Selemia 8:12 - Tosi Tapu

¹² Pe lotou luma loa, talie e lotou fai ni nea fakalialia ? E leaise lotou kukula fua, e leaise lotou iloa fua le luma. Koia leia e lotou vivilo loa mo latou ala e vivilo, E lotou sisiga loa i le aso leia e kau tautea ai loa latou, E pati le Eteleno.

Selemia 8:12 ပူးပေါင်းရင်းမြစ်များ

Senesi 19:34

I leia ake a aso, na pati loa le uluaki ki le muli : Ko leinei na kau momoe mo lota tamana i le po kua sili ; ke ta toe fakainu se vino kiate ia i le po leinei, ti ke ano loa a koe o momoe mo ia, o tupu ke maua se sakoga ki lota tamana.

Pesalemo 52:1

Ki le pule o le kau sua. Katiko a Tavite.

Pesalemo 52:7

Koia e maumaui ai loa a koe e le Atua o lee gato, E too loa e ia a koe, ti e ave loa e ia a koe i lou falela ; E taaki loa e ia a koe i le kele o le kau mauli. - Manava.

Esaia 24:2

Ti kua fai fakatatau ki le tagata faisakilifisio mo le tagata noa, Ki le pule mo le tagata fakasausau, Ki le fafine aliki mo le fafine fakasausau, Ki leia e fakatau ia mo leia e totogi ia, Ki leia e soli maua mo leia e too maua.

Esaia 3:9

E fakamaoki olatou mata kia latou, Ti e lotou fakasa fakalauatea alatou agasala ofaipe Sotoma. Malaia ki olatou laumalie ! Talie e lotou teuteu le malaia kia latou totonu.

Selemia 10:15

Ko ni nea mamate latou, ko se gaoiaga kaka ; E lotou maumau loa, mo ka au loa le tautea.

Selemia 14:15

Koia e pati ai le Eteleno Ki polofeta ala e faikikite i loku suafa, Kae na leaise kau kakau latou, Ala e pati : E leaise soko loa i le fenua nei se seleta mo se oge : E mamate loa le kau polofeta lena i le seleta mo le oge.

Selemia 23:12

Koia e liliu ai loa lolatou ala o sekeseke mo fakapouli, E tule loa latou, ti e lotou sisiga loa. Talie e kau aumai loa kia latou le malaia, I le fetuu leia e kau tautea ai loa latou, e pati le Eteleno.

Selemia 3:3

Koia na taofi ai a ua ke aua na to, Ti na leaise maua ai se ua i le temi fakatutupu o laakau ; Kae na leaise gato lau faiaga, Ti na leaise ke luma.

Selemia 44:10

Na leaise lotou fakasemala o kaku mai ki le aso nei, ti na leaise lotou maua se i, ti na leaise lotou mulimuli ki laku lao mo aku fakatotonu ala na kau tuku kia koutou mo okoutou tamana.

Selemia 6:15

Pe lotou luma loa, talie e lotou fai ni nea fakalialia ? E leaise lotou kukula fua, e leaise lotou iloa le luma ; Koia e lotou vivilo fakatasi loa mo latou ala e vivilo, E lotou sisiga loa i le aso leia e kau tautea ai loa latou, E pati le Eteleno.

Selemia 6:21

Koia e folafola ai le Eteleno, o pati : Ko leinei, e kau tuku loa ki mua o le kakai leinei ni fatu fakatupu siga, Ala e tegea fakatasi loa i ai le tamana mo le vosa, Le oloi mo kaukau nea, ti e lotou mamate loa.

Esekiele 23:18

Na fakasa e ia i ai lana faiaga, Na fakasa e ia ki tafa lona telefua ; Koia na maliu ai loku loto iate ia ofaipe le maliu o loku loto i lona taina.

Oseo 5:9

E maumaui katoa loa Efalaimi i le aso o le tautea ; E kau fakasa ki faasiga o Iselaele se nea maoki.

Sofoni 3:5

Kae e faitotonu le Eteleno i loto malie o ia, E leaise fai e ia se nea e veli ; I usu fuli e fakasa e ia ki le malama ana fakamaauaga, Ti e leaise toe faisala a ia i le nea lena ; Kae ko leia e agaveli e leaise iloa ia le luma.

Tetelonome 32:35

A aku le lagavaka mo le totogi, I le aso leia e seke ai loa olatou vae ! Talie kua ofi fua le aso o lolatou malaia, Ti e leaise toe tuvai loa le nea leia e talitali kia latou !

Filipe 3:19

Ko lolatou fakaoki ko le pulinoa ; e lotou atua ki olatou manava, ti e lotou fakakololia latou i le nea leia e tonu ke lotou luma ai, talie lotou manatu fai ki nea o le malama nei.