Selemia 9:3 - Tosi Tapu

³ E lotou maua le alelo kita ofaipe se kalolo ti e lotou fana le loi ; E leaise lotou makeke i le fenua o tupu ko le maoki ; Talie e lotou ano mei le agaveli ki le agaveli, Ti e leaise lotou iloa au, e pati le Eteleno.

Selemia 9:3 ပူးပေါင်းရင်းမြစ်များ

Senesi 39:16

Ti na tuku loa e le fafine le kofu o Sosefo i ona tafa, o kaku ki le ulu ake o lona pule ki fale.

Taagapati 12:5

E totonu a manatu a le kau agatonu ; Kae kaka a fakakaukau a le kau agaveli.

Esaia 1:3

E iloa e le pipi lona pule, Ti mo le asino le fale manu o lona pule : Kae e leaise iloa e Iselaele se nea fua e tasi, E leaise maua fua e loku kakai sona ga atamai.

Esaia 3:5

E fefakaveliveliaki loa le kakai ia latou ; E popula loa le tagata ki le tagata, ti e popula loa le tagata ki lona kaiga totonu. E fia nealasi loa le tama tupulaga ki le matua, Ti e fia nealasi loa le tagata noa ki le tagata mauiga.

Esaia 6:5

Ti na kau pati loa : Malaia kiate au ! Kua kau puli noa, talie ko au ko se tagata leia e kelekele oku laugutu, ti e kau nofo i loto malie o se kakai leia e kelekele ona laugutu, kae kua tio oku mata ki le Sau, le Eteleno o kau tau.

Esaia 9:18

Io, e tutu loa e le sausau o le Eteleno o kau tau le fenua, Ti e fai loa le kakai pe se nea kai a le afi ; E leaise saofaki loa e se tasi lona taina.

Selemia 12:6

Talie e kakai a koe e ou fetaina totonu ti mo le fale o lou tamana ; E lotou kalaga mo makape i ou muli. Aua na ke tui kia latou, mo ka lotou fai atu kiate koe ni masau malilie.

Selemia 22:16

Na fakamaau e ia i le faitotonu le mativa mo le fakaaloalofa, Ti na manuia a ia. Pe leaise ko lena loku iloa ? e pati le Eteleno.

Selemia 31:34

E leaise toe ako loa e se tasi lona oloi, Pe ko se tasi lona taina, o pati : Kotou iloa le Eteleno ! Talie e iloa loa au e latou fuli, Mei leia e ikiiki ki leia e lasi, e pati le Eteleno ; Talie e kau fakamolemole loa lalatou agaveli, Ti e leaise kau toe manatui loa lalatou agasala.

Selemia 4:22

Kua valea maoki loku kakai, e leaise iloa e ia au ; Ko ni fanau valelea mo sala atamai latou ; E lotou popoto i le fai o le veli, Kae e leaise lotou iloa le fai o le malie.

Selemia 5:4

Na kau pati : Ko toe liliki fai ana e fai fenaaki, Talie koi lotou valelea, ti e leaise lotou iloa le ala o le Eteleno, Le lao o lolatou Atua.

Selemia 5:5

E kau ano loa ki le kau lalasi, ti e kau masau loa kia latou, Talie ko latou, e lotou iloa le ala o le Eteleno, Le lao o lolatou Atua ; Kae kua lotou fatii fulifuli le laakau taki, Kua lotou motusi a sai.

Selemia 6:28

Ko ni kau agatuu fuli latou, ko ni kau fatufatu ; Ko se kapa mo se ukamea ; Kua lotou fakalialia fuli.

Selemia 7:26

Kae na leaise lotou fakalogo mai kiate au, Na leaise fakatokaga mai olatou taliga ; Na lotou fakafefeka olatou ua, Na lotou fai le veli o fakalaka ake i olatou tamana.

Selemia 9:5

E lotou feloiaki pe se fakamanogi, Ti e leaise lotou masau fua i se temi i le maoki ; E lotou ako olatou alelo ki le loi, E lotou tokaga ata ki le fai o le veli.

Selemia 9:8

Ko lolatou alelo ko se gasau mateia, E lotou pati ata ki loi ; I le gutu e lotou masau ki le tokamalie ki lolatou oloi, Kae i le takele o le loto e lotou fakatuu kia latou ni masele.

Esekiele 8:13

Na pati mai loa a ia kiate au : E ke toe tio loa ki ni iki ake a nea fakalialia lalasi ala e lotou fai.

Taniela 11:27

E afa loa e sau ana e lua i ola loto ke fai se veli, ti e la femasauaki loa i le laupapa e tasi i le kaka. Kae e leaise manuia loa a ia, talie koi soko loa le fakaoki i le temi leia kua fakatuutuu.

Levitiko 19:11

Aua na kotou kaia loa, ti aua na kotou fai fakakaka loa, pe feloiaki loa leia ki leia.

Maleko 8:38

Talie ko leia e luma loa kiate au mo aku folafola i loto malie o le tautupu fai feauaki mo agasala leinei, e luma loa le Vosa o le tagata kiate ia, mo ka au loa a ia i le kololia o lona Tamana, mo le kau aselo maokioki.

Soane 17:3

Ti ko leinei le mauli lee gato, ke lotou iloa a koe, leia ko le Atua maoki fai e tasi, ti mo leia na ke kakau ia mai, Sesu-Kilisito.

Gaoi 24:9

Ti na fakamaoki loa le kau Sutea ki le masau a Teletule, o lotou pati e maoki fuli a nea ana.

Loma 1:16

Talie e leaise kau luma ai ki le Evaselio : Ko le makeke a ia mei le Atua ke fakamauli ai leia e tui, o uluaki le Sutea, ti mo le Keleka foki,

Loma 1:28

O tupu na leaise lotou loto ke iloa le Atua, kua tuku latou e le Atua ki olatou loto fakapouli ke lotou fai ni nea ala e leaise gali mo latou.

Loma 3:13

E fai olatou fatakia pe ni tanuma mavaa, Elotou fakaaoga olatou alelo ki le kaka ; Elotou maua i olatou laugutu se vai kona o le gata velo.

Uluaki tosi ki le kau Kolinto 15:34

Kotou toe liliu mai kia koutou totonu, ko lena le nea leia e totonu, ti aua na kotou agasala ; talie e leaise iloa e ni iki o koutou le Atua, e kau fakasa a ia ke kotou luma ai.

Filipe 1:28

ti ke aua na kotou i ki nea ala e au mei okoutou fili, talie ko se fakamaoki a ia o le malaia kia latou, kae o le mauli kia koutou ;

Lua tosi kia Timoteo 3:13

Kae ko tagata agaveli mo fakasala e asilisili veli loa mo asilisili sese loa, a latou totonu mo latou ala na lotou kakaai.

Suta 1:3

Alofaina, na kau oli lasi ke fai tosi atu kia koutou o uiga mo lotatou saofaki fakatasi, kae na kau logoi se fakamaua ke kau fai atu kia koutou le tosi leinei ke ekenaki ai koutou ke tau ki le tui leia kua tuku tua tasi ki le kau sagato.

Apokalipisi 12:11

Ti na lotou malo iate ia, o tupu ko le toto o le Akeno, ti mo le folafola o lalatou fakamaoki, ti na leaise lotou alofa ki olatou mauli ke lotou i ai ki le mate.

Tuifakamaau 14:17

Na tagi loa le avaga o Samisoni i ona mua i aso e fitu o le fai avaga ; i le fitu o aso, na fakamatala loa e Samisoni le mate, talie na fakafiu loa e lona avaga lona loto o mamae veli. Ti na fakamatala loa a ia e le fafine ki vosa o lona kakai.

Tuifakamaau 2:10

Ti na mamate fuli loa le tautupu katoa lena, ti na nake loa i ona muli se tasi ake tautupu leia na leaise iloa ia le Eteleno mo gaoiaga lalasi ala na fai e le Eteleno ki Iselaele.

Uluaki tosi a Samuele 2:12

Ko vosa o Eli ko ni tagata agaveveli, na leaise la iloa le Eteleno.