Selemia 9:20 - Tosi Tapu

²⁰ Fafine, kotou fakalogo mai ki le folafola a le Eteleno, Ti ke taofi e lokoutou taliga le nea leia e fakasa e lona gutu ! Kotou ako ki okoutou taineliki ni tagi mate, Kotou feakoaki ni tagi laulau ia koutou.

Selemia 9:20 ပူးပေါင်းရင်းမြစ်များ

Sopo 22:22

Ke ke tali le akonaki mei lona gutu, Ti mo ke tuku ki lou loto ana folafola.

Esaia 3:16

E folafola le Eteleno : O tupu e fia nealasi a taineliki o Sione, Ti e lotou saele o fakatuu sako olotou ulu, Talie e lotou mata mamalu, Ti e lotou ano soposopo ke fakatatagi ai a matemate o olatou vae,

Esaia 3:4

E kau tuku loa kia latou ni pule koi muli, Ti e pule loa ni toe kia latou.

Selemia 14:16

Ti ko latou ala e lotou kikite ki ai, E tuku mamate loa i ala o Selusalemi, I le oge mo le seleta ; E leaise tasi loa ke tanu ia latou, Latou mo alatou avaga, mo olatou vosa, mo olatou taineliki ; E kau liligi loa kia latou lalatou agaveli.

Selemia 23:16

E folafola le Eteleno o kau tau, o pati : Aua na kotou fakalogo ki masau a le kau polofeta, ala e faikikite atu kia koutou ! E lotou toso koutou ki ni nea noa ; E lotou fakasa a manatu o olatou loto, Kae leai le nea leia e au mei le gutu o le Eteleno.

Selemia 23:28

Ke fakamatala e le polofeta leia na fai ia se moemiti lana moe, Ti ke fakasa laku folafola i le maoki e leia na logo ki laku folafola. Kolea e filo ai le penu mo le fulumeto ? e pati le Eteleno.

Selemia 6:11

Kua kau apele i le sausau o le Eteleno, e leaise koi mafai ke kau taofi a ia i loku loto. Liligi a ia ki le toe ikiiki i le ala, Ti mo le fakatasiga a le kau tupulaga. Talie e too loa le tagata mo le fafine, Le matua ti mo leia kua mafaia i fetuu.

Selemia 7:29

Koti lou lau ulu, ti ke ti a ia ki mamao ; Ke ke pale ki potu taualuga, o fai se tagi laulau ! Talie kua tiaki e le Eteleno Ti kua tulei kese e ia le tautupu leia na fakatupu ia lona sausau.

Selemia 8:2

E fola loa latou i mua o le laa, mo mua o le masina, mo mua o le kau tau fuli o le lagi, ala na lotou alofa ki ai, ala na lotou tausi ki ai, ala na lotou mulimuli ki ai, ala na lotou afa ia, ala na lotou atolasio ki ai ; e leaise tanaki loa latou, ti e leaise tanu loa latou, kae e lotou fai loa pe se taei kele fakagako i aluga o le kele.

Selemia 9:12

Kofea le tagata poto leia e matala ki nea anei ? Ke fakasa e ia a ia, e leia na masau ki ai le gutu o le Eteleno ! Kolea kua maumau ai le fenua, Kua vela ai ofaipe se toafa leia e leaise fakalaka ai se tasi ?

Tagi laulau a Selemia 2:19

Tuu ki aluga, tagi laulau i le po katoa ! Liligi lou loto ofaipe se vai i mua o le Aliki ! Siki ou lima kiate ia o tupu ko le mauli o au fanau, Ala e mamate pakupaku i poko o ala fuli !

Tagi laulau a Selemia 2:21

Kua momoe a toe mo matua i le kele i ala ; Kua mamate oku taineliki taupoou mo oku tama tupulaga i le seleta ; Na ke tamate, i le aso o lou sausau, Na ke tamate sala alofa.