Selemia 8:13 - Tosi Tapu

¹³ E kau loto ke fakapuli latou fuli, e pati le Eteleno ; E leaise toe maua loa se fa vite i le vite, Pe ko se fa fiki i le fiki, Ti e gini loa a lau ; Ti e sola loa ia latou le nea leia na kau soli kia latou.

Selemia 8:13 ပူးပေါင်းရင်းမြစ်များ

Esaia 5:10

Talie e maua loa i le faisaga vite, leia e alepate kau agafulu lona lasi, se pate fai e tasi ; Ti e fakatupu loa e le omele pulapula se efa fai e tasi.

Selemia 14:12

Kapau e lotou sesunio, e leaise kau fakalogo loa ki alatou tagi ; Kapau e lotou momoli ni failaulau mo ni moliga, e leaise kau tali loa latou ; Talie e kau loto ke maumaui latou ki le seleta, mo le oge, mo le taumasaki.

Selemia 14:15

Koia e pati ai le Eteleno Ki polofeta ala e faikikite i loku suafa, Kae na leaise kau kakau latou, Ala e pati : E leaise soko loa i le fenua nei se seleta mo se oge : E mamate loa le kau polofeta lena i le seleta mo le oge.

Selemia 17:8

E fai a ia pe se laakau na to i tafa o se tafeaga vai, Leia e falo ia ona aka ki le tafe ; E leaise iloa e ia le vevela mo ka au a ia, Ti e sesega tuumau lona lau. I le fetuu o le taulaa, e leaise tuania e ia se nea, Ti e leaise toe gato lona fua.

Selemia 5:17

E kai loa e le puleaga lena lau fulumeto mo lau pane ; E kai loa e ia ou vosa mo ou taineliki ; E kai loa e ia au ovi mo au pipi ; E kai loa e ia lau vite mo lau fiki ; E maumaui loa e ia ki le seleta ou kolo tau ala e ke fanaki ki ai.

Selemia 7:20

Koia e folafola ai le Aliki, le Eteleno, o pati : Ko leinei, kua liligi loku sausau mo loku mafaia ki le ganea leinei, Ki tagata mo manu, Ki laakau o faisaga mo fua o le kele ; Kua mu loku sausau ti e leaise toe mate loa a ia.

Esekiele 22:31

E kau liligi loa loku sausau kia latou, ti e kau tutu loa latou ki le afi o loku sausau, ti e kau totogi loa alatou gaoi ki olatou ulu, e pati le Aliki, le Eteleno.

Oseo 2:12

Ti ko leinei e kau fakasa loa lona matagafua ki mata o ana feauaki, ti e leaise saofaki loa a ia e se tasi mei loku lima.

Soele 1:7

Kua maumaui e ia laku vite ; Kua fatifatii e ia laku fiki, Kua talai e ia ona laa, ti kua sele e ia a ia ki lalo. Kua tetea a taulu o le vite.

Levitiko 26:20

E maumau noa loa okoutou makeke, kae e leai sona fua : e leaise soli loa e le kele ona magiti, ti e leaise soli loa e laakau olatou fua.

Apakuki 3:17

Talie e leaise se loa le fiki, E leaise tuku loa e le vite se nea, E puli loa le fua o le oliveto, E leaise tuku loa e faisaga se nea kai ; E pupuli loa a ovi i fagaiaga mutie, Ti e leaise toe maua loa ni pipi i fale manu.

Akeseo 1:11

Na kau kakau mai le taulaa ki le fenua, mo mauga, Mo le fulumeto, mo le vino, mo le lolo, Mo nea fuli ala e feala ke maua mei le kele, Mo tagata mo manu, Ti mo gaoiaga fuli o lima.

Akeseo 2:17

Na kau tautea koutou ki le kelemea, Mo le manua, ti mo le ua fatu aisi ; Na kau maumaui a gaoiaga fuli o okoutou lima. Kae logo ai a nea ana, na leaise kotou toe liliu mai kiate au, e pati le Eteleno.

Malakia 3:11

Kia koutou e kau valoki loa leia e kai, Ti e leaise maumaui loa e ia a fua o le kele, Ti e leaise paa loa le vite i okoutou ulu fenua, E pati le Eteleno o kau tau.

Mateo 21:19

Ti na tio loa a ia ki se fiki i le ala, ti na fakafeofi loa a ia ki ai ; kae na maua loa e ia ni lau ata, ti na pati loa a ia ki le fiki : Ke aua na toe tupu loa se fua iate koe ! Ti na malo loa le fiki i le temi fai lena.

Sakopo 1:11

E fanake le laa mo lona vevela lasi, o fakagini le vao, ti na vilo lona se, ti na puli ai lona fulumalie. E tatau foki mo le tagata mou koloa, e puli loa a ia i loto malie o ana gaoi fuli.