Selemia 9:8 - Tosi Tapu

⁸ Ko lolatou alelo ko se gasau mateia, E lotou pati ata ki loi ; I le gutu e lotou masau ki le tokamalie ki lolatou oloi, Kae i le takele o le loto e lotou fakatuu kia latou ni masele.

Selemia 9:8 ပူးပေါင်းရင်းမြစ်များ

Lua tosi a Samuele 3:27

I le kaku mai a Apenele ki Epelone, na ave loa a ia e Soape ki se ganea kese i loto o le matapa o le kolo, ke masau fakafufu a ia kiate ia, ti na sukii loa e ia a Apenele ki se seleta i lona manava o mate ai, ke totogi ai le mate o Asaele, lona taina.

Pesalemo 12:2

Eteleno, ke ke fakamauli ! talie kua pupuli latou e alofa ki le Atua, Kua lavaki a tagata agatonu i vosa o tagata.

Pesalemo 12:3

E feloiaki ala ki la, E maua i laugutu ni masau fakalapulapu, E masau i se loto fia nealasi.

Pesalemo 120:3

Kolea e soli atu kiate koe e se alelo kaka, Kolea e ke maua ia i se alelo kaka ?

Pesalemo 28:3

Aua na ke ave au mo le kau agaveli ti mo le kau aga fakalialia, Ala e masau ki le tokamalie ki olatou oloi, kae e lotou maua i olatou loto le kaka.

Pesalemo 35:20

Talie e leaise lotou masau ki le tokamalie, Kae e lotou fakatupu ia le veli ki le kakai leia e mauli fimalie i le fenua.

Pesalemo 55:21

E siki e ia lona lima kia latou ala na tokamalie mo ia, E maumaui e ia lana sai.

Pesalemo 57:4

Ti e kakau loa e ia mei le lagi lona saofaki kiate au, Kae lolotoga lauveli kiate au leia e tuli ia au ; - Manava. E kakau mai loa e le Atua lona agamalie mo lona agatonu kiate au.

Pesalemo 62:5

E lotou fakakaukau ke fakaifo a ia i lona tuulaga taualuga ; E lotou maua lolatou fiafia i le loi ; E lotou tapuaki i olatou gutu, Kae e lotou fakamalaia i olatou loto. - Manava.

Pesalemo 64:8

E fana e le Atua ana gasau kia latou, E fokifa kua lotou lavelavea :

Taagapati 25:18

Ofaipe se amale mamafa, pe ko se seleta, pe ko se gasau matakakai, E fenaaki le tagata leia e fai ia se fakamaoki loi ki lona oloi.

Selemia 5:26

Talie e maua i lotolotoga o loku kakai ni tagata agaveli ; E lotou lamalama ofaipe le tagata kapu manu lele, leia e fakatuu ia ni masele ; E lotou folasi ni kupega, ti e lotou tapo ni tagata.

Selemia 5:9

Pe leaise kau tautea loa a nea ana, e pati le Eteleno, Pe leaise kau totogi loa ki se puleaga felaaki ?

Selemia 9:3

E lotou maua le alelo kita ofaipe se kalolo ti e lotou fana le loi ; E leaise lotou makeke i le fenua o tupu ko le maoki ; Talie e lotou ano mei le agaveli ki le agaveli, Ti e leaise lotou iloa au, e pati le Eteleno.

Selemia 9:4

Ke tasi nofo tokaga ki lona kaukau nea, Ti ke aua na fanaki ki se tasi o ona fetaina ; Talie e afa e fetaina fuli ke kaka, Ti e fakamafola e kaukau nea fuli ni fatufatu.

Selemia 9:5

E lotou feloiaki pe se fakamanogi, Ti e leaise lotou masau fua i se temi i le maoki ; E lotou ako olatou alelo ki le loi, E lotou tokaga ata ki le fai o le veli.

Mikea 6:12

Talie kua apele i le agamakeke le kau mou koloa o le kolo leinei, Ti kua masau loi lona kakai, Ti kua kaka olatou alelo i olatou gutu.