Selemia 7:34 - Tosi Tapu

³⁴ E kau fakagato loa i kolo o Suta ti mo ala o Selusalemi A kalaga fakafiafia, mo kalaga nekenekea, A sua a le tama feauaki ti mo sua a le taine feauaki ; Talie e liliu loa le fenua ko se toafa.

Selemia 7:34 ပူးပေါင်းရင်းမြစ်များ

Sopo 3:7

Io, ke paa le po lena, Ti ke aua na toe logo i ai se kalaga fakafiafia !

Pesalemo 78:63

Na kai loa e le afi ona tagata muli, Ti na leaise avaga loa ona taupoou.

Esaia 1:7

Kua maumaui lokoutou fenua, Kua tutu okoutou kolo e le afi, Ko ni kakai kese ala kua kai ia a koloa o lokoutou fenua i okoutou mata, E lotou kaia a ia mo maumaui, ofaipe ni kau kaikivao.

Esaia 3:26

E fetagisi loa a matapa o Sione ti e lotou mamae loa ; Ti e tonatona telefua loa Sione i le kele.

Esaia 6:11

Na kau pati : E kaku loa kiafea Aliki ? Ti na tali loa a ia : E kaku loa ki le maumaui o kolo Ti mo lolatou tuku ke lavaki ; E kaku ki le aso leia e leaise toe maua ai loa se tagata i fale, Ti e maumaui ai loa le fenua e le lavaki ;

Selemia 16:9

Talie e folafola le Eteleno o kau tau, le Atua o Iselaele, o pati : Ko leinei, e kau fakagato loa i le ganea leinei, i okoutou mua, i okoutou aso, A kalaga fakafiafia mo kalaga nekenekea, A sua a le tama feauaki mo sua a le taine feauaki.

Selemia 22:6

Talie e folafola le Eteleno ki le fale o le sau o Suta, o pati : E ke fai kiate au pe Kalaate, pe le tumutumu o le mauga o Lipane ; Kae e maoki e kau fakaliliu loa a koe ko se toafa, Ko se kolo sala kakai.

Selemia 25:10

E kau fakagato loa ia latou a kalaga fakafiafia mo kalaga nekenekea, a sua a le tama feauaki mo sua a le taine feauaki, le logoa o le fatu fakamalu fulumeto mo le ula o le malama.

Selemia 27:17

Aua na kotou fakalogo kia latou ; kotou fakalogo ki le sau o Papilone, ti e kotou mauli loa. Kolea e liliu ai loa le kolo leinei ko se kolo maumau ?

Selemia 33:10

Koia e folafola ai le Eteleno, o pati : E toe logo loa i le ganea leinei Leia e kotou pati ki ai : E toafa a ia, sala tagata mo sala manu ; E toe logo loa i kolo o Suta ti mo ala o Selusalemi, Ala kua maumau, mo sala tagata, mo sala kakai, ti mo sala manu,

Selemia 33:11

Ki kalaga fakafiafia mo kalaga nekenekea, Ki sua a le tama feauaki ti mo sua a le taine feauaki, Ki le leo o latou ala e pati : Kotou fakafetai ki le Eteleno o kau tau, Talie e agamalie le Eteleno, talie e lee gato lona manava alofa ! Ki le leo o latou ala e momoli ia ni sakilifisio fakafetai I le fale o le Eteleno. Talie e kau toe aumai loa le kau popula o le fenua, E kau toe fakanofo loa latou ofaipe le temi mua, E pati le Eteleno.

Selemia 4:26

E kau tio, ti ko leinei, kua toafa le Kalemelo ; Ti kua maumaui ona kolo fuli, i mua o le Eteleno, I mua o lona sausau kaka.

Selemia 4:27

Talie e folafola le Eteleno, o pati : E maumaui loa le fenua katoa ; Kae e leaise kau fai loa se maumau katoa.

Selemia 44:6

Ti na kau liligi loa loku sausau mo loku mafaia, ti na tutu loa a kolo o Suta, mo ala o Selusalemi, ala kua liliu ko ni kolo maumau ata ti ko se toafa, ofaipe le nea e tio ki ai i le aso nei.

Tagi laulau a Selemia 5:14

E leaise koi ano le kau matua ki le matapa, E leaise koi sua le kau tagata tupulaga.

Esekiele 26:13

E kau fakagatogato loa le logoa o au sua, ti e leaise toe logo loa ki le musika o au alepe.

Esekiele 7:11

Kua tupu le agamakeke, ke liliu ko le tokotoko a le agaveli : E leaise toe loa se nea ia latou, i lolatou kakai logoa, i lolatou kakai toka api ! E leaise tagi loa kia latou !

Oseo 2:11

Koia e kau toe too ai loa laku fulumeto i lona temi ti mo laku vino i lona lakaga, ti e kau too loa laku fului manu mo le kie leia na tonu ke fufu ia lona telefua.

Oseo 2:13

E kau fakagato loa lona fiafia katoa, mo ona aso lalasi, mo ona masina foou, mo ona sapato, ti mo ona katoaga fakaalialiki fuli.

Levitiko 26:33

E kau lagai loa se tau kia koutou ti e kau fakamavetevete loa koutou i atu puleaga : e maumaui loa lokoutou fenua, ti e lavaki loa okoutou kolo.

Mikea 7:13

E maumaui loa le fenua o tupu ko ona kakai, O tupu ko fua o alatou gaoi.

Apokalipisi 18:23

E leaise toe sa loa iate koe le ula o le malama, ti e leaise toe logo loa iate koe ki le leo o le tagata avaga mo le fafine avaga ; talie ko lau kau fai koloa ko le kau makeke a ia o le malama nei, ti na ke kakai a puleaga fuli ki au nea fakatemonio,