Selemia 8:22 - Tosi Tapu

²² Pe leaise maua se faitoo i Kalaate ? Pe leai se toketa ? Kolea e leaise fai ai le fakamauli o le taine o loku kakai ?

Selemia 8:22 ပူးပေါင်းရင်းမြစ်များ

Senesi 37:25

Na lotou tonatona loa ki lalo o kai. Na lotou tio loa ki se fanoga a se kau Isemaele. Na lotou au mei Kalaate, ti na lotou ano ki Esipito. Na amo e alatou kamelo ni laakau fakamanogi, mo ni kaloni, mo se mila.

Senesi 43:11

Na pati loa lolatou tamana ko Iselaele kia latou : Ko lena e maua ke felaaki, ke kotou fai loa le nea leinei : Kotou fafao loa ki akoutou taga ni fua malilie o le fenua, ke kotou fai ai se moliga ki le tagata lena : kotou too ni kaloni, mo se meli, mo ni nea fakamanogi, mo se mila, mo ni fuai pinati, ti mo ni fuai amatie.

Selemia 14:19

Pe kua ke tiaki loa a Suta ? Pe kua fakalialia lou laumalie ki Sione ? Kolea kua ke taai ai matou, kae e leaise fakamauli matou ? Na motou amanaki malie ki le tokamalie, kae e leaise soko se nea e malie, Ki se aso o le fakamauli, kae ko leinei ko le mamae fakaii !

Selemia 22:6

Talie e folafola le Eteleno ki le fale o le sau o Suta, o pati : E ke fai kiate au pe Kalaate, pe le tumutumu o le mauga o Lipane ; Kae e maoki e kau fakaliliu loa a koe ko se toafa, Ko se kolo sala kakai.

Selemia 46:11

Pale ki Kalaate, too se lolo faitoo, Taine taupoou, taine o Esipito ! E leaise uiga o lau liuliuga faitoo, Talie e leaise ke toe mauli loa.

Selemia 51:8

Fokifa kua vilo Papilone, o fatifati ! Kotou tagi kiate ia, kotou too se lolo ke faitoo ai lona lavea. E lagi toe mauli loa a ia !

Selemia 6:7

Ofaipe se vai e mapuna mei se sosoni, E mapuna foki lona agaveli meiate ia ; E masau ata iate ia ki le fakamakeke mo le maumau ; E tio tuumau oku mata ki le mamae mo lavea.

Selemia 9:1

Oi ! ka na apele loku ulu i le vai, Ka na fai oku mata pe se matapuna loimata, E kau tagi loa i le ao mo le po Ki mate o le taine o loku kakai !

Selemia 9:11

Io, e kau fakaliliu loa Selusalemi ko se kolo maumau, ko se mumuniaga o kuli vao, Ti e kau fakaliliu loa a kolo o Suta ko se toafa lavaki.

Tagi laulau a Selemia 2:13

Kolea e tonu ke kau fakasa kiate koe ? Kolea ke kau fakatatau a koe ki ai, taine o Selusalemi ? Ko ai e toe tatau mo koe, ti ko le fakapelepele fea leia ke fai kiate koe, Taupoou, taine o Sione ? Talie e lasi lou lavea ofaipe le tai : Ko ai e mafai loa ke faitoo ia a koe ?

Esekiele 27:17

Kua fai koloa Suta mo le fenua o Iselaele mo koe : Na lotou soli kiate koe le fulumeto o Miniti, Ni kato, le meli, le lolo, ni nea fakamanogi, O totogi ai ou koloa.

Numelo 32:1

Na maua e vosa o Lupeni mo vosa o Kate se kau manu lasi ai, ti na lotou tio loa ko le fenua o Saesele mo le fenua o Kalaate ko ni fenua malilie ki le fagai manu.

Luka 8:43

Kae na i ai se fafine leia na pupuke talu mei ni fetuu e kau agafulu tupu lua, ti kua oki ona koloa ki le totogi o le kau toketa, kae na leaise fakamauli a ia e se tasi o latou.