Selemia 9:16 - Tosi Tapu

¹⁶ E kau fakamavetevete loa latou i ni atu puleaga, Ala na leaise lotou iloa, e latou ti mo olatou tamana, Ti e kau kakau loa le seleta i olatou muli O kaku ki laku maumaui latou fuli.

Selemia 9:16 ပူးပေါင်းရင်းမြစ်များ

Neemia 1:8

Manatui le folafola leinei na ke fakatotonu kia Moisese, lau tagata fakasausau, ke fakasa e ia : Ka kotou agasala loa, e kau veteki loa koutou i lotolotoga o puleaga ;

Pesalemo 106:27

Ke tuku lolatou sakoga ke mate i lotolotoga o atu puleaga, Ti ke veteki latou i loto malie o fenua pagani.

Ekelesiasi 12:5

le temi leia e lulu ai loa a tagata leo o le fale, leia e pipiko ai loa a tagata makeke, leia e tuu ai loa a fafine ala e fakamaluu ia a magiti talie kua lotou lavaki, leia e fakapouli ai loa latou ala e tio i matapa,

Selemia 13:24

E kau fakamavetevete loa latou, ofaipe le fakamavetevete o le mutie malo E le matagi o le toafa.

Selemia 24:10

E kau kakau loa kia latou le seleta, mo le oge, mo le taumasaki, o kaku ki lolatou puli i le fenua leia na kau soli kia latou mo olatou tamana.

Selemia 25:27

E ke pati loa kia latou : E folafola le Eteleno o kau tau, le Atua o Iselaele, o pati : Kotou inu, kotou konana, kotou lulua, Ti kotou sisiga o leaise toe tuu ki aluga, Mo ka kotou tio loa ki le seleta leia e kau kakau atu loa kia koutou !

Selemia 29:17

E folafola le Eteleno o kau tau, o pati : Ko leinei, e kau kakau loa kia latou le seleta, mo le oge, mo le taumasaki, ti e kau fakaliliu loa latou o tatau mo ni fiki fakalialia, ala e leaise feala ke kai o tupu ko lolatou fuaveveli.

Selemia 44:27

Ko leinei, e kau tokaga loa ke fai kia latou le veli kae leai le malie ; ti e mamate loa a tagata fuli o Suta i le fenua o Esipito i le seleta, mo le oge, o kaku ki le fakamulimuli.

Selemia 7:29

Koti lou lau ulu, ti ke ti a ia ki mamao ; Ke ke pale ki potu taualuga, o fai se tagi laulau ! Talie kua tiaki e le Eteleno Ti kua tulei kese e ia le tautupu leia na fakatupu ia lona sausau.

Selemia 8:19

Ko leinei kua logo a tagi o le taine o loku kakai Mei se kele mamao : Pe leaise koi nofo le Eteleno i Sione ? Pe leaise koi nofo lona sau iate ia ? Kolea na lotou fakatupu ai loku sausau ki alatou fakatata laakau, Ki ni taulaatua matapule ?

Esekiele 11:17

Koia e ke pati ai loa : E folafola le Aliki, le Eteleno, o pati : E kau toe fakatasi loa koutou i loto malie o atu puleaga, E kau too loa koutou i fenua ala na kotou mavetevete ai, Ti e kau tuku loa kia koutou le fenua o Iselaele.

Esekiele 12:15

Ti e lotou iloa loa ko au ko le Eteleno, Mo ka kau veteki loa latou i atu puleaga, Mo ka kau fakamavete loa latou i fenua kesekese.

Esekiele 14:17

Ti kapau na kau aumai loa le seleta ki le fenua leinei, ti kapau na kau pati loa : Ke ano le seleta i le fenua ! Ti kapau na kau tuuti loa i ai a tagata mo manu,

Esekiele 20:23

I le toafa, na kau toe siki foki loku lima kia latou ke veteki latou i lotolotoga o atu puleaga ti mo fakamavete latou i fenua kesekese,

Esekiele 27:2

Ti ko koe, vosa o le tagata, Fai se tagi laulau ki Tile !

Esekiele 5:12

E mate loa le tolu vaega o lou kakai i le masaki veli ti mo le oge i loto malie o ou ; ti e mate loa le tasi vaega i le seleta i ou tafatafa ; ti e kau veteki loa le tasi vaega ki matagi fuli, ti e kau tuli loa latou ki le seleta.

Esekiele 5:2

Ke ke tutu loa le vaega e tasi i le afi, i loto malie o le kolo, mo ka oki loa a aso o le taui o le kolo ; ke ke too loa le tasi vaega, ti ke tuutuu loa a ia ki le matai tele i le takatakai katoa o le kolo ; ti ke laku loa le vaega fakaoki ke viligia i le matagi ; ti e kau too loa le seleta, o kapu ai latou.

Levitiko 26:33

E kau lagai loa se tau kia koutou ti e kau fakamavetevete loa koutou i atu puleaga : e maumaui loa lokoutou fenua, ti e lavaki loa okoutou kolo.

Amosi 5:16

Koia leia e folafola ai le Eteleno, le Atua o kau tau, le Aliki, o pati : I malae fuli e tagi laulau loa, I ala fuli e pati loa : Oiau ! Oiau ! E kalagai loa le tagata gaoi kele ki le putu, Ti ke tagi laulau latou ala e sua ia ni laumate.

Mikea 2:4

I le aso lena, e fakaliliu loa koutou ko se nea fakakata. E fai loa ni tagi mamae, E pati loa : Kua motou maumau katoa ! E soli e ia ki iki le vaega o loku kakai ! Kolea koia ! E too e ia loku vaega ! E tufa e ia amatou faisaga ki le fili !…

Sakalia 7:14

Koia na kau fakamavete ai loa latou i lotolotoga o puleaga fuli ala na leaise lotou iloa. Koia na kau maumaui ai le fenua i olatou muli, ti na leaise toe ano loa se tasi i ai. Ti na liliu loa le fenua fulumalie lena ko se toafa.

Tetelonome 28:25

E tuku loa e le Eteleno ke ke sola i mua o lou fili ; e ke ano loa o tau kia latou i se ala e tasi, ti e ke sola loa i ona mua i ni ala e fitu. E ofolele loa puleaga fuli o le kele i le nea leia kua soko loa kiate koe.

Tetelonome 28:36

E fakasaele loa a koe e le Eteleno mo lou sau, leia e ke fakanofo loa kiate koe, ki se puleaga leia na leaise ke iloa, e koe mo ou tamana.

Tetelonome 28:64

E veteki loa a koe e le Eteleno i puleaga fuli, mei le potu ki le potu o le malama nei. E ke tausi loa i ai ki ni atua kese ala na leaise ke iloa ti na leaise iloa e ou tamana : ala ko ni laakau mo ni fatu.

Tetelonome 32:26

Na kau manatu loa ke maumaui latou, Ti ke soloi oki olatou igoa i aluga o le kele.

Tetelonome 4:27

E fakamavetevete loa koutou e le Eteleno i atu puleaga, ti e toe loa se ga toka teiki fua i puleaga ala e ave loa koutou ki ai e le Eteleno.

Sakopo 1:1

Ko au Sakopo, ko le tagata fakasausau a le Atua ti mo le Aliki ko Sesu-Kilisito, ki faasiga e kau agafulu tupu lua ala e mavetevete mamao, alofa atu !