Selemia 8:2 - Tosi Tapu

² E fola loa latou i mua o le laa, mo mua o le masina, mo mua o le kau tau fuli o le lagi, ala na lotou alofa ki ai, ala na lotou tausi ki ai, ala na lotou mulimuli ki ai, ala na lotou afa ia, ala na lotou atolasio ki ai ; e leaise tanaki loa latou, ti e leaise tanu loa latou, kae e lotou fai loa pe se taei kele fakagako i aluga o le kele.

Selemia 8:2 ပူးပေါင်းရင်းမြစ်များ

Lua tosi o Sau 17:16

Na lotou tiaki loa a fakatotonu fuli a le Eteleno, lolatou Atua, ti na lotou fai loa kia latou ni pipi e lua ki le ukamea na saka, ti na lotou fau loa ni fakatata o Asetalate, ti na lotou atolasio loa ki le kau tau katoa o le lagi, ti na lotou tausi loa kia Paale.

Lua tosi o Sau 21:3

Na toe fakatuu loa e ia a ganea taualuga, ala na maumaui e Esekiasi, lona tamana ; na fakatuu loa e ia ni aletale kia Paale, ti na fai loa e ia se fakatata o Asetalate, ofaipe le fai e Akapo, sau o Iselaele, ti na atolasio loa a ia ki le kau tau katoa o le lagi mo tausi ki ai.

Lua tosi o Sau 21:5

Na fakatuu loa e ia ni aletale ki le kau tau o le lagi i malae e lua o le fale tapu o le Eteleno.

Lua tosi o Sau 23:5

Na kapu loa e ia a kau pelepitelo o taulaatua, ala na fakanofo e sau o Suta ke tutu ia a nea fakamanogi i ganea taualuga o kolo o Suta ti mo tafatafa o Selusalemi, ti mo latou ala na momoli ia ni nea fakamanogi kia Paale, mo le laa, mo le masina, mo fetuu, ti mo le kau tau katoa o le lagi.

Pesalemo 53:5

Pe kua puli le atamai o latou ala e fai ia le veli ? E lotou kai loku kakai, e lotou too a ia ofaipe se nea kai ; E leaise lotou fetapa fua ki le Atua.

Pesalemo 83:10

Fai kia latou ofaipe Matiane Ofaipe Sisela, ofaipe Sapini i le vaitafe o Kisoni !

Pesalemo 83:11

Na maumaui latou i Ene-Toli, Ti na lotou liliu ko ni faikauga ke fakagako ai le kele.

Ekelesiasi 6:3

Kapau e maua loa e se tagata ni vosa e kau lelau, ti e mauli loa a ia i ni fetuu mauke, kae na leaise fiafia lona laumalie i lona mauli loa lena, ti na leaise fai sona putu i lona mate, e kau pati e malie ake le toe leia kua mate i lona fanaui i le tagata lena.

Selemia 14:16

Ti ko latou ala e lotou kikite ki ai, E tuku mamate loa i ala o Selusalemi, I le oge mo le seleta ; E leaise tasi loa ke tanu ia latou, Latou mo alatou avaga, mo olatou vosa, mo olatou taineliki ; E kau liligi loa kia latou lalatou agaveli.

Selemia 16:11

Ti ke tali loa kia latou : Na tiaki au e okoutou tamana, e pati le Eteleno, Na lotou mulimuli i ni atua kese, Na lotou tausi kia latou ti na lotou punou i olatou mua. Na lotou tiaki au, ti na leaise lotou tausi laku lao.

Selemia 16:4

E lotou mamate loa i le masaki veli ; E leaise tagi loa kia latou, ti e leaise tanu loa latou ; E lotou fai loa pe le nea fakagako kele i aluga o le kele ; E lotou mamate loa i le seleta mo le oge ; Ti e liliu loa olatou tino ko le nea kai a manu lele o le lagi mo manu o le vao.

Selemia 16:6

E mamate loa a kakai lalasi mo toe liliki i le fenua leinei ; E leaise tanu loa latou ; E leaise tagi loa kia latou, E leaise toe vaku loa a mata pe tele loa a ulu kia latou.

Selemia 19:13

E kelekele loa le fale o Selusalemi mo fale o sau o Suta Ofaipe le ganea o Tofete, Ti mo fale fuli ala e momoli ai le iseso i aluga o ato Ki le kau tau fuli o atu lagi, Ti na fai ai ni lipasio ki ni atua kese.

Selemia 22:19

E tanu loa a ia ofaipe se asino, E toso loa a ia o ti ki fafo mei matapa o Selusalemi ki le tua kolo.

