Senesi 1:14 - Tosi Tapu

¹⁴ Na pati loa le Atua : Ke sa ni nea malama i le lagi ke vae ia le ao mo le pouli ; ke tuu a malama ana ko ni fakamailoga o le temi, mo aso, mo fetuu ;

Senesi 1:14 ပူးပေါင်းရင်းမြစ်များ

Senesi 1:13

Ti na i ai loa se afiafi, ti na i ai loa se usu : ko le tolu aso loa lena.

Senesi 1:15

Ti ke lotou tuu i le lagi o fakamalama ia le kele. Ti na soko loa le nea lena.

Senesi 8:22

I le temi katoa leia e tuu ai loa le malama nei, ko le temi muluki o le fakaili mo lona temi tau, le momoko mo le vevela, le temi nive mo le temi mafana, le ao mo le pouli, e leaise lotou toe gato loa.

Senesi 9:13

Kua kau fakatuu laku nuanua i le ao, ke tuu ko se fakamailoga o le sai leia kua kau fai mo le kele.

Sopo 25:3

Ko ai e mafai ke lau ia ana kau tau ? Ko ai leia e leaise sopo ki ai lana laa ?

Sopo 25:5

Ko leinei, e leaise gigila foki le masina, Ti e leaise mea a fetuu ki ona mata.

Sopo 3:9

Ke aua na tio fua le po lena ki le fetuu ao, Ke ano noa lana talitali ke mafoa mai le ao, Ti ke aua na tio fua a ia ki laumata o le mafoata !

Pesalemo 119:91

Ko au lao ala e tuu ai nea fuli i le temi nei, Talie e fakalogo nea fuli kiate koe.

Pesalemo 148:3

Kolua fakafetai kiate ia, laa mo masina ! Kotou fakafetai kiate ia, koutou fuli, ko fetuu gigila !

Pesalemo 148:6

Na fakamakeke e ia latou o lee gato i tautupu mo tautupu ; Na tuku e ia ni lao, ti e leaise maumaui loa e ia latou.

Pesalemo 150:1

Kotou fakafetai ki le Eteleno ! Kotou fakafetai ki le Atua i lona sagatualio ! Kotou fakafetai kiate ia i le lagi laulasi, leia e sa ai lona mafimafi !

Pesalemo 81:3

Kotou sua ni katiko, kotou fakagugulu le nafa, Mo le alepe logo malie, mo le lute !

Esaia 40:26

Kotou siki okoutou mata ki aluga, ti kotou tio ! Ko ai na fakatupu ia a nea ana ? Ko ai e fakasaele fakaatu ia olatou kau tau ? E kalagai e ia latou fuli i olatou igoa taki tasi ; I lona makeke lasi mo lona pule, E leaise puli fua se toka tasi.

Selemia 10:2

E folafola le Eteleno, o pati : Aua na kotou faifaitaki ki ala o atu puleaga, Aua na kotou i ki fakamailoga o le lagi, O tupu e i a atu puleaga kia latou.

Selemia 31:35

E folafola le Eteleno, leia na fakatupu ia le laa ke fakamalama ia le ao, Leia na fakatuutuu ia le masina mo fetuu ke fakamalama ia le pouli, Leia e fakamalagalaga ia le tai ti e fakagugulu ia ona galu, Leia e igoa ko le Eteleno o kau tau :

Selemia 33:20

E folafola le Eteleno, o pati : Kapau e mafai ke kotou motusi laku sai mo le ao, Ti mo laku sai mo le pouli, Ke aua na toe sa loa le ao mo le pouli i ola temi,

Selemia 33:25

E folafola le Eteleno, o pati : Ka na leaise kau fai laku sai mo le ao ti mo le pouli, Ti ka na leaise kau fakatuu a lao o le lagi mo le kele,

Esekiele 46:1

E folafola le Aliki, le Eteleno, o pati : E mapono loa le matapa o le malae loto, i le fetuu esite, i aso e ono ala e gaoi ai ; kae e fakamavaa loa a ia i le aso o le sapato, ti e toe fakamavaa foki a ia i le aso o le masina foou.

Esekiele 46:6

I le aso o le masina foou, e momoli loa e ia se pipi tagata muli, mo ni akeno lee mele e ono, mo se ovi tagata lee mele ;

Soele 2:10

I olatou mua e lulu le kele, E galulu le atu lagi, E fakapouli le laa mo le masina, Ti e puli le gigila o fetuu.

Soele 3:15

Kua fakapouli le laa mo le masina, Ti kua puli le gigila o fetuu.

Amosi 5:8

Ko ia leia na fakatupu ia a fetuu o le Peleiate mo le Olione, Ko ia leia e fetogi ia le fakapouli o mafoata, Ko ia leia e fakaliliu ia le ao o pouli, Ko ia leia e kalagai ia a vai o le tai, Ti e fakamafola ia a ia i aluga o le kele : Ko le Eteleno ko lona igoa.

Amosi 8:9

I le aso lena, e pati le Aliki, le Eteleno : E kau fakagalo ia loa le laa i le lalatea, Ti e kau fakaliliu loa ke pouli le malama nei i le loto malie o le ao ;

Mateo 2:2

ti na lotou pati : Kofea le Sau o le kau Sutea leia nao tupu fua ? Talie kua motou tio ki lona fetuu i Olieto, ti kua motou au o atolasio kiate ia.

Mateo 24:29

I le oki fai o aso mamae ana, e fakapouli loa le laa, ti e leaise toe malama loa le masina, ti e vivilo loa a fetuu mei lagi, ti e galulu loa a makeke o le atu lagi.

Maleko 13:24

Kae i aso ana, i le oki o le mamae lena, e fakapouli loa le laa, ti e leaise toe tuku mai loa e le masina lona malama,

Luka 23:45

Ti na fakapouli loa le laa, ti na masae loa i loto malie le kie tapono o le fale tapu.

Tetelonome 4:19

Ke ke tokaga ai ki lou laumalie, ke aua na ke siki ake ou mata ki le lagi o tio ki le laa, mo le masina, mo fetuu, mo nea fuli o le lagi, ti ke siga loa ki le agasala, o atolasio kia latou ti mo tausi kia latou : kua tuku latou e le Eteleno lou Atua ki atu puleaga fuli o le malama nei katoa ;

Apokalipisi 6:12

Ti na kau tio loa, i lana fakamavaa le ono fakamau ; ti na to loa se mafuike lasi, ti na liliu loa le laa o uli ofaipe se taga fului osi, ti na liliu loa le masina katoa o kula ofaipe le toto,

Apokalipisi 8:12

Ko le fa aselo na pupusi ia loa lana fakatagi pupusi. Ti na taai loa le vaega tolu o le laa, mo le vaega tolu o le masina, ti mo le vaega tolu o fetuu, o tupu ke puli ai le vaega tolu o lolatou malama ; ti na puli loa le vaega tolu o le malama o le ao, ti na toe fenaaki foki mo le pouli.

Apokalipisi 9:2

ti na fakamavaa loa e ia le sosoni o le vanu. Ti na pale ake loa mei le sosoni se afu, ofaipe le afu o se gutuumu kaka ; ti na fakapouli loa le laa mo le aele i le afu o le sosoni.