Selemia 9:12 - Tosi Tapu

¹² Kofea le tagata poto leia e matala ki nea anei ? Ke fakasa e ia a ia, e leia na masau ki ai le gutu o le Eteleno ! Kolea kua maumau ai le fenua, Kua vela ai ofaipe se toafa leia e leaise fakalaka ai se tasi ?

Selemia 9:12 ပူးပေါင်းရင်းမြစ်များ

Pesalemo 107:34

Le kele mauli ko se kele kaka, O tupu ko le agaveli o lona kakai.

Pesalemo 107:43

Ke tokaga leia e poto ki nea ana, Ti ke matala a ia ki agamalie o le Eteleno.

Esaia 42:23

Ko ai ia koutou e tokaga loa ki nea ana ? Ko ai e fia tokaga loa ki nea ana ti e fakalogo loa ki ai i le temi ki muli ?

Selemia 23:10

Talie kua apele le fenua i tono ; Kua mamae le fenua o tupu ko le malaia ; Kua malo a potu faisaga o le toafa. Kua lotou makape ki le veli, Kua lotou makeke ata ki le fai o le agasala.

Selemia 23:16

E folafola le Eteleno o kau tau, o pati : Aua na kotou fakalogo ki masau a le kau polofeta, ala e faikikite atu kia koutou ! E lotou toso koutou ki ni nea noa ; E lotou fakasa a manatu o olatou loto, Kae leai le nea leia e au mei le gutu o le Eteleno.

Selemia 23:22

Ka na lotou kau ki laku fono, Na lotou fakasa loa aku folafola ki loku kakai, Ke fakatafoki mai latou mei olatou ala veveli, mei lalatou agaveli.

Selemia 23:28

Ke fakamatala e le polofeta leia na fai ia se moemiti lana moe, Ti ke fakasa laku folafola i le maoki e leia na logo ki laku folafola. Kolea e filo ai le penu mo le fulumeto ? e pati le Eteleno.

Selemia 9:20

Fafine, kotou fakalogo mai ki le folafola a le Eteleno, Ti ke taofi e lokoutou taliga le nea leia e fakasa e lona gutu ! Kotou ako ki okoutou taineliki ni tagi mate, Kotou feakoaki ni tagi laulau ia koutou.

Esekiele 14:23

E lotou fakapelepelei loa koutou, mo ka kotou tio loa ki olatou mauli mo alatou gaoi ; ti e kotou fakamaoki loa na leaise kau fai noa a nea fuli ala na kau fai ki Selusalemi, e pati le Aliki, le Eteleno.

Oseo 14:9

Ko leia e poto ke tokaga ki nea anei ! Ko leia e atamai ke matala ki nea anei ! Talie e totonu a ala o le Eteleno ; E saele loa i ai le kau agatonu, Kae e sisiga loa i ai le kau agatuu.

Oseo 4:10

E lotou kai loa kae e leaise lotou makona loa ; E lotou faifeauaki loa, kae e leaise lotou maua loa ni fanau, O tupu na lotou tiaki le Eteleno mo ana folafola.

Soele 1:11

Kua luma le kau gaoi kele, kua lauga le kau gaoi vite, O tupu ko le fulumeto mo le olese ; Talie kua maumau a fua o faisaga.

Sofoni 3:6

Na kau tuuti ni puleaga ; kua maumau olatou tule ; Na kau maumaui olatou ala, e leaise tasi koi fakalaka i ai ! Kua maumau olatou kolo, e leaise koi maua se tagata, e leaise koi maua se tasi ke nofo i ai !

Mateo 24:15

Koia ka kotou tio loa kua tuu i le potu taputapu leia e igoa ko le fakalialia o le malaia, leia na pati ki ai le polofeta ko Taniela, ke tokaga loa leia e lautosi !

Tetelonome 32:29

Ka na lotou popoto, e lotou matala loa ki le nea leinei, E lotou manatu loa ki le nea leia e soko loa kia latou ki muli.

Apokalipisi 1:3

Manuia leia e lau ia le tosi ti mo latou ala e fakalogo ki folafola o le folafola kikite, ti mo fai ia a nea fuli ala e tosi i ai ! Talie kua ofi le temi.