Selemia 9:18 - Tosi Tapu

¹⁸ Ke lotou fakatavili o sua mai kia tatou se tagi laulau ! Ti ke sali ni loimata mei omatou mata, Ke tafe se vai i omatou laumata !

Selemia 9:18 ပူးပေါင်းရင်းမြစ်များ

Pesalemo 119:136

E liligi e oku mata ni vaitafe, Talie e leaise tausi fua lau lao.

Esaia 22:4

Koia e kau pati ai : Kotou ave kese okoutou mata iate au, Kotou tuku au ke tagi i loku mamae ! Aua na kotou afa ke fakapelepele au I le maumaui o le taine o loku kakai.

Selemia 13:17

Kapau e leaise kotou fakalogo, E kau tagi fakafufu loa, o tupu ko lokoutou fia nealasi ; E tafe loa a loimata i oku mata, Talie e ave popula loa le kau manu a le Eteleno.

Selemia 14:17

Fakasa kia latou le folafola lena : E tafe a loimata i oku mata i le po mo le ao, Ti ke leaise toe gato lona sali, Talie ko le taine taupoou o loku kakai na taai o veli, E mamae ai lona lavea.

Selemia 3:24

Na kai e taulaatua le fua o gaoi o omatou tamana Talu mei lomatou liliki, Alatou ovi mo alatou pipi, olatou vosa ti mo olatou taineliki.

Selemia 3:25

Kua tou momoe ai ki lotatou luma Ti kua tou kafu ai ki lotatou veli, Talie na tou agasala ki le Eteleno, lotatou Atua, Tatou mo otatou tamana, talu mei lotatou liliki o kaku mai ki le aso nei, Ti na leaise tou fakalogo ki le leo o le Eteleno, lotatou Atua.

Selemia 4:20

E fakasa le malaia ki le malaia, Talie kua maumaui le fenua katoa ; Kua maumaui fakafokifa oku falela, Mo oku puipui i se temi e tasi.

Selemia 6:26

Taine o loku kakai, ke ke pulou ki se taga, ti ke ke mafulifuli i le mugalafu, Tui le kofu o le putu ofaipe le putu ki se vosa fuatasi, Fakasali ou loimata, ni loimata kona ! Talie e au fakafokifa kia tatou le tagata maumau.

Selemia 7:29

Koti lou lau ulu, ti ke ti a ia ki mamao ; Ke ke pale ki potu taualuga, o fai se tagi laulau ! Talie kua tiaki e le Eteleno Ti kua tulei kese e ia le tautupu leia na fakatupu ia lona sausau.

Selemia 9:1

Oi ! ka na apele loku ulu i le vai, Ka na fai oku mata pe se matapuna loimata, E kau tagi loa i le ao mo le po Ki mate o le taine o loku kakai !

Selemia 9:10

E kau fia tagi mo tagi laulau o tupu ko atu mauga, E kau fia tagi laulau o tupu ko nofoaga o le toafa ; Talie kua vela, ti e leaise koi fakalaka se tasi i ai, E leaise koi logo i ai ki le tagi o kau manu ; Kua sosola a manu lele o le lagi mo manu o le vao, kua lotou pupuli.

Selemia 9:20

Fafine, kotou fakalogo mai ki le folafola a le Eteleno, Ti ke taofi e lokoutou taliga le nea leia e fakasa e lona gutu ! Kotou ako ki okoutou taineliki ni tagi mate, Kotou feakoaki ni tagi laulau ia koutou.

Tagi laulau a Selemia 1:2

E tagi a ia i le pouli, Ti kua apele ona kalaafau i loimata ; E leaise tasi e fakapelepele ia a ia ia latou fuli ala na alofa kiate ia ; Kua agatuu ona kaukau nea fuli kiate ia, Kua lotou liliu ko ona fili.

Tagi laulau a Selemia 2:11

Kua gaegae oku mata i le tagi, kua pula oku tootooga, Kua pa loku au i le kele, O tupu kua maumau le taine o loku kakai, O tupu kua mata fakapouli a toe mo toe memea i ala o le kolo.

Tagi laulau a Selemia 2:13

Kolea e tonu ke kau fakasa kiate koe ? Kolea ke kau fakatatau a koe ki ai, taine o Selusalemi ? Ko ai e toe tatau mo koe, ti ko le fakapelepele fea leia ke fai kiate koe, Taupoou, taine o Sione ? Talie e lasi lou lavea ofaipe le tai : Ko ai e mafai loa ke faitoo ia a koe ?

Tagi laulau a Selemia 2:18

E tagi olatou loto ki le Aliki… Paa o le taine o Sione, tuku ke tafe ou loimata i le ao mo le pouli ! Aua na ke toe manavanava, Ti aua na toe moe ou mata !

Tagi laulau a Selemia 3:48

E tafe ni vaitafe mei oku mata, O tupu ko le maumaui o le taine o loku kakai.

Amosi 5:16

Koia leia e folafola ai le Eteleno, le Atua o kau tau, le Aliki, o pati : I malae fuli e tagi laulau loa, I ala fuli e pati loa : Oiau ! Oiau ! E kalagai loa le tagata gaoi kele ki le putu, Ti ke tagi laulau latou ala e sua ia ni laumate.

Luka 19:41

I le ofi a Sesu ki le kolo, na tio loa a ia ki ai, ti na tagi loa a ia, o pati :