Selemia 25:33

Ko latou ala e tamate loa e le Eteleno i le aso lena e tanaki loa Mei leia potu ki leia potu o le malama nei ; E leaise tagi loa kia latou, ti e leaise too loa latou, ti e leaise tanu loa latou. E lotou fai loa pe se nea fakagako kele i aluga o le kele.

Selemia 31:40

E fakatapu loa ki le Eteleno le vaivailiua katoa o le kau mate mo le mugalafu, Ti mo faisaga fuli o kaku ki le liua o Setolone, O kaku ki le matapa o osi i le potu esite, Ti e leaise toe taaki loa pe toe maumaui loa latou i se aso.

Selemia 36:30

Koia e folafola le Eteleno kia Sosakimi, sau o Suta, o pati : E leaise eke loa se tasi i lou sakoga i le ekeekeaga fakasau o Tavite, ti e tiaki loa le tino o Sosakimi ki le vevela o le ao mo le momoko o le pouli.

Selemia 9:20

Fafine, kotou fakalogo mai ki le folafola a le Eteleno, Ti ke taofi e lokoutou taliga le nea leia e fakasa e lona gutu ! Kotou ako ki okoutou taineliki ni tagi mate, Kotou feakoaki ni tagi laulau ia koutou.

Selemia 9:21

Talie kua ulu le mate i omatou katupa, Kua ulu a ia ki omatou fale sau ; Kua tamate e ia a toe liliki i le ala, Mo tupulaga i lapalasi fakafenua.

Selemia 9:22

Ke ke pati : E folafola le Eteleno, o pati : E vivilo loa a mate o tagata Ofaipe se nea fakagako kele i faisaga, Ofaipe le vilo o se taulu fulumeto i muli o le tagata tuuti fulumeto, Leia e leaise tae e se tasi.

Esekiele 29:5

E kau ti loa a koe ki le toafa, A koe mo ika fuli o ou vaitafe. E ke vilo loa ki loto o faisaga, E leaise toe fakatuu ake loa a koe pe tanu loa a koe ; Talie e kau tuku loa a koe ke kai E manu o le kele mo manu lele o le lagi.

Esekiele 39:5

E ke vilo loa i aluga o le kele, Talie na kau masau, e pati le Aliki, le Eteleno.

Esekiele 6:5

E kau tuku loa a mate o fanau a Iselaele i mua o olatou taulaatua, Ti e kau veteki loa okoutou ivi i tafatafa o okoutou aletale.

Esekiele 8:16

Ti na taki loa e ia au ki le malae loto o le fale o le Eteleno. Ti ko leinei, i uluaga o le fale tapu o le Eteleno, i le vasa o le matapa ulu mo le aletale, na i ai se kau tagata e tino lua tupu lima, na lotou titua ki le fale tapu o le Eteleno, kae na lotou agaaga ki le potu esite ; ti na lotou punou ki le potu esite i mua o le laa.

Sofoni 1:17

E kau tuku loa a tagata ki le mamae, Ti e lotou saele loa ofaipe ni kivi, Talie na lotou agasala ki le Eteleno ; E kau liligi loa lolatou toto ofaipe le efu, Ti mo lolatou kanofi ofaipe ni penu.

Sofoni 1:5

Mo latou ala e punou i aluga o ato o fale i mua o le solia o le lagi, Mo latou ala e punou o fakapapau i le suafa o le Eteleno, Ti mo toe fakapapau foki i le igoa o lolatou sau ko Malekame,

Gaoi 7:42

Koia na maliu ai loa le Atua meia latou ti na tuku loa e ia latou ke atolasio ki fetuu o le lagi, o mulimuli ki le nea leia e tuu i le tosi a le kau polofeta : Pe na kotou momoli mai kiate au ni vikitima mo ni sakilifisio Ilolotoga o fetuu e kau fa i le toafa, fale o Iselaele ?

Tetelonome 17:3

talie na ano loa a ia, o tausi ki ni iki ake atua kese ti mo atolasio kia latou, pe ko le laa, pe ko le masina, pe ko le fuatau katoa o le lagi. E leaise ko le nea lena na kau fakatotonu.

Tetelonome 4:19

Ke ke tokaga ai ki lou laumalie, ke aua na ke siki ake ou mata ki le lagi o tio ki le laa, mo le masina, mo fetuu, mo nea fuli o le lagi, ti ke siga loa ki le agasala, o atolasio kia latou ti mo tausi kia latou : kua tuku latou e le Eteleno lou Atua ki atu puleaga fuli o le malama nei katoa ;