Selemia 8:14 - Tosi Tapu

¹⁴ Kolea e tou tonatona ai i le kele ? Kotou fakatasi, ti tou ano ki kolo tau, O mamate i ai ! Talie kua tuku tatou e le Eteleno, lotatou Atua, ki le mate, Ti kua fakainu e ia tatou ki ni vai kona, O tupu na tou agasala ki le Eteleno.

Selemia 8:14 ပူးပေါင်းရင်းမြစ်များ

Lua tosi a Samuele 20:6

Na pati loa Tavite kia Apisai : E lasi ake loa i le veli leia na fai e Apesalone le veli leia ka fai loa kia tatou e Sepa, vosa o Pikili. Too e koe totonu a tagata fakasausau a lou pule, ti ke tuli a ia, talie na maua e ia ni kolo tau, ti ke sao loa a ia ia tatou.

Pesalemo 39:2

Na kau pati : E kau tokaga loa ki oku ala, Ke aua na kau agasala i loku alelo ; E kau fai loa se taofi ki loku gutu, I le temi katoa e nofo ai le fili i oku mua.

Pesalemo 69:21

Kua fati loku loto i lauveli mai kiate au, ti kua kau masaki ; E kau talitali ki se alofa mai kiate au, kae noa ; Ki ni iki ke fakapelepele ia au, kae e leaise kau maua ia se tasi.

Esaia 47:5

Tonatona fakalologo, ti ke ke ano ki le fakapouli, Taine o le kau Kaletea ! E leaise toe fakaigoa loa a koe ko le fafine aliki o atu puleaga.

Selemia 14:20

Eteleno, e motou fakamaoki ki lomatou agaveli, mo le agasala o omatou tamana ; Talie na motou agasala kiate koe.

Selemia 14:7

Kapau kua fakamaoki amatou agaveli kia matou, Kae ko koe, ei Eteleno, gaoi o tupu ko lou suafa ! Talie kua lasi amatou agatuu, Kua motou agasala kiate koe.

Selemia 23:15

Koia e folafola ai le Eteleno o kau tau, o pati ki le kau polofeta : Ko leinei, e kau fagai loa latou ki le laakau kona, Ti e kau fakainu loa latou ki se vai kona ; Talie kua mafola le tausi veli ki le Atua i le fenua katoa O tupu ko kau polofeta o Selusalemi.

Selemia 3:25

Kua tou momoe ai ki lotatou luma Ti kua tou kafu ai ki lotatou veli, Talie na tou agasala ki le Eteleno, lotatou Atua, Tatou mo otatou tamana, talu mei lotatou liliki o kaku mai ki le aso nei, Ti na leaise tou fakalogo ki le leo o le Eteleno, lotatou Atua.

Selemia 35:11

I le temi leia na pale mai ai Nepukatenesale, sau o Papilone, o taui le fenua leinei, na motou pati : Tou ano, tou mavae o ano ki Selusalemi, o mamao mei le solia a le kau Kaletea, mo le solia a le kau Silia. Ko le tupuaga lena o lomatou nonofo i Selusalemi nei.

Selemia 9:14

E tupu na lotou mulimuli ki oli o olatou loto, Ti na lotou ano i muli o Paale, Ofaipe lona ako kia latou e olatou tamana.

Selemia 9:15

Koia leia e folafola ai le Eteleno o kau tau, le Atua o Iselaele, o pati : Ko leinei, e kau fagai loa le kakai leinei ki le nea kona, Ti e kau fakainu loa kia latou se vai kona.

Tagi laulau a Selemia 3:19

Ka kau manatu ki loku mamae mo loku fakaaloalofa, E fai kiate au pe se apesate mo se au kona ;

Levitiko 10:3

Ti na pati loa Moisese kia Alone : ko le nea a ia leia na fakasa e le Eteleno i lana pati : E kau loto ke fakaapaapa ki loku maokioki latou ala e fakafeofi mai kiate au, ti ke lotou fakasa loku kololia i mua o le kakai katoa. Na fakalologo loa Alone.

Amosi 6:10

Ka too loa e se tasi o le famili se mate o tutu, Ti ka too loa e ia i le fale ona ivi, E pati loa a ia ki leia e nofo i muli o le fale : Pe koi toe se tasi mo koe ? Ti e tali loa le tagata lena : E leai se tasi… Ti e pati loa leia ake : fakaleemu ! E leaise ko le temi leinei ke too ai le suafa o le Eteleno.

Apakuki 2:20

E nofo le Eteleno i lona fale tapu maokioki. Ke fakalologo le malama nei katoa i ona mua !

Sakalia 2:13

Ke fakalologo kakai fuli i mua o le Eteleno ! Talie kua ala a ia o au mei lona nofoaga maokioki.

Mateo 27:34

ti na lotou fakainu loa kiate ia se vino kua sui ki le au kona, kae, i lana asiasii a ai, na leaise inu loa e ia.

Tetelonome 29:18

Ke aua na maua loa ia koutou se tagata pe ko se fafine, pe ko se famili pe ko se faasiga, leia e veli lona loto ke maliu i le aso nei mei le Eteleno, lotatou Atua, o ano o tausi ki atua o puleaga ana. Ke aua na maua loa ia koutou se aka leia e fakatupu ia se au kona mo se kava kona.

Tetelonome 32:32

Kae ko lolatou vite ko se vite mei Sotoma, Ti na taaki a ia mei le kele o Komola ; E mamala olatou fuai vite ofaipe le au, Ti e kona olatou fui vite.