Selemia 9:4 - Tosi Tapu

⁴ Ke tasi nofo tokaga ki lona kaukau nea, Ti ke aua na fanaki ki se tasi o ona fetaina ; Talie e afa e fetaina fuli ke kaka, Ti e fakamafola e kaukau nea fuli ni fatufatu.

Selemia 9:4 ပူးပေါင်းရင်းမြစ်များ

Senesi 32:28

Ti na toe pati loa le tagata : E leaise toe igoa loa a koe ko Sakopo, kae e ke igoa loa ko Iselaele ; talie na ke poko mo le Atua ti mo ni tagata, ti kua ke malo.

Pesalemo 101:5

Ko leia e lauveli fakafufu ki lona oloi, E kau tapono ia loa lona gutu. Ko leia e maua ia ni mata matasoka mo se loto fia nealasi, e leaise kau kataki loa kiate ia.

Pesalemo 15:3

E leaise lau e ia ni veli ki lona oloi, E leaise fai e ia se nea veli ki lona oloi, Ti e leaise fai e ia se nea fakalumaluma ki lona oloi.

Taagapati 10:18

Ko leia e fufu ia le vesia e maua ia ni laugutu loi, Ti ko leia e fakamafola ia ni fatufatu ko se tagata valea.

Taagapati 25:18

Ofaipe se amale mamafa, pe ko se seleta, pe ko se gasau matakakai, E fenaaki le tagata leia e fai ia se fakamaoki loi ki lona oloi.

Taagapati 4:16

Talie e leaise lotou momoe, kae e leikiaise lotou fai le veli ; ti e puli le fia moe ia latou mo ka e leikiaise lotou fakavilo se tasi.

Taagapati 4:17

Talie e lotou kai le pane o le agaveli, Ti e lotou inu le vino o le fakamakeke.

Taagapati 6:16

E vesia le Eteleno ki nea e ono, Ti e fakalialia foki a ia ki nea e fitu :

Taagapati 6:19

Mo le tagata fakamaoki loi leia e fakasa ia ni loi, Ti mo leia e fakatupu ia ni fefele i fetaina.

Esaia 59:13

Io, na motou agasala ti na motou agatuu ki le Eteleno, Na motou tiaki lomatou Atua ; Na motou masau ki le agamakeke mo le agatuu, Na motou faufau mo fakakaukaui i omatou loto ni masau loi ;

Esaia 9:16

Koia e leaise mafai ke fiafia le Aliki ki ona tagata tupulaga, Pe alofa ki ona fanau sala matua mo ona fafine lokonui ; Talie ko latou fuli ko ni kau malualoi mo ni kau agaveveli, Ti e masau olatou gutu fuli ki nea fakalialia. Kae logo ai a nea fuli ana, e leaise malu lona itaita, Kae koi mafao aifai lona lima.

Selemia 12:6

Talie e kakai a koe e ou fetaina totonu ti mo le fale o lou tamana ; E lotou kalaga mo makape i ou muli. Aua na ke tui kia latou, mo ka lotou fai atu kiate koe ni masau malilie.

Selemia 6:28

Ko ni kau agatuu fuli latou, ko ni kau fatufatu ; Ko se kapa mo se ukamea ; Kua lotou fakalialia fuli.

Selemia 9:8

Ko lolatou alelo ko se gasau mateia, E lotou pati ata ki loi ; I le gutu e lotou masau ki le tokamalie ki lolatou oloi, Kae i le takele o le loto e lotou fakatuu kia latou ni masele.

Esekiele 22:9

Kua maua iate koe ni kau tagata ala e fakatupu ia ni loi ke liligi ai le toto ; ti kua maua iate koe latou ala e kai i aluga o mauga ; ti kua fai ni tukipo i loto malie o ou.

Levitiko 19:16

Aua na ke fakamafola loa ni fatufatu loi ki se tasi o lou kakai. Aua na ke fai loa ni fakamaoki loi ke tamate ai lou oloi. Ko au ko le Eteleno.

Malakia 2:10

Pe leaise tou maua fuli se tamana e tasi ? Pe leaise ko se Atua e tasi leia na fakatupu ia tatou ? Kolea e leaise tou agatonu ai i otou vasaa, Ti e tou maumaui ai le sai o otou tamana ?

Mateo 10:17

Kotou tokaga ki tagata ; talie e lotou ave loa koutou ki telepinale, ti e lotou sasa loa koutou ki ni laakau i olatou sinakoka ;

Mateo 10:21

E fakatau loa e le taina lona taina ki le mate, ti ko le tamana lana fanau ; e malaga loa a fanau ki olatou matua, o tamate latou.

Luka 21:16

E fakatau loa koutou e okoutou matua, mo okoutou fetaina, mo okoutou famili, mo okoutou kaukau nea ; ti e tamate loa se toka api o koutou.

Uluaki tosi ki le kau Tesalonika 4:6

ke aua na fakatotolo e se tasi le avaga o lona taina, talie e tautea e le Aliki a tagata fenaaki, ofaipe lamatou fakasa fakatomua mo fakamaoki a ia kia koutou.