Senesi 1:26 - Tosi Tapu

²⁶ Ti na pati loa le Atua : Ke tou fakatupu le tagata o fakatatau kia tatou, ti ke pule a ia ki ika o le tai, mo manu lele o le lagi, mo manu lalata, ti mo manu totolo o le kele.

Senesi 1:26 ပူးပေါင်းရင်းမြစ်များ

Senesi 11:7

Koia tou ifo o veuki ai lalatou masau, ke aua na lotou toe felogoi ia latou.

Senesi 2:19

Ti na fau loa e le Eteleno Atua mei le kele a manu fuli o le vao, mo manu lele fuli o le lagi, ti na aumai loa e ia latou ki le tagata, talie ke tio a ia pe feaki loa le aga a le tagata o fakaigoa a manu, ti ke maua e nea fuli ala e mauli le igoa leia e tuku ake loa e le tagata.

Senesi 3:22

Ti na pati loa le Eteleno Atua : Ko leinei, kua liliu le tagata ofaipe se tasi o tatou, talie kua iloa e ia le malie mo le veli. Koia ke tou taofi a ia i le aso nei ke aua na falo lona lima, o tau le laakau o le mauli o kai, ti ke mauli loa a ia o lee gato.

Senesi 5:1

Ko leinei le tosi o le sakoga o Atama. I le fakatupu e le Eteleno le tagata, na fai loa e ia a ia o fakatatau ki le Atua.

Senesi 9:6

Kapau e liligi e se tasi le toto o se tagata, ti e toe liligi loa e le tagata lona toto ; talie kua fakatupu e le Atua le tagata o fakatatau kiate ia.

Sopo 35:10

Kae e leaise pati fua se tasi : Kofea le Atua, loku tupuaga, Leia e tuku ia ki loku loto ni sua fiafia i le pouli,

Sopo 39:11

E taka a ia i mauga o afa lana nea kai, Ti e afa e ia a nea fuli e sesega.

Sopo 5:23

Talie e ke kaukaunea loa mo fatu o faisaga, Ti e ke tokamalie loa mo manu o le kele.

Pesalemo 100:3

Ke kotou iloa ko le Eteleno e Atua ! Ko ia leia na fakatupu ia tatou, ti ko tatou a ana. Ko tatou ko lona kakai, ti ko le kau ovi o lona lotoa.

Pesalemo 149:2

Ke fakafiafia Iselaele i leia na fakatupu ia a ia ! Ke fiafia a vosa o Sione, o tupu ko lolatou sau !

Ekelesiasi 7:29

Ti ko leinei le tasi a nea leia kua kau maua : Na fakatupu e le Atua le tagata i le agatonu, kae kua lotou fakaliliu ia a nea fuli o faigataa.

Katiko o Katiko 1:11

E motou fai loa kiate koe ni tini aulo, Mo ni nonoa siliva.

Esaia 45:18

Talie ko leinei le folafola a le Eteleno, Leia na fakatupu ia a atu lagi, le Atua e tasi, Leia na fau ia le malama nei, leia na fai ia a ia ti na fakamakeke ia a ia, Leia na fau ia a ia ke aua na lavaki, Leia na fakatupu ia a ia ke nofoi : Ko au ko le Eteleno, ti e leaise tasi ake Atua.

Esaia 6:8

Na kau logo loa ki le leo o le Aliki leia na pati : Ko ai ka kau kakau ia loa, ti ko ai ka saele loa kia matou ? Na kau tali loa : Ko leinei au, ke ke kakau au.

Esaia 64:8

Aua na tuku lou sausau ke kaku ki lona gatoaga, ei Eteleno, Ti aua na ke manatui o tuumau le agaveli ; Kae ke ke tio mai kia matou, ko matou fuli ko lou kakai.

Selemia 27:6

Ti ko leinei, kua kau tuku a fenua fuli anei ki lima o Nepukatenesale, sau o Papilone, ko laku tagata fakasausau ; ti kua kau soli foki kiate ia a manu o faisaga ke fakalogo kiate ia.

Soane 14:23

Na tali loa Sesu kiate ia : Kapau e alofa se tasi kiate au, ti e fai loa e ia laku folafola, ti e alofa loa loku Tamana kiate ia ; e ma au loa kiate ia, ti e ma fai loa loma nofoaga iate ia.

Soane 5:17

Kae na tali loa Sesu kia latou : Koi gaoi loku Tamana i le temi nei ; ko au foki, e kau gaoi.

Gaoi 17:20

Talie e motou logo ki ni nea faikese. E motou fia iloa le uiga o le nea lena.

Gaoi 17:26

Ti na fakatupu e ia mei se tagata e tasi a puleaga fuli, ti na fakanofo e ia latou i le malama nei katoa, o fakatuutuu e ia kia latou a temi mo koiga o olatou fenua.

Uluaki tosi ki le kau Kolinto 11:7

E leaise tonu ke puloui e le tagata lona ulu, talie ko le paaki a ia o le kololia o le Atua, kae ko le fafine ko le kololia a ia o le tagata.

Lua tosi ki le kau Kolinto 3:18

Ti ko tatou fuli ala e tio i ni mata sala pulou ki le kololia o le Aliki ofaipe i se tiloata, e tou liliu ko se paaki e tasi mo ia, mei se kololia ki se kololia, i le Laumalie o le Aliki.

Lua tosi ki le kau Kolinto 4:4

ki le kau tui gataa ala kua fakakivi olatou mata e le atua o le sekulo leinei, o tupu ke aua na lotou tio ki le gigila o le malama o le Evaselio o le kololia o Kilisito, leia ko le paaki o le Atua.

Efeso 4:24

ti ke kotou kofu le tagata foou, leia na fakatupu ke tatau mo le Atua i se faitotonu mo se maokioki ala e au mei le maoki.

Kolose 1:15

Ko le Alo ko le paaki a ia o le Atua leia e leaise tou tio mata ki ai, ko le uluaki tupu a ia o nea fuli kua fakatupu.

Kolose 3:10

ti kua kotou kofu le tagata foou leia e fakafoou i le poto o mulimuli ki le paaki o leia na fakatupu ia a ia.

Sakopo 3:7

Talie na fakalalata e le tagata i mua, ti e koi fakalalata nei foki e ia a manu fekai kesekese fuli, mo manu lele, mo manu totolo, ti mo manu o le tai ;

Sakopo 3:9

E tou fakafetai ki le Aliki lotatou Tamana i le alelo, ti e tou lauveli foki i le alelo ki tagata ala na fai o fakatatau ki le paaki o le Atua.

Uluaki tosi a Soane 5:7

Talie e fakamaoki se toka tolu :