Selemia 8:19 - Tosi Tapu

¹⁹ Ko leinei kua logo a tagi o le taine o loku kakai Mei se kele mamao : Pe leaise koi nofo le Eteleno i Sione ? Pe leaise koi nofo lona sau iate ia ? Kolea na lotou fakatupu ai loku sausau ki alatou fakatata laakau, Ki ni taulaatua matapule ?

Selemia 8:19 ပူးပေါင်းရင်းမြစ်များ

Pesalemo 135:21

Mei Sione ke fakafetai ki le Eteleno, Leia e nofo i Selusalemi ! Kotou fakafetai ki le Eteleno !

Pesalemo 137:1

I kauvai o vaitafe o Papilone, Na motou tonatona ki lalo, ti na motou fetagisi, O motou manamanatu ki Sione.

Pesalemo 146:10

E pule le Eteleno o lee gato. Ko lou Atua, ei Sione ! i tautupu ki tautupu ; Kotou fakafetai ki le Eteleno !

Pesalemo 149:2

Ke fakafiafia Iselaele i leia na fakatupu ia a ia ! Ke fiafia a vosa o Sione, o tupu ko lolatou sau !

Pesalemo 31:6

E kau tuku loku laumalie ki ou lima ; E ke saofaki loa au, Eteleno, Atua o le maoki !

Esaia 1:4

Malaia ki le puleaga agasala, ki le kakai kua mafaia i agaveli, Ki le sakoga o le kau agaveli, ki fanau fakalialia ! Kua lotou tiaki le Eteleno, ti kua lotou nukinuki ki le Maokioki o Iselaele. Kua lotou toe liliu ki muli…

Esaia 12:6

Fai ni kalaga fakafiafia mo nekenekea, a koe leia e nofo i Sione ! Talie e lasi a ia i loto malie o ou, le Maokioki o Iselaele.

Esaia 13:5

Kua lotou au mei se fenua mamao, Mei potupotu o le lagi : Ko le Eteleno mo nea gaoi o lona sausau ka maumau ia loa le fenua katoa.

Esaia 33:22

Talie ko le Eteleno ko lotatou tui fakamaau, Ko le Eteleno ko lotatou tagata takitaki, Ko le Eteleno ko lotatou sau : Ko ia leia e fakamauli ia tatou.

Esaia 39:3

Ti na ano loa le polofeta ko Esaia ki le sau ko Esekiasi, o pati kiate ia : Koa masau a tagata ana ? Na lotou au meifea ? Ti na tali loa Esekiasi : Na lotou au kiate au mei se fenua mamao, mei Papilone.

Esaia 52:1

Ke ke alaala ! Ke ke alaala ! Ke tui lou kofu fulumalie, Sione ! Ke ke tui ou kofu fakateuteu, Selusalemi, kolo maokioki ! Talie e leaise toe ulu loa i lou fale se tagata lee silikosisio pe ko se tagata kelekele.

Selemia 10:15

Ko ni nea mamate latou, ko se gaoiaga kaka ; E lotou maumau loa, mo ka au loa le tautea.

Selemia 14:19

Pe kua ke tiaki loa a Suta ? Pe kua fakalialia lou laumalie ki Sione ? Kolea kua ke taai ai matou, kae e leaise fakamauli matou ? Na motou amanaki malie ki le tokamalie, kae e leaise soko se nea e malie, Ki se aso o le fakamauli, kae ko leinei ko le mamae fakaii !

Selemia 14:9

Kolea e ke fai ai loa pe se tagata leia e ofolele, Pe se toa leia e leaise mafai ia ke tokoi kia matou ? Kae ko koe, Eteleno, e ke nofo maoki i loto malie o matou, Ti e motou fetapa ki lou suafa ia matou : Aua na ke tiaki matou !

Selemia 2:5

E masau le Eteleno, o pati : Kolea le veli leia na maua e okoutou tamana iate au, Ke lotou fakamamao ai iate au, Ti ke lotou mulimuli ai i ni nea noa, Ke lotou liliu ai ko ni nea noa ?

