Selemia 8:4 - Tosi Tapu

⁴ Pati kia latou : E folafola le Eteleno, o pati : Pe ka siga ti e leaise toe tuu ake ki aluga ? Pe ka sese ti e leaise toe tafoki mai ?

Selemia 8:4 ပူးပေါင်းရင်းမြစ်များ

Uluaki tosi o Sau 8:38

kapau e fai loa e se tagata, pe ko lou kakai katoa ko Iselaele, ni kole mo ni tagi, ti kapau e iloa loa e le tagata taki toka tasi le malaia o lona loto ti falo loa ona lima ki le fale leinei,

Taagapati 24:16

Talie e siga tua fitu le tagata agatonu, ti e toe tuu ake a ia ki aluga, Kae e laku le kau agaveli ki le malaia.

Esaia 44:22

E kau soloi au sala ofaipe se kokofu, Ti mo au agasala ofaipe se ao ; Toe liliu mai kiate au, Talie na kau totogi a koe.

Esaia 55:7

Ke tiaki e le tagata agasala lona ala, Ti mo le tagata agaveli ana manatu ; Ke toe liliu a ia ki le Eteleno, leia e alofa loa kiate ia, Ki lotatou Atua, leia e leaise kaekae i le fakamolemole.

Selemia 23:14

Kae i le kau polofeta o Selusalemi, na kau tio ki ni nea e toe fakalialia ake ; E lotou fai tono, e lotou saele i le loi. E lotou fakamakeke a lima o le kau agaveli, O tupu ke aua na tafoki mai kiate au se tasi ia latou i lana agaveli. Kua lotou fai fuli ki oku mata pe Sotoma, Ti kua fai le kakai o Selusalemi pe Komola.

Selemia 3:1

E pati a ia : Ka kapu e se tagata lana avaga, Ti e mavae le fafine iate ia, o toe avaga mo se tasi ake tagata, Pe toe liliu loa le uluaki tagata kiate ia ? Leai ! Talie e kelekele loa i ai le fenua. Kae ko koe, Iselaele, na ke faiaga mo ni kau mamana toka api, Ti e ke loto loa ke ke toe liliu mai kiate au ! e pati le Eteleno.

Selemia 3:22

Kotou tafoki mai kiate au, fanau agatuu : E kau fakamolemole loa akoutou agatuu. Ko nei matou, e motou ano kiate koe, Talie ko le Eteleno a koe, lomatou Atua.

Selemia 36:3

I le aso leia e logo ai loa le fale o Suta ki le veli katoa leia e kau manatu ke fai kiate ia, e lagi lotou toe liliu taki toka tasi mai loa mei lona ala veli ; ti e kau fakamolemole loa ki alatou agaveli mo alatou agasala.

Selemia 4:1

Iselaele, kapau e ke tafoki mai, kapau e ke tafoki mai kiate au, e pati le Eteleno, Kapau e ke too au nea fakalialia i oku mua, E leaise ke toe sese loa.

Esekiele 18:23

E pati le Aliki, le Eteleno : Pe ko loku loto leia ke mate le tagata agasala ? Pe leaise ko loku loto ke tafoki a ia i lona ala ti ke mauli a ia ?

Oseo 14:1

Iselaele, toe liliu mai ki le Eteleno, lou Atua, Talie kua ke vilo o tupu ko lau agaveli.

Oseo 6:1

Kotou au, tou toe liliu ki le Eteleno ! Talie na saei e ia, kae e fakamauli loa e ia tatou ; Na taai e ia, kae e sai loa e ia otou lavea.

Oseo 7:10

E fakamaoki le fia nealasi o Iselaele kiate ia ; E leaise lotou toe liliu mai ki le Eteleno, lolatou Atua, Ti e leaise lotou afa a ia, logo ai a nea fuli ana.

Amosi 5:2

Kua vilo a ia, e leaise toe tuu loa a ia ki aluga, Le taupoou o Iselaele ; Kua moe a ia ki le kele, E leaise toe fakatuu loa a ia ki aluga e se tasi.

Mikea 7:8

Aua na ke fakafiafia o tupu ko au, ei loku fili ! Talie kapau na kau siga, e kau toe tuuake loa ki aluga ; Kapau na kau tonatona i le fakapouli, E liliu loa le Eteleno ko loku malama.