Selemia 9:22 - Tosi Tapu

²² Ke ke pati : E folafola le Eteleno, o pati : E vivilo loa a mate o tagata Ofaipe se nea fakagako kele i faisaga, Ofaipe le vilo o se taulu fulumeto i muli o le tagata tuuti fulumeto, Leia e leaise tae e se tasi.

Selemia 9:22 ပူးပေါင်းရင်းမြစ်များ

Lua tosi o Sau 20:13

Na fakatalitali loa latou e Esekiasi, ti na fakasasa loa e ia le ganea leia na tuku ai ona koloa mauiga, le paaga mo le aulo, mo nea fakamanogi, mo le lolo mauiga, mo lona fale tanaki masafu, mo nea fuli ala na tuku fakatasi mo ona koloa : na leaise nea fua i lona fale, mo lona puleaga katoa na leaise fakasa e Esekiasi kia latou.

Lua tosi o Sau 20:15

Ti na toe pati loa Esaia : Kolea le nea leia na lotou tio ki ai i lou fale ? Na tali loa Esekiasi : Na lotou tio ki nea fuli o loku fale : na leaise nea fua i oku koloa na leaise kau fakasa kia latou.

Lua tosi o Sau 9:37

ti e fai loa le tino o Sesapele pe ni faikauga i aluga o faisaga, i le faisaga o Siseleele, ti e leaise toe mafai loa ke pati : Ko Sesapele.

Sopo 5:13

E maselei e ia le kau poto ki lalatou fia poto, Ti e fulusi e ia a fakatuutuu a tagata pikopiko :

Pesalemo 49:7

E lotou fanaki ki lolatou makeke, Ti e lotou nekenekea i le lasi o olatou koloa.

Pesalemo 83:10

Fai kia latou ofaipe Matiane Ofaipe Sisela, ofaipe Sapini i le vaitafe o Kisoni !

Taagapati 18:11

Ko le koloa ko se kolo makeke ki le tagata mou koloa ; E pati a ia, ko se paa taualuga a ia.

Taagapati 23:4

Aua na ke mamae ulu ke ke mou koloa, Aua na ke fanaki ki lou atamai o ou.

Esaia 5:25

Koia kua vilo ai le sausau o le Eteleno ki lona kakai, Kua falo ai lona lima kiate ia, o taai a ia. Kua lulu a mauga ; Ti kua fai a mate pe ni penu i loto malie o ala. Kae logo ai a nea fuli ana, e leaise malu lona sausau, Ti e koi falo lona lima.

Selemia 16:4

E lotou mamate loa i le masaki veli ; E leaise tagi loa kia latou, ti e leaise tanu loa latou ; E lotou fai loa pe le nea fakagako kele i aluga o le kele ; E lotou mamate loa i le seleta mo le oge ; Ti e liliu loa olatou tino ko le nea kai a manu lele o le lagi mo manu o le vao.

Selemia 25:33

Ko latou ala e tamate loa e le Eteleno i le aso lena e tanaki loa Mei leia potu ki leia potu o le malama nei ; E leaise tagi loa kia latou, ti e leaise too loa latou, ti e leaise tanu loa latou. E lotou fai loa pe se nea fakagako kele i aluga o le kele.

Selemia 6:21

Koia e folafola ai le Eteleno, o pati : Ko leinei, e kau tuku loa ki mua o le kakai leinei ni fatu fakatupu siga, Ala e tegea fakatasi loa i ai le tamana mo le vosa, Le oloi mo kaukau nea, ti e lotou mamate loa.

Selemia 7:33

E liliu loa a mate o le kakai leinei ko le nea kai A manu lele o le lagi mo manu o le kele ; Ti e leaise maua loa se tasi ke kapu ia latou.

Selemia 8:2

E fola loa latou i mua o le laa, mo mua o le masina, mo mua o le kau tau fuli o le lagi, ala na lotou alofa ki ai, ala na lotou tausi ki ai, ala na lotou mulimuli ki ai, ala na lotou afa ia, ala na lotou atolasio ki ai ; e leaise tanaki loa latou, ti e leaise tanu loa latou, kae e lotou fai loa pe se taei kele fakagako i aluga o le kele.

Apakuki 1:11

Ti e liuga tua lua e ia lona makeke, E soko atu e ia lana saele, ti e asilisili ake lana agasala. Ko lona makeke o ona, ko lena lona atua !

Sofoni 1:17

E kau tuku loa a tagata ki le mamae, Ti e lotou saele loa ofaipe ni kivi, Talie na lotou agasala ki le Eteleno ; E kau liligi loa lolatou toto ofaipe le efu, Ti mo lolatou kanofi ofaipe ni penu.

Tetelonome 8:17

Ke aua na ke pati loa i se aso i lou loto : ko loku makeke mo le makeke o loku lima leia kua kau maua ai a koloa anei.