Selemia 27:10

Talie ko le loi lena e lotou kikite atu kia koutou, o tupu ke ave mamao koutou mei lokoutou fenua, o tupu ke kau kapu koutou ti ke kotou mamate.

Selemia 31:6

Talie e soko mai loa le aso leia e kalaga ai loa le kau leo i le mauga o Efalaimi : Kotou tutuu mai ke tou pale ki Sione, ki le Eteleno, lotatou Atua !

Selemia 32:30

Talie ko fanau a Iselaele mo fanau a Suta Na fai ia, talu mei lolatou liliki, le nea leia e veli ki oku mata ; Talie na fakatupu e fanau o Iselaele loku sausau Ki gaoiaga o olatou lima, e pati le Eteleno.

Selemia 7:19

Pe ko au leia e lotou fakaitaita ? e pati le Eteleno ; Pe leaise ko latou totonu, Ke lotou luma ai ?

Selemia 8:20

Kua oki le temi tuuti o le fulumeto, kua oki le temi vevela, Kae e leaise fakamauli tatou !

Selemia 9:16

E kau fakamavetevete loa latou i ni atu puleaga, Ala na leaise lotou iloa, e latou ti mo olatou tamana, Ti e kau kakau loa le seleta i olatou muli O kaku ki laku maumaui latou fuli.

Esekiele 48:35

Ko le loa o le kaua leia e takatakai ia loa le kolo katoa : ko kilometa e iva. Ti e igoa loa le kolo i le aso lena : Ko le agaiaga o le Eteleno.

Soele 2:32

Ti ko leia e fetapa loa ki le suafa o le Eteleno e mauli loa ; E nofo loa le fakamauli i le mauga o Sione mo Selusalemi, Ofaipe le pati a le Eteleno, Ti mo lotolotoga o latou ala na saofaki, latou ala e kalagai loa e le Eteleno.

Soele 3:21

E kau totogi loa lolatou toto Leia na leaise totogi. Ti e nofo loa le Eteleno i Sione.

Apetiasi 1:17

Kae e nofo loa le fakamauli i le mauga o Sione, ti e maokioki loa a ia, Ti e toe maua loa e le fale o Sakopo ona tofiga.

Mikea 4:9

Kolea e ke kalaga ai i le temi nei ? Kolea e ke mapelu ai i le mamae, ofaipe se fafine leia e fanau ? Pe leaise koi ke maua se sau, pe ko se tokoi ?

Sofoni 3:15

Kua fakamafuli kese e le Eteleno ou tautea, Kua fakamamao e ia lou fili. E nofo le sau o Iselaele, le Eteleno, i loto malie o ou ; E leaise ke toe maua ia loa se malaia.

Sakalia 2:9

Ko leinei, e kau siki loku lima ki atu puleaga, Ti e lotou liliu loa ko le nea kai a latou ala na popula kia latou. Ti e kotou iloa loa ko le Eteleno o kau tau leia na kakau ia au.

Gaoi 14:15

Ei tagata, kolea e kotou fai ai le nea lena ? Ko maua foki, ko ni tagata e natula tatau mo koutou ; ti e ma fakasa atu kia koutou se logo malie, ti e ma kole atu kia koutou ke kotou fakafiti ki nea vaiga ana, kae ke kotou tafoki ki le Atua mauli, leia na fakatupu ia le lagi, mo le kele, mo le tai, ti mo nea fuli i ai.

Tetelonome 31:17

I le aso lena, e mu loa loku sausau kiate ia. E kau tiaki loa latou, ti e kau tapono loa oku mata kia latou. E kai loa a ia e atu puleaga, ti e soko loa kiate ia ni malaia lasi mo ni mamae veli. E pati loa a ia : Kua soko malaia anei kiate au talie e leaise nofo loku Atua mo au.

Apokalipisi 2:1

Tosi ki le aselo o le Ekelesia o Efeso : Ko leinei le nea leia e pati ki ai leia e too ia a fetuu e fitu i lona lima atamai, leia e saele i loto malie o tekiaga malama aulo e fitu :