Selemia 9:1 - Tosi Tapu

¹ Oi ! ka na apele loku ulu i le vai, Ka na fai oku mata pe se matapuna loimata, E kau tagi loa i le ao mo le po Ki mate o le taine o loku kakai !

Selemia 9:1 ပူးပေါင်းရင်းမြစ်များ

Pesalemo 119:136

E liligi e oku mata ni vaitafe, Talie e leaise tausi fua lau lao.

Pesalemo 42:3

E fia inu loku laumalie ki le Atua, ki le Atua mauli : E kau ano loa afea o sa ki mua o le Atua ?

Pesalemo 55:7

E kau pati : Ka na kau maua a kapakau o le lupe, E kau lele loa, ti e kau maua loa le malolo ;

Esaia 16:9

Koia e kau tagi ai ki le vite o Sipema, ofaipe laku tagi kia Saesele ; Eseponi mo Eleale, e kau fakavai kolua ki oku loimata ! Talie kua vilo se kalaga tau Ki akoutou taukai vite mo akoutou taukai fulumeto.

Esaia 22:4

Koia e kau pati ai : Kotou ave kese okoutou mata iate au, Kotou tuku au ke tagi i loku mamae ! Aua na kotou afa ke fakapelepele au I le maumaui o le taine o loku kakai.

Selemia 13:17

Kapau e leaise kotou fakalogo, E kau tagi fakafufu loa, o tupu ko lokoutou fia nealasi ; E tafe loa a loimata i oku mata, Talie e ave popula loa le kau manu a le Eteleno.

Selemia 14:17

Fakasa kia latou le folafola lena : E tafe a loimata i oku mata i le po mo le ao, Ti ke leaise toe gato lona sali, Talie ko le taine taupoou o loku kakai na taai o veli, E mamae ai lona lavea.

Selemia 3:10

Kae logo ai a nea fuli ana, na leaise tafoki mai kiate au, lona taina kaka ko Suta, i lona loto katoa ; kae na tafoki fakakaka mai fai a ia kiate au, e pati le Eteleno.

Selemia 4:19

Oi loku manava, oi loku manava ! E kau mamae i loku mafu. Kua ta vave loku mafu, e leaise koi mafai laku fakalologo ; O tupu kua ke logo, ei loku laumalie, ki le pupusi o le fakatagi, Ki le kalaga o le tau.

Selemia 5:7

Kolea e kau fakamolemole ai loa kiate koe ? Na tiaki au e au fanau, Ti e lotou fakapapau i ni atua ala e leaise ko ni atua. Na kau fagai latou ke makokona, kae na lotou faiaga, E lotou tanaki fuli i le fale o le fafine faiaga.

Selemia 6:26

Taine o loku kakai, ke ke pulou ki se taga, ti ke ke mafulifuli i le mugalafu, Tui le kofu o le putu ofaipe le putu ki se vosa fuatasi, Fakasali ou loimata, ni loimata kona ! Talie e au fakafokifa kia tatou le tagata maumau.

Selemia 8:18

E kau loto ke fakafimalie loku mamae ; E mamae loku mafu iate au.

Selemia 9:18

Ke lotou fakatavili o sua mai kia tatou se tagi laulau ! Ti ke sali ni loimata mei omatou mata, Ke tafe se vai i omatou laumata !

Tagi laulau a Selemia 2:11

Kua gaegae oku mata i le tagi, kua pula oku tootooga, Kua pa loku au i le kele, O tupu kua maumau le taine o loku kakai, O tupu kua mata fakapouli a toe mo toe memea i ala o le kolo.

Esekiele 22:12

Kua tali i lou fale ni nea alofa ke liligi ai le toto ; ti kua ke fakamaua fakavale se tupu o lau paaga, mo se tupu o lau nea gaoi, ti kua ke kaia fakamakeke lou oloi, kae ko au, kua ke galoi au, e pati le Aliki, le Eteleno.

Oseo 7:4

Ko latou fuli ko ni kau faiaga, Tatau mo se gutuumu na fakakaka e le tagata tao pane : E leaise koi sokosoko e ia le afi Mei le lusi o le falina o kaku ki lona tupu.