Selemia 9:10 - Tosi Tapu

¹⁰ E kau fia tagi mo tagi laulau o tupu ko atu mauga, E kau fia tagi laulau o tupu ko nofoaga o le toafa ; Talie kua vela, ti e leaise koi fakalaka se tasi i ai, E leaise koi logo i ai ki le tagi o kau manu ; Kua sosola a manu lele o le lagi mo manu o le vao, kua lotou pupuli.

Selemia 9:10 ပူးပေါင်းရင်းမြစ်များ

Esaia 41:15

Ko leinei, e kau fakaliliu a koe ko se saliote sasa fulumeto, foou katoa, Kua apele i ni nifo matakakai ; E ke sasa loa, e ke gugu loa a mauga lalasi, Ti e ke fakaliliu loa a mauga liliki ofaipe le mutie malo leia e viligia.

Esaia 49:19

I ou kolo maumau mo lavaki, I lou fenua maumau E kopikopi loa lou kakai i le aso lena ; Ti ko latou ala na kai ia a koe e fakamamao loa.

Selemia 12:10

E maumaui e ni kau tausi manu toka api laku vite, E lotou takatakafi fakaveliveli laku faisaga ; E lotou fakaliliu le faisaga o oku fiafiaaga ko se toafa, ko se potu lavaki.

Selemia 12:11

E lotou fakaliliu a ia ko se toafa ; E mamae a ia, e tagi a ia i oku mua. Kua maumau le fenua katoa, Talie e leaise tokaga se tasi ki ai.

Selemia 12:4

E kaku loa ki afea le tagi o le kele, Ti mo le gini o le vao o faisaga fuli ? O tupu ko le agaveli o latou e nonofo i ai. Kua pupuli a manu vae fa mo manu lele, Talie lotou pati : E leaise tio loa a ia ki lotatou ikuaga.

Selemia 14:6

Kua tutuu a asino vao i potu taualuga, O folo le aele ofaipe ni gata ; Kua gaegae olatou mata talie e leaise koi maua se mutie.

Selemia 2:15

E gugulu kiate ia a uviki laione, mo itaita kiate ia, Ti e lotou maumaui lona fenua. Kua tutu ona kolo, ti e leaise koi nofo i ai ni kakai.

Selemia 2:6

Na leaise lotou pati : Kofea le Eteleno, Leia na fakamavae ia matou i le fenua o Esipito, Leia na taki ia matou i le toafa, I se kele malo mo apele i popoko, I se kele leia e pule ai le taulaa mo le malu o le mate, I se kele leia e leaise ano ai fua se tasi, Ti e leaise nofo ai fua se tasi ?

Selemia 23:10

Talie kua apele le fenua i tono ; Kua mamae le fenua o tupu ko le malaia ; Kua malo a potu faisaga o le toafa. Kua lotou makape ki le veli, Kua lotou makeke ata ki le fai o le agasala.

Selemia 50:3

Talie kua pale mai se puleaga mei le potu noleto kiate ia, ti e fakaliliu loa e ia lona fenua o toafa, ti e leaise toe maua loa se tagata i ai ; e sosola loa a tagata mo manu, o ano.

Selemia 7:29

Koti lou lau ulu, ti ke ti a ia ki mamao ; Ke ke pale ki potu taualuga, o fai se tagi laulau ! Talie kua tiaki e le Eteleno Ti kua tulei kese e ia le tautupu leia na fakatupu ia lona sausau.

Selemia 8:18

E kau loto ke fakafimalie loku mamae ; E mamae loku mafu iate au.

Tagi laulau a Selemia 1:16

Koia leia e kau tagi ai, ti e sasali ai oku loimata ; Talie kua fakamamao iate au, leia e fakapelepele ia loa au, Leia e toe fakamakeke ia loa loku mauli. Kua mamae oku vosa, talie kua malo le fili.

Tagi laulau a Selemia 2:11

Kua gaegae oku mata i le tagi, kua pula oku tootooga, Kua pa loku au i le kele, O tupu kua maumau le taine o loku kakai, O tupu kua mata fakapouli a toe mo toe memea i ala o le kolo.

Tagi laulau a Selemia 5:18

Se tupu kua maumau le mauga o Sione, Se tupu kua taka i ai kuli vao.

Esekiele 14:15

Kapau na kau tuku loa ke taka ni manu fekai i le fenua, o maumaui a ia, ti kapau na liliu loa a ia ko se toafa leia na leaise toe ano ai loa se tagata o tupu ko manu fekai ana,

Esekiele 27:2

Ti ko koe, vosa o le tagata, Fai se tagi laulau ki Tile !

Esekiele 29:11

E leaise toe ano loa i ai se vae o se tagata, E leaise toe ano loa i ai se vae o se manu, Ti e leaise nofoi loa a ia e se kakai i fetuu e kau fa.

Esekiele 33:28

E kau fakaliliu loa le fenua o toafa ; ti e kau fakagato loa lona fia taualuga i lona makeke, ti e tuu noa loa a mauga o Iselaele, talie e leaise toe fakalaka loa i ai se tasi.

Esekiele 6:6

I ganea fuli ala e kotou nonofo ai, e maumau loa okoutou kolo, Ti e tiaki loa okoutou ganea taualuga ; E popo loa okoutou aletale o tuu noa, Ti e fatifatii loa okoutou taulaatua o pupuli, Ti e laku loa okoutou fakatata o le laa ki lalo, Ti e puli noa loa akoutou gaoiaga fuli.

Oseo 4:3

Koia e nofo ai loa le fenua i le mamae, Ti e gaegae ai loa latou fuli ala e nonofo i ai, Tatau fai a manu o faisaga ti mo manu lele o le lagi ; Ti e pupuli loa a ika o le tai.

Soele 1:13

Tagata faisakilifisio, kotou tui okoutou kofu fakamamae ti kotou fetagisi ! Kotou tagi laulau, tagata fakasausau o le aletale ! Kotou au, kotou alaala i le po katoa mo okoutou taga, Tagata fakasausau o le fale o loku Atua ! Talie kua puli a moliga mo lipasio i le fale o lokoutou Atua.

Soele 1:19

Oi Eteleno, ko koe leia e kau tagi ki ai ! Talie kua tutu e le afi le mutie o le toafa, Ti kua tutu e le ula a laakau fuli o le vao.

Amosi 5:1

Kotou fakalogo mai ki le folafola leinei, Ki le tagi laulau leinei e kau sua kia koutou, Fale o Iselaele !

Amosi 5:16

Koia leia e folafola ai le Eteleno, le Atua o kau tau, le Aliki, o pati : I malae fuli e tagi laulau loa, I ala fuli e pati loa : Oiau ! Oiau ! E kalagai loa le tagata gaoi kele ki le putu, Ti ke tagi laulau latou ala e sua ia ni laumate.

Mikea 2:4

I le aso lena, e fakaliliu loa koutou ko se nea fakakata. E fai loa ni tagi mamae, E pati loa : Kua motou maumau katoa ! E soli e ia ki iki le vaega o loku kakai ! Kolea koia ! E too e ia loku vaega ! E tufa e ia amatou faisaga ki le fili !…

Mikea 3:12

Koia leia, o tupu ko koutou, E kenu ai loa Sione ofaipe se faisaga, E liliu ai loa Selusalemi ko se tuuga fatu, Ti mo le mauga o le fale tapu ko se tumutumu apele i le vao.