Senesi 1:1 - Tosi Tapu

¹ I le kamataaga, na fakatupu loa e le Atua le lagi mo le kele.

Senesi 1:1 ပူးပေါင်းရင်းမြစ်များ

Lua tosi o Sau 19:15

ti na fai loa e ia le kole leinei kiate ia : Eteleno, Atua o Iselaele, leia e ekeeke i aluga o selupino ! Ko le Atua a koe e tasi i puleaga fuli o le kele, ko koe leia na fai ia le lagi mo le kele.

Uluaki tosi o Koloniko 16:26

Talie ko atua fuli o kakai ko ni taulaatua, Ti na fai e le Eteleno le lagi.

Lua tosi o Koloniko 2:11

Na tali loa Ilame, sau o Tile, kia Salomone i se tosi leia na fakamomoli e ia kia Salomone : Kua fakanofo a koe e le Eteleno ke sau ki lona kakai, o tupu ko lona alofa kiate ia.

Neemia 9:6

Ko koe Eteleno, ko koe toka tasi, leia na fau ia le lagi, le lagi o atu lagi, ti mo olatou kau tau fuli, mo le kele ti mo nea fuli i ai, mo atu tai ti mo nea fuli i ai. E ke soli le mauli ki nea fuli ana, ti e atolasio kiate koe le kau tau katoa o le atu lagi.

Sopo 26:13

E tuku e lana tukumanava le gigila ki le lagi, Ti e sukii e lona lima le gata pikopiko.

Sopo 38:4

Pe na ke nofo ifea i le temi leia na kau teki ai a fakatafito o le malama nei ? Fakasa a ia, mo kapau e ke atamai.

Sopo 9:8

Ko ia toka tasi leia na folasi ia le lagi, Ti e saele a ia i aluga o galu o le tai.

Pesalemo 102:25

E kau pati : Loku Atua, aua na ke too au i le lotolotoga o oku aso, A koe leia e lee gato ou fetuu !

Pesalemo 104:24

E mauke ai au gaoiaga, ei Eteleno ! Na ke fai latou fuli i le poto. E apele le malama nei i au nea malilie.

Pesalemo 104:30

E ke kakau mai lou Laumalie : e fakatupu latou, Ti e ke fakafoou le fuga o le malama nei.

Pesalemo 115:15

Ke tapuaki koutou e le Eteleno, Leia na fakatupu ia le lagi mo le kele !

Pesalemo 121:2

E au le tokoi mei le Eteleno, Leia na fakatupu ia le lagi mo le kele.

Pesalemo 124:8

E maua lomatou tokoi i le suafa o le Eteleno, Leia na fai ia le lagi mo le kele.

Pesalemo 134:3

Ke tapuaki le Eteleno kiate koe mei Sione, A ia leia na fai ia le lagi mo le kele !

Pesalemo 136:5

Ko ia leia na gaoi ia le lagi i lona atamai, Talie e lee gato lona manava alofa !

Pesalemo 146:6

Na fai e ia le lagi mo le kele, Le tai mo nea fuli e maua i ai. E taupau e ia lona agatonu o lee gato.

Pesalemo 33:6

Na fakatupu le atu lagi e le folafola a le Eteleno, Ti mo lona fuatau katoa e le tukumanava o lona gutu.

Pesalemo 33:9

Talie e pati a ia, ti e soko le nea ; E fakatotonu e ia, ti e tuku a ia.

Pesalemo 8:3

Na ke fakatuu lou kololia I gutu o toe liliki mo latou koi u, O tupu ke luma ai latou ala e fakafesagai kiate koe, Ti ke tapono ai a gutu o le fili mo leia e fia nealasi.

Pesalemo 8:4

Ka kau tio ki le lagi, le gaoiaga o ou lima, Mo le masina, mo fetuu ala na ke fakatupu :

Pesalemo 90:2

I mua o le tupu o atu mauga, Ti mo mua o lau fakatupu le kele mo le malama nei, Mei le lee gato ki le lee gato, e ke Atua.

Pesalemo 96:5

Talie ko atua fuli o atu puleaga ko ni taulaatua, Kae na fai e le Eteleno le lagi.

Ekesote 20:11

Talie na fai e le Eteleno i aso e ono, le lagi, mo le kele, mo le tai, ti mo nea fuli i ai, ti na malolo a ia i le fitu o aso : koia leia na tapuaki ai le Eteleno ki le aso o le sapato, ti na fakatapui ai e ia a ia.

Ekesote 31:18

I le oki o le masau a le Eteleno kia Moisese i le mauga o Sinai, na soli loa e ia kia Moisese a fatu e lua o le fakamaoki, ala na tosi e le lima o le Atua.

Taagapati 16:4

Na fai e le Eteleno a nea fuli ki se tauaga, Ti mo le tagata agaveli foki ki le aso o le malaia.

