Selemia 7:4 - Tosi Tapu

⁴ Aua na kotou fanaki ki ni amanaki kaka, o pati : Ko leinei le fale tapu o le Eteleno, le fale tapu o le Eteleno, Le fale tapu o le Eteleno !

Selemia 7:4 ပူးပေါင်းရင်းမြစ်များ

Uluaki tosi o Sau 9:7

e kau tuuti loa Iselaele mei le fenua leia na kau soli kiate ia, e kau tiaki loa ke mamao meiate au le fale leia na kau fakatapui ki loku suafa, ti e liliu loa Iselaele ko se nea fakagologolo mo fakakatai a puleaga fuli.

Esaia 48:2

Talie e lotou igoa ki le kolo maokioki, Ti e lotou fanaki ki le Atua o Iselaele, Leia ko lona igoa ko le Atua o kau tau.

Esaia 59:4

E leaise fai e se tasi se tagi i le maoki, E leaise fai e se tasi se fakamaau i le faitotonu ; E lotou fanaki ki nea noa, ti e lotou lau ni nea salasala ; E lotou fakakaukaui le veli, ti e lotou fanaui le agasala.

Esaia 66:1

Ko leinei le folafola a le Eteleno : Ko le lagi ko loku ekeekeaga fakasau, Ti ko le malama nei ko loku tekitekiaga vae. Ko le fale fea leia e feala ke kotou fakatuu mai loa kiate au, Ti ko le potu fea leia e kotou soli mai loa ke kau malolo ai ?

Selemia 28:15

Ti na pati loa Selemia, le polofeta, ki le polofeta ko Anania : Fakalogo mai, Anania ! Na leaise kakau mai a koe e le Eteleno, kae kua ke tuku ki le kakai leinei se fanaki sala.

Selemia 29:23

Ti e soko loa le nea lena, o tupu kua la fai se nea fakalialia i Iselaele, o la tono mo avaga o ola oloi, ti mo la fakasa ni loi i loku suafa, kae na leaise kau tuku fua kia laua se fakatotonu. E kau iloa a nea ana, ti e kau fakamaoki ki ai, e pati le Eteleno.

Selemia 29:31

Kakau o fakasa ki kau popula fuli : E folafola le Eteleno, o pati kia Semaesa, le tagata Neselami : O tupu kua kikite Semaesa kia koutou kae na leaise kau kakau a ia, ti kua tuku e ia kia koutou se fanaki sala,

Selemia 6:14

E lotou faitoo fakakaka le lavea o le taine o loku kakai ; E lotou pati : Tokamalie ! tokamalie ! Kae e leai se tokamalie ;

Selemia 7:14

E kau fai loa le nea leia na kau fai ki Silo, Ki le fale leia na fetapa ai ki loku suafa, Ki le fale leia na kotou tuku ki ai lakoutou fanaki, Ki le ganea leia na kau tuku kia koutou mo okoutou tamana ;

Esekiele 13:19

E kotou fakanoai au i mua o loku kakai, Ki ni ga lukuga falina mo ni ga potu pane, O kotou tamate ni laumalie ala e leaise tonu ke mate, Kae kotou fakamauli ni laumalie ala e leaise tonu ke mauli, O kotou kakaai ai loku kakai, leia e fakalogo ki le loi.

Mikea 3:11

E fakamaau ona pule ki ni nea alofa, Ona tagata faisakilifisio ki se totogi, Ti e kikite ona polofeta ki se paaga ; Ti e lotou toa i le fanaki ki le Eteleno, o pati : Pe leaise nofo le Eteleno i loto malie o tatou ? E leaise kaku mai loa le malaia kia tatou.

Sofoni 3:11

I le aso lena, e leaise ke toe luma loa ki au gaoi fuli Ala na ke agasala ai kiate au ; Talie e kau too loa i loto malie o ou latou ala na malo i le fia nealasi, Ti e leaise ke toe fia nealasi loa i loku mauga maokioki.

Luka 3:8

Kotou fakatupu mua ni fua ala e gali mo le fakasemala, kae aua na kotou pati i okoutou loto : E motou tamana kia Apalaamo ! Talie e kau fakasa kia koutou e mafai noa le fakatupu e le Atua mei fatu anei ni fanau kia Apalaamo.