou, talie na leaise motou maua ia se fafine ki le tagata taki toka tasi i le tau. E leaise ko koutou ala na soli ia latou kia latou ; koia e leaise kotou sala ai ki lakoutou fakapapau.