Selemia 9:19 - Tosi Tapu

¹⁹ Talie kua logo mai ni tagi mamae mei Sione : Kolea ! Kua motou maumaui ! Kua motou apele i le luma ! Kua tonu ke motou tiaki le fenua ! Kua maumaui omatou nofoaga !

Selemia 9:19 ပူးပေါင်းရင်းမြစ်များ

Esaia 32:9

Fafine fakaauauganoa, Kotou tutuu ki aluga, kotou fakalogo mai ki loku leo ! Taineliki fakafulufulumalie, Kotou tokaga mai okoutou taliga ki laku folafola !

Selemia 15:1

Na pati mai loa le Eteleno kiate au : Kapau e tutuu loa Moisese mo Samuele i oku mua, E leaise kau tokaga loa ki le kakai leinei. Kapu a ia ke mamao i oku mata, ke ano a ia !

Selemia 2:14

Pe ko Iselaele ko se tagata popula na totogi, pe ko se vosa na tupu i le fale ? Leai ! Ti kolea e liliu ai a ia ko le nea kai a atu puleaga ?

Selemia 4:13

Ko leinei e saele mai le tagata maumau ofaipe ni ao ; E fai ana saliote pe se asesio, E gasolo ake ana osi i akuila. Malaia kia tatou, talie kua maumaui tatou !

Selemia 4:20

E fakasa le malaia ki le malaia, Talie kua maumaui le fenua katoa ; Kua maumaui fakafokifa oku falela, Mo oku puipui i se temi e tasi.

Selemia 7:15

Ti e kau tiaki loa koutou ke mamao i oku mata, Ofaipe laku tiaki ia okoutou fetaina fuli, Le sakoga katoa o Efalaimi.

Selemia 7:19

Pe ko au leia e lotou fakaitaita ? e pati le Eteleno ; Pe leaise ko latou totonu, Ke lotou luma ai ?

Selemia 7:29

Koti lou lau ulu, ti ke ti a ia ki mamao ; Ke ke pale ki potu taualuga, o fai se tagi laulau ! Talie kua tiaki e le Eteleno Ti kua tulei kese e ia le tautupu leia na fakatupu ia lona sausau.

Tagi laulau a Selemia 4:15

E kalaga kia latou : Kotou fakamamao atu, kau kelekele ! Kotou fakamamao atu, kotou fakamamao atu, aua na kotou fafa mai ! E lotou sosola, e lotou sese ; Kua pati i atu puleaga : E leaise lotou toe maua loa lolatou nofoaga !

Tagi laulau a Selemia 5:2

Kua fakalaka lomatou tofiga ki ni matapule, Mo omatou fale ki ni kakai kese.

Esekiele 27:2

Ti ko koe, vosa o le tagata, Fai se tagi laulau ki Tile !

Levitiko 18:25

Kua kelekele le fenua ia latou ; e tautea loa lana agaveli, ti e luluai loa e le fenua lona kakai.

Levitiko 18:28

Kotou tokaga na luluai loa koutou e le fenua, mo kapau e kotou fakakelekele loa a ia, ofaipe lana luluai latou ala na nonofo i ai i mua o koutou.

Levitiko 20:22

E kotou tausi loa aku lao fuli mo aku fakatotonu. Ti e leaise luluai loa koutou e le fenua leia e kau taki loa koutou ki ai ke koutou nofoi.

Mikea 2:10

Kotou tutuu ki aluga, kotou saele ! talie e leaise ko se ganea malolo leinei ; O tupu ko le kelekele, e i ai loa ni mamae, ni mamae lalasi.

Mikea 2:4

I le aso lena, e fakaliliu loa koutou ko se nea fakakata. E fai loa ni tagi mamae, E pati loa : Kua motou maumau katoa ! E soli e ia ki iki le vaega o loku kakai ! Kolea koia ! E too e ia loku vaega ! E tufa e ia amatou faisaga ki le fili !…

Tetelonome 28:29

E ke saele taufa loa i le lalatea ofaipe le kivi leia e taufa i le fakapouli. E leaise manuia loa sau gaoi fua e tasi, kae e ke mamae loa ti e ke fakaaloalofa loa i aso fuli. Ti e leaise maua loa se tasi ke fakamauli ia a koe.