Taagapati 3:19

Ko le poto leia na fakatafito ai e le Eteleno le malama nei, Ti ko le atamai leia na fakatupu ai e ia le atu lagi ;

Ekelesiasi 12:1

Tama tupulaga, ke ke fiafia i le temi o lou tupulaga, tuku lou loto ki le fiafia i le lolotoga o aso o lou temi tupulaga, saele i ala o lou loto, ti mo oli o ou mata ; kae ke ke iloa, i nea fuli ana e aumai loa a koe e le Atua ki le fakamaauaga.

Esaia 37:16

Eteleno o kau tau, Atua o Iselaele, a koe leia e ekeeke i aluga o Selupino ! Ko koe toka tasi e Atua i puleaga fuli o le malama nei, ko koe leia na fakatupu ia le lagi mo le kele.

Esaia 40:21

Pe leaise kotou iloa ? Pe na leaise kotou logo ki ai ? Pe na leaise fakasa atu kia koutou i le kamataaga ? Pe na leaise kotou fakakaukau i se aso ki le fakatupu o le malama nei ?

Esaia 40:26

Kotou siki okoutou mata ki aluga, ti kotou tio ! Ko ai na fakatupu ia a nea ana ? Ko ai e fakasaele fakaatu ia olatou kau tau ? E kalagai e ia latou fuli i olatou igoa taki tasi ; I lona makeke lasi mo lona pule, E leaise puli fua se toka tasi.

Esaia 40:28

Pe leaise ke iloa ? Pe na leaise ke logo ki ai ? Ko le Eteleno ko le Atua o sekulo mo sekulo ; Ko ia leia na fakatupu ia le malama nei mei leia potupotu o kaku ki leia potupotu ; E leaise toe gaegae fua a ia, ti e leaise toe kaekae fua a ia ; E leaise mafai ke fuafua lona atamai.

Esaia 42:5

Ko leinei le folafola a le Atua, le Eteleno, Leia na fakatupu ia le lagi ti na folasi ia a ia, Leia na fakatokatoka ia le kele mo nea fuli i ai, Leia na soli ia le tukumanava kia latou ala e mauli i ai, Ti mo le aele kia latou ala e saele i ai.

Esaia 44:24

Ko leinei le folafola a le Eteleno, leia na totogi ia a koe, Leia na fau ia a koe mei lou tupu : Ko au, le Eteleno, na kau fai ia a nea fuli, Ko au toka tasi leia na folasi ia a atu lagi, Ko au toka tasi leia na fola ia le malama nei.

Esaia 45:18

Talie ko leinei le folafola a le Eteleno, Leia na fakatupu ia a atu lagi, le Atua e tasi, Leia na fau ia le malama nei, leia na fai ia a ia ti na fakamakeke ia a ia, Leia na fau ia a ia ke aua na lavaki, Leia na fakatupu ia a ia ke nofoi : Ko au ko le Eteleno, ti e leaise tasi ake Atua.

Esaia 51:13

Pe kua ke galoi loa le Eteleno, leia na fai ia a koe, Leia na folasi ia a atu lagi ti na fakatuu ia a fakatafito o le kele ? Ti e ke lulu loa i le aso katoa i mua o le ita o le tagata fakaveliveli, Talie e afa e ia ke maumaui ? Kofea loa le ita o le tagata fakaveliveli ?

Esaia 51:16

E kau tuku aku masau ki lou gutu, Ti e kau fakamalumalu a koe ki loku lima, Ke folasi ni atu lagi foou ti ke fakatuu se kele foou, Ti ke pati ki Sione : Ko loku kakai a koe !

Esaia 65:17

Talie e kau fakatupu loa se lagi foou Mo se kele foou ; E leaise toe manatu loa ki nea kua sili, E leaise lotou toe au loa ki le loto.

Selemia 10:12

Na fakatupu e ia le kele i lona mafimafi, Na fakatuu e ia a fakatafito o le malama nei i lona poto, Ti na folasi e ia a atu lagi i lona atamai.

Selemia 32:17

Ei Aliki Eteleno, Ko leinei, kua ke fakatupu le lagi mo le kele I lou mafimafi lasi mo lou lima falo : E leaise faigataa fua se nea kiate koe.

Selemia 51:15

Na fakatupu e ia le malama nei i lona mafimafi, Na fakatafito e ia le kele i lona poto, Na folasi e ia le atu lagi i lona atamai.

Sakalia 12:1

Folafola kikite, folafola mamafa a le Eteleno ki Iselaele. Koia e folafola ai le Eteleno, leia na folasi ia le atu lagi ti na fakatafito ia le kele, Leia na fau ia le laumalie o le tagata iate ia.

Mateo 11:25

I le temi lena, na masau loa Sesu, o pati : E kau fakafetai kiate koe, Tamana, Aliki o le lagi mo le kele, i lau fufu a nea anei ki le kau poto mo le kau atamai, kae na ke fakasa latou ki toe liliki.

Maleko 13:19

Talie e lasi ake loa le mamae i aso ana i mamae fuli ala kua sa talu mei le fakatupu o le malama nei e le Atua o kaku mai ki le temi lena, ti e leaise toe loa i ai ni iki o tatau mo latou ki muli.

Gaoi 14:15

Ei tagata, kolea e kotou fai ai le nea lena ? Ko maua foki, ko ni tagata e natula tatau mo koutou ; ti e ma fakasa atu kia koutou se logo malie, ti e ma kole atu kia koutou ke kotou fakafiti ki nea vaiga ana, kae ke kotou tafoki ki le Atua mauli, leia na fakatupu ia le lagi, mo le kele, mo le tai, ti mo nea fuli i ai.

Gaoi 17:24

Ko le Atua leia na fakatupu ia le malama nei mo nea fuli i ai, leia ko le Aliki o le lagi mo le kele, e leaise nofo fua a ia i ni fale tapu ala e fau e le lima o le tagata ;

Gaoi 4:24

I lalatou logo ki le fakamatala lena, na lotou siki ake loa ki le Atua olatou leo, e latou fuli fakatasi, o pati : Aliki, ko koe leia na fakatupu ia le lagi, mo le kele, mo le tai, mo nea fuli ala e maua i ai,

Loma 11:36

Ko nea fuli e tupu meiate ia, e maua iate ia, ti e kaku kiate ia. Kiate ia le kololia i sekulo fuli ! Amene !

Uluaki tosi ki le kau Kolinto 8:6

kae kia tatou ko le Atua fai e tasi, ko le Tamana, leia e au mei ai a nea fuli ti e fakalogo ki ai otatou mauli, ti mo le Aliki fai e tasi, ko Sesu-Kilisito, leia na fakatupu ia a nea fuli ti mo tatou foki.

Efeso 3:9

ti ke iloa e tagata fuli le misitelio leia na fufu talu mei le kamataaga i le Atua, leia na fakatupu ia a nea fuli.

Epelo 1:10

Ti e toe pati : Ko koe, ei Aliki, na ke teki i le kamataaga le fakatafito o le malama nei, Ti ko le atu lagi ko le gaoiaga o ou lima ;

Epelo 1:2

i temi fakamuli anei, kua masau le Atua kia tatou i le Alo ; ti kua fakanofo e ia a ia ke maua tofiga a nea fuli ; iate ia na fakatupu foki e ia le malama nei.

Epelo 11:3

Ko le tui leia e tou iloa ai na fakatupu le malama nei e le folafola a le Atua, ti ko le nea leia e tio ki ai na leaise fakatupu a ia ki ni nea ala e tio ki ai.

Epelo 3:4

Talie kua fau a fale fuli e se tasi, kae ko leia na fau ia a nea fuli ko le Atua.

Lua tosi a Petelo 3:5

E leaise lotou fia iloa le nea leinei : Na maua i mua ni atu lagi i le folafola a le Atua, ti mo se malama nei leia na toso mei le vai ti na fai ki le vai,

Uluaki tosi a Soane 1:1

Ko le nea leia na agai i le kamataaga, leia na motou logo ki ai, leia na motou tio mata ki ai, leia na motou matamata ki ai, ti na motou fafa lima ki ai, ki le Folafola o le mauli,

Apokalipisi 10:6

ti na fakapapau loa a ia i leia e mauli i sekulo mo sekulo, leia na fakatupu ia le lagi mo nea fuli i ai, mo le kele mo nea fuli i ai, mo le tai mo nea fuli i ai : e leaise toe solomuli loa,

Apokalipisi 14:7

Ti na pati loa a ia o leo lasi : Kotou i ki le Atua, ti kotou tuku kiate ia le kololia, talie kua soko le ola o lana fakamaau, ti kotou su ki leia na fakatupu ia le lagi, mo le kele, mo le tai, ti mo matapuna vai fuli.

Apokalipisi 21:6

Ti na pati mai loa a ia kiate au : Kua fai ! Ko au ko le alefa mo le omeka, ko le kamataaga mo le gatoaga. E kau soli noa le vai o le matapuna o le mauli ki leia e fia inu.

Apokalipisi 22:13

Ko au ko le alefa mo le omeka, ko le uluaki mo le fakamulimuli, ko le kamataaga mo le fakagatoaga.

Apokalipisi 3:14

Tosi ki le aselo o le Ekelesia o Laotise : Ko leinei le pati a le Amene, le tagata fakamaoki agatonu mo maoki, le tupuaga o nea ala na fakatupu e le Atua :

Apokalipisi 4:11

E gali mo koe, ei lomatou Aliki mo lomatou Atua, ke ke maua le kololia, mo le fakamauiga, ti mo le mafimafi ; talie na ke fakatupu ia a nea fuli, ti ko lou finegalo leia e lotou maua ai ti e lotou mauli ai.