Selemia 9:21 - Tosi Tapu

²¹ Talie kua ulu le mate i omatou katupa, Kua ulu a ia ki omatou fale sau ; Kua tamate e ia a toe liliki i le ala, Mo tupulaga i lapalasi fakafenua.

Selemia 9:21 ပူးပေါင်းရင်းမြစ်များ

Selemia 6:11

Kua kau apele i le sausau o le Eteleno, e leaise koi mafai ke kau taofi a ia i loku loto. Liligi a ia ki le toe ikiiki i le ala, Ti mo le fakatasiga a le kau tupulaga. Talie e too loa le tagata mo le fafine, Le matua ti mo leia kua mafaia i fetuu.

Selemia 15:7

E kau fute latou ki le matagi i matapa o le fenua ; E kau too alatou fanau, ti e kau maumaui loku kakai, Leia na leaise tafoki mei ona ala.

Lua tosi o Koloniko 36:17

Koia na aumai ai loa e le Eteleno kia latou le sau o le kau Kaletea, ti na tamate loa e ia ki le seleta o lotou kau tupulaga i le fale o lolatou sagatualio ; na leaise fakasao fua e ia se tama pe ko se taine, se tagata atuatu pe ko se matua sina ; na tuku loa e ia a nea fuli ki ona lima.

Esaia 40:30

Ko tupulaga koi tupu e gaegae ti e kaekae ; Ti ko le kau tupulaga kua katoa e sisiga ki lalo ;

Selemia 6:21

Koia e folafola ai le Eteleno, o pati : Ko leinei, e kau tuku loa ki mua o le kakai leinei ni fatu fakatupu siga, Ala e tegea fakatasi loa i ai le tamana mo le vosa, Le oloi mo kaukau nea, ti e lotou mamate loa.

Selemia 18:21

Koia, tuku alatou fanau ki le oge, Tamate latou ki le seleta ; Ke sala fanau alatou avaga, ti ke lotou liliu o lokonui, Ti ke mamate olatou tagata i le taumasaki veli ; Ke taai olatou tagata tupulaga e le seleta i le tau !

Selemia 44:7

I le aso nei, e folafola le Eteleno, le Atua o kau tau, le Atua o Iselaele : Kolea e kotou fai ai kia koutou totonu se veli lasi felaaki, ke tuuti ai mei loto malie o Suta a tagata, mo fafine, mo fanau, mo toe memea, ke aua na toe maua loa se ga toetoega o koutou ?

Selemia 50:30

Koia e vivilo loa ona kau tupulaga i ala, Ti e mamate loa ona tagata tau fuli i le aso lena, E pati le Eteleno.

Soele 2:9

E lotou mavetevete i le kolo, Makape i aluga o kaua, Kava ki aluga o fale, Ulu i katupa ofaipe se tagata kaia.

Amosi 6:9

Ti kapau e toe ni tagata e tino agafulu i se fale, e lotou mamate loa.

Selemia 7:33

E liliu loa a mate o le kakai leinei ko le nea kai A manu lele o le lagi mo manu o le kele ; Ti e leaise maua loa se tasi ke kapu ia latou.

Selemia 8:2

E fola loa latou i mua o le laa, mo mua o le masina, mo mua o le kau tau fuli o le lagi, ala na lotou alofa ki ai, ala na lotou tausi ki ai, ala na lotou mulimuli ki ai, ala na lotou afa ia, ala na lotou atolasio ki ai ; e leaise tanaki loa latou, ti e leaise tanu loa latou, kae e lotou fai loa pe se taei kele fakagako i aluga o le kele.

Amosi 5:2

Kua vilo a ia, e leaise toe tuu loa a ia ki aluga, Le taupoou o Iselaele ; Kua moe a ia ki le kele, E leaise toe fakatuu loa a ia ki aluga e se tasi.

Sofoni 1:17

E kau tuku loa a tagata ki le mamae, Ti e lotou saele loa ofaipe ni kivi, Talie na lotou agasala ki le Eteleno ; E kau liligi loa lolatou toto ofaipe le efu, Ti mo lolatou kanofi ofaipe ni penu.