Selemia 8:9 - Tosi Tapu

⁹ Kua luma le kau poto, Kua lotou sevaia, kua tapo latou e le masele. Ko leinei, na lotou tiaki le folafola a le Eteleno, Ti ko le poto fea leia e lotou maua ?

Selemia 8:9 ပူးပေါင်းရင်းမြစ်များ

Lua tosi o Sau 17:15

Na lotou tiaki loa ana lao, mo le sai leia na fai e ia mo olatou tamana, ti mo valoki ala na fai e ia kia latou. Na lotou ano loa i muli o ni nea noa ti na lotou liliu loa ko ni nea noa, ti mo muli o atu puleaga ala na nonofo i olatou tafatafa, ala na tapui e le Eteleno kia latou ke fakatatau ki ai.

Sopo 5:12

E motusi e ia a fakatuutuu a le kau kaka, Ti e fatifatii e ia alotou fakatuutuu i olatou lima ;

Sopo 5:13

E maselei e ia le kau poto ki lalatou fia poto, Ti e fulusi e ia a fakatuutuu a tagata pikopiko :

Pesalemo 19:7

E malaga ake a ia i le tasi potupotu o le lagi, Ti e fakaoki e ia lana makape i leia ake potupotu o le lagi : E leaise lilo se nea fua e tasi i lona mafana.

Esaia 19:11

Ko ni kau vale a aliki o Tesoane, Ti ko le fakakaukau a le kau poto a Falaone kua liliu ko se fakakaukau valea. Pe feaki lakoutou toa o pati kia Falaone : Ko le vosa au o le kau poto, ko le vosa au o sau mago ?

Esaia 29:14

Koia e kau toe taai ai loa le kakai leinei Ki ni nea fakatalatupua mo ni milakulo ; Ti e puli loa le poto o lona kau poto, Ti e puli loa le atamai o ona kau tagata atamai.

Esaia 43:27

Na agasala lou uluaki tamana, Ti na agatuu kiate au ou fakafofoga.

Esaia 8:20

Afa ki le Lao mo le fakamaoki ! Kapau e leaise masau felaaki, Ti e leai loa se mafoata ki le kakai.

Selemia 15:6

Na ke tiaki au, e pati le Eteleno, Na ke toe liliu ki muli ; Kae e kau falo loku lima kiate koe, ti e kau maumaui a koe, Kua kau kaekae i le kataki.

Selemia 19:7

E kau maumaui loa i le ganea leinei le fakakaukau a Suta mo Selusalemi ; E kau tamate loa laua ki le seleta i mua o olatou fili, Ti mo le lima o latou ala e loto ki lolatou mauli ; E kau soli loa olatou tino ke kai E manu lele o le lagi mo manu o le kele.

Selemia 2:8

Na leaise pati a tagata faisakilifisio : Kofea le Eteleno ? Ko latou ala na maua ia le lao na leaise iloa ia au, Na leaise agatonu le kau tausi ovi kiate au, Na faikikite le kau polofeta i le igoa o Paale, Ti na lotou mulimuli ia latou ala e leaise mafai ke tokoi kia latou.

Selemia 49:7

Ki Etome. E folafola le Eteleno o kau tau, o pati : Pe leaise koi maua se tagata poto i Temane ? Pe kua puli le fakakaukau i tagata atamai ? Pe kua puli noa lolatou poto ?

Selemia 6:15

Pe lotou luma loa, talie e lotou fai ni nea fakalialia ? E leaise lotou kukula fua, e leaise lotou iloa le luma ; Koia e lotou vivilo fakatasi loa mo latou ala e vivilo, E lotou sisiga loa i le aso leia e kau tautea ai loa latou, E pati le Eteleno.

Selemia 6:19

Kele, fakalogo mai ! Ko leinei, e kau kakau mai ki le kakai leinei le malaia, Fua o ana manatu ; Talie na leaise lotou tokaga ki aku folafola, Na lotou tiaki aku lao.

Esekiele 7:26

E soko le malaia ki le malaia, E muli le logo veli i le logo veli ; E lotou afa ni tio ki polofeta ; E leaise koi iloa e le kau faisakilifisio le lao, E leaise koi maua e le kau matua ni tokoi.

Amosi 2:4

E folafola ai le Eteleno, o pati : O tupu ko agaveli e tolu a Suta, E fa foki, e leaise kau toe fetogi laku fakatotonu, Talie na lotou maumaui le lao a le Eteleno, Ti na leaise lotou taupau ana fakatotonu, Talie na fakasese latou e taulaatua loi Ala na atolasio ki ai olatou tamana.

Sakalia 13:4

I le aso lena, e luma loa le kau polofeta ki alatou tio Mo ka lotou kikite loa, Ti e leaise lotou toe tui loa se taupulupulu fului manu o fai loi.

Tetelonome 4:6

Kotou tausi loa latou ti kotou fai loa latou ; talie ko lokoutou poto mo lokoutou atamai loa a ia ki mata o atu puleaga, ala e logo loa ki le masaui o lao fuli ana ti e lotou pati loa : ko le puleaga lasi leinei, mo poto ai, mo atamai ai !

Lua tosi kia Timoteo 3:15

Talie talu mei lou ikiiki, na ke iloa le Tosi tapu, leia e mafai ke fakapotoi ia a koe ki le saofaki i le tui kia Sesu-Kilisito.