Senesi 1:21 - Tosi Tapu

²¹ Ti na fakatupu loa e le Atua a ika lalasi, ti mo manu mauli fuli ala e feanoaki mo fanaunau i le vai o mulimuli ki olatou faasiga. Na toe fakatupu foki e ia a manu lele kesekese. Na tio loa le Atua na malie le nea lena.

Senesi 1:21 ပူးပေါင်းရင်းမြစ်များ

Senesi 1:18

ti ke lotou pule ki le ao mo le pouli, ti ke lotou vaei kese le malama i le fakapouli. Na tio loa le Atua na malie le nea lena.

Senesi 1:20

Na pati loa le Atua : Ke tupu o lasi i le vai ni manu mauli, ti ke lele i le lagi ni manu lele.

Senesi 1:22

Na tapuaki loa le Atua kia latou, o pati : Ke kotou fanaunau, ke kotou liuliuga, ti ke kotou fakaapele ia a vai o tai ; ti ke liuliuga a manu lele i aluga o le kele.

Senesi 1:25

Na fakatupu loa e le Atua a manu kesekese fuli o le kele, mo manu lalata kesekese, ti mo manu totolo kesekese. Na tio loa le Atua na malie le nea lena.

Senesi 1:31

Na tio loa le Atua ki nea fuli ala na fakatupu e ia, ti ko leinei na malie tukupau le nea lena. Ti na i ai loa se afiafi, ti na i ai loa se usu : ko lona ono aso loa a ia.

Senesi 2:19

Ti na fau loa e le Eteleno Atua mei le kele a manu fuli o le vao, mo manu lele fuli o le lagi, ti na aumai loa e ia latou ki le tagata, talie ke tio a ia pe feaki loa le aga a le tagata o fakaigoa a manu, ti ke maua e nea fuli ala e mauli le igoa leia e tuku ake loa e le tagata.

Senesi 6:20

E au loa a manu kesekese fuli kiate koe, o taki toka lua, a manu lele o mulimuli ki olatou faasiga, mo manu lalasi o mulimuli ki olatou faasiga, ti mo manu totolo o le kele o mulimuli ki olatou faasiga, o tupu ke ke fakamauli latou.

Senesi 7:14

io latou, mo manu fuli o mulimuli ki olatou faasiga, manu lalasi o mulimuli ki olatou faasiga, mo manu liliki o mulimuli ki olatou faasiga, mo manu totolo o mulimuli ki olatou faasiga, ti mo manu lele o mulimuli ki olatou faasiga, mo manu lele liliki fuli, ti mo manu kapakau fuli.

Senesi 8:17

Fakamavae foki ki tafa a manu fuli ala na nofo mo koe, a manu lele, mo manu lalasi, mo manu liliki ti mo manu totolo. Ke lotou mafolafola i aluga o le kele, ti ke lotou fanaunau mo liuliuga i aluga o le kele.

Senesi 8:19

Ti na mavae loa mei le aleka a manu fuli, o mulimuli ki olatou faasiga, a manu lalasi mo manu liliki, a manu lele mo manu totolo.

Senesi 9:2

E i loa a manu fuli o le kele kia koutou, a manu lele fuli o le lagi, mo nea fuli ala e taka i aluga o le kele, ti mo ika fuli o le tai : kua tuku fuli atu latou ki okoutou lima.

Senesi 9:7

Ti ko koutou, ke kotou fanaunau, mo kotou liuliuga, mo kotou mafola i aluga o le kele, ti mo kotou fakakakai a ia.

Sopo 12:7

Ke ke vesili ki manu, ti e lotou ako atu loa a ia kiate koe, Ke ke vesili ki manu lele o le lagi, ti e lotou fakasa atu loa a ia kiate koe ;

Sopo 26:5

I mua o le Atua e lulu a ata Mo latou ala e nonofo i le loto moana.

Sopo 7:12

Pe ko se tai au, pe ko se tafolaa au, Ke ke fakanofo ai se kau leoleo kiate au ?

Pesalemo 148:7

Kotou fakafetai ki le Eteleno, mei lalo o le kele, Manu lalasi o le tai, mo koutou fuli, ko vanu loloto,

Ekesote 1:7

Na fanaunau loa fanau a Iselaele o lasi ai, ti na lotou liliu loa o makeke mo mauiga. Ti na apele loa le fenua ia latou.

Ekesote 8:3

Kae na toe fai foki e le kau fai nea fakatalatupua o Esipito le nea lena ki alatou nea fakatemonio. Na lotou fakapale foki a kelenui ki le fenua o Esipito.

Esekiele 32:2

Vosa o le tagata, Fai se tagi laulau kia Falaone, sau o Esipito ! E ke pati loa kiate ia : Na ke faipe se laione muli i loto malie o atu puleaga ; Na ke faipe se kolokotile i atu tai, Na ke ano i loto o ou vaitafe, Na ke fakafufu olatou vai ki ou vae, Na ke fakapiau olatou galu.

Sonasi 2:10

Kiate au, e kau momoli loa kiate koe ni failaulau mo ni kalaga fakafetai, E kau fai loa a fakapapau ala na kau fai : E au le fakamauli mei le Eteleno.

Mateo 12:40

Talie na nofo Sonasi i aso e tolu mo po e tolu i le manava o se ika lasi, ti e nofo loa le Vosa o le tagata i aso e tolu mo po e tolu i le manava o le kele.