Senesi 1:11 - Tosi Tapu

¹¹ Ti na pati loa le Atua : Ke somo i le kele se vao sesega, mo ni mutie o tasi mo ia lona pulapula, ti mo ni laakau fua o tasi mo ia lona fakaili, o mulimuli ki lona faasiga. Ti na soko loa le nea lena.

Senesi 1:11 ပူးပေါင်းရင်းမြစ်များ

Senesi 1:12

Ti na somo loa i le kele le vao sesega, mo mutie o tasi mo ia lona pulapula, ti mo laakau fua o tasi mo ia lona fakaili o mulimuli ki lona faasiga. Na tio loa le Atua na malie le nea lena.

Senesi 1:29

Ti na pati loa le Atua : Ko leinei, e kau soli kia koulua a laakau sesega fuli ala e maua ia ni pulapula ti e somo i le kele, ti mo laakau fuli ala e maua ia ni fua ti mo ni fakaili : ko lena lakoulua nea kai.

Senesi 2:16

Na tuku loa e le Eteleno Atua le fakatotonu leinei ki le tagata : E feala loa ke ke kai ki laakau fuli o le oloto ;

Senesi 2:5

I le fakatupu e le Eteleno o le kele mo le lagi, na leaise somo se laakau ikiiki o le vao i le kele, ti na leaise sa se mutie i aluga o le kele : talie na leikiaise tuku e le Eteleno Atua se ua ke to ki le kele, ti na leikiaise maua se tagata ke gaoi ki le kele.

Senesi 2:9

Ti na fakasosomo loa e le Eteleno Atua i le kele a laakau kesekese fuli e fulumalie ki le mata ti mo malie ki le kai. Ti na fakatuu loa e ia, i loto malie o le oloto, le laakau o le mauli mo le laakau o le iloa o le malie mo le veli.

Sopo 28:5

Ko le kele, leia e maua mei ai le pane, E maveuveu i lalo o sakinake na maumaui a ia e le afi.

Pesalemo 1:3

E tatau a ia mo se laakau na to i tafa se tafeaga vai, Leia e fua i lona temi, Ti e leaise gini lona lau : Ko nea fuli ala e fai e ia e manuia kiate ia.

Pesalemo 147:8

E kofu e ia le lagi ki ao ; E teuteu e ia le ua ki le kele ; E fakasosomo e ia le vao i aluga o mauga.

Esaia 61:11

Talie, ofaipe le kele leia e fakasomo ia lona pulapula, Ti e faipe le oloto leia e fakatupu ia ona fakaili, E fakatupu loa e le Aliki, le Eteleno, le fakamauli mo le fakafetai I mua o atu puleaga fuli.

Selemia 17:8

E fai a ia pe se laakau na to i tafa o se tafeaga vai, Leia e falo ia ona aka ki le tafe ; E leaise iloa e ia le vevela mo ka au a ia, Ti e sesega tuumau lona lau. I le fetuu o le taulaa, e leaise tuania e ia se nea, Ti e leaise toe gato lona fua.

Mateo 3:10

Kua tuu foki le toki i le aka o laakau : ko laakau fuli e leaise fua ki ni fua malilie e tuuti loa o ti ki le afi.

Mateo 6:30

Kapau kua teuteui fenaaki e le Atua le mutie o le vao, leia e mauli i le aso nei, kae e tiaki loa apogipogi ki le afi, pe leaise lasi ake le fia fakalava loa e ia koutou, kakai tui gaegae ?

Maleko 4:28

E fakatupu toka tasi e le kele lona fua, uluaki le muko, ti soko mo le taulu fulumeto, ti soko mo le fatui fulumeto kua katoa i le fui fulumeto ;

Uluaki tosi ki le kau Kolinto 15:38

Ti e soli loa e le Atua kiate ia se tino ofai ki lona loto, ti e soli e ia ki pulapula taki tasi se tino leia e ano totonu mo ia.

Epelo 6:7

Talie ko le kele leia e fakavai e le ua leia e to tuumau ki ai, e fakatupu ia se mutie aoga kia latou ala na gaoi ki ai, e kau a ia ki le tapuakina a le Atua ;

Sakopo 3:12

Pe mafai, ei oku fetaina, ke fua se fiki ko ni fuai olive, pe ko se vite ko ni fuai fiki ? E leaise feala foki ke fakatupu e se taiatea se vai mami.