Senesi 1:16 - Tosi Tapu

¹⁶ Na fakatupu loa e le Atua a malama lalasi e lua, ko leia e lasi ake ke pule ki le ao, ti ko leia e ikiiki ke pule ki le pouli ; na toe fakatupu foki e ia a fetuu.

Senesi 1:16 ပူးပေါင်းရင်းမြစ်များ

Senesi 1:15

Ti ke lotou tuu i le lagi o fakamalama ia le kele. Ti na soko loa le nea lena.

Sopo 31:26

Kapau na kau tio ki le laa i lona gigila, Ti mo le masina i lona sopo ake i lona fulumalie katoa,

Sopo 38:7

Kae pasipasi mo sua fiafia a fetuu o le mafoata, kae kalaga fiafia a vosa fuli o le Atua ?

Pesalemo 148:3

Kolua fakafetai kiate ia, laa mo masina ! Kotou fakafetai kiate ia, koutou fuli, ko fetuu gigila !

Pesalemo 148:5

Ke lotou fakafetai ki le suafa o le Eteleno ! Talie na fakatotonu e ia, ti na fakatupu latou.

Pesalemo 19:6

Ti ko le laa, o tatau mo se tama avaga leia e ulu mei lona kogafale, E makape i le malae fai manogi i le fiafia o se tagata malo :

Pesalemo 74:16

A au le ao, a au le pouli ; Na ke fakatupu le malama mo le laa.

Pesalemo 8:3

Na ke fakatuu lou kololia I gutu o toe liliki mo latou koi u, O tupu ke luma ai latou ala e fakafesagai kiate koe, Ti ke tapono ai a gutu o le fili mo leia e fia nealasi.

Esaia 13:10

Talie e leaise toe mu loa a fetuu o le lagi mo fetuu liliki fuli, Ti e fakapouli loa le laa i lona sopo, Ti e leaise toe mu loa le masina.

Esaia 24:23

E apele loa le masina i le luma, Ti mo le laa i le matagafua ; Talie e sau loa le Eteleno o kau tau i le mauga o Sione ti mo Selusalemi. E gigila loa lona kololia i mua o lana kau matua.

Esaia 40:26

Kotou siki okoutou mata ki aluga, ti kotou tio ! Ko ai na fakatupu ia a nea ana ? Ko ai e fakasaele fakaatu ia olatou kau tau ? E kalagai e ia latou fuli i olatou igoa taki tasi ; I lona makeke lasi mo lona pule, E leaise puli fua se toka tasi.

Esaia 45:7

E kau fau le malama, ti e kau fakatupu le fakapouli ; E kau soli le mou koloa, ti e kau fakatupu le malaia ; Ko au, le Eteleno, e kau fai a nea fuli ana.

Selemia 31:35

E folafola le Eteleno, leia na fakatupu ia le laa ke fakamalama ia le ao, Leia na fakatuutuu ia le masina mo fetuu ke fakamalama ia le pouli, Leia e fakamalagalaga ia le tai ti e fakagugulu ia ona galu, Leia e igoa ko le Eteleno o kau tau :

Apakuki 3:11

I le malama o au gasau ala e lele, I mua o le tapa gigila o lau tao, E tutuu le laa mo le masina i ola nofoaga.

Mateo 24:29

I le oki fai o aso mamae ana, e fakapouli loa le laa, ti e leaise toe malama loa le masina, ti e vivilo loa a fetuu mei lagi, ti e galulu loa a makeke o le atu lagi.

Mateo 27:45

I le lalatea na fakapouli loa le malama nei katoa o kaku ki le ola tolu sili lalatea.

Uluaki tosi ki le kau Kolinto 15:41

E kese fai le gigila o le laa, ti e kese le gigila o le masina, ti e kese le gigila o fetuu ; ti e kese le gigila o le tasi fetuu mei le tasi fetuu.

Tetelonome 4:19

Ke ke tokaga ai ki lou laumalie, ke aua na ke siki ake ou mata ki le lagi o tio ki le laa, mo le masina, mo fetuu, mo nea fuli o le lagi, ti ke siga loa ki le agasala, o atolasio kia latou ti mo tausi kia latou : kua tuku latou e le Eteleno lou Atua ki atu puleaga fuli o le malama nei katoa ;

Apokalipisi 21:23

Ti na leaise aoga ki le kolo se laa mo se masina, ke fakamalama ia a ia ; talie e fakamalama a ia e le kololia o le Atua, ti ko le Akeno ko lona fa malama a ia.