Selemia 7:31 - Tosi Tapu

³¹ Na lotou fakatuu ni ganea taualuga i Tofete, i le vaivailiua o Pene-Inome, ke tutu ai i le afi olatou vosa mo olatou taineliki : Nea leia na leaise kau fakatotonu fua ke fai, Nea leia na leaise au fua ki laku fakakaukau.

Selemia 7:31 ပူးပေါင်းရင်းမြစ်များ

Lua tosi o Sau 17:17

Na lotou momoli loa i le afi olatou vosa mo olatou taineliki, ti na lotou fai loa a nea fakakikite mo nea fakatemonio, ti na lotou fakatau loa latou ke fai le nea leia e veli ki mata o le Eteleno, o tupu ke ita ai.

Lua tosi o Sau 23:10

Na fakakelekele loa e le sau a Tofete i le vaivailiua o vosa o Inome, o tupu ke aua na toe momoli e se tasi lona vosa pe ko lona taine i le afi kia Moloke.

Lua tosi o Sau 23:20

Na tutu loa e ia i aluga o aletale a kau pelepitelo fuli o ganea taualuga, ala na nonofo i ai, ti na tutu loa e ia a ivii tagata i ai. Ti na toe liliu loa Sosiasi ki Selusalemi.

Lua tosi o Koloniko 28:3

ti na tutu loa e ia ni kaloni i le vaivailiua o vosa o Inome, ti na momoli loa e ia ona vosa i le afi o fakatatau ki tausi fakalialia a puleaga ala na kapu e le Eteleno i mua o fanau a Iselaele.

Lua tosi o Koloniko 33:6

Na momoli loa e ia ona vosa i le afi, i le vaivailiua o vosa o Inome ; na tioi loa e ia a ao mo gata ke iloa ai le nea e tonu ke fai ; na fai nea fakatemonio loa a ia, na fakanofo loa e ia ni kakai ala na felogoi mo le kau mate ti na kikite e ia le temi ka au. Na toe asilisili fai loa e ia a nea ala e veveli ki mata o le Eteleno, ke tupu ai le sausau a le Eteleno.

Esaia 30:33

Talie kua teuteui se mata afi talu mei fualoa ; Kua teuteui a ia ki le sau, kua fai a ia ke loloto mo lau lasi ; Kua fakatuuga i ai se fafie lasi mo se afi ; E tutu loa a ia e le tukumanava a le Eteleno, ofaipe se vaitafe sulifa.

Esaia 57:5

Ala e faiaga i tafa o ni laakau lalasi, I lalo o laakau sesega fuli, Ala e tamate ia ni toe i vaivailiua, I lalo o mafaa o utu ?

Selemia 19:2

Ano ki le vaivailiua o Pene-Inome, leia e tuu i le uluaga o le matapa o ipu kele ; ti e ke fakasa loa a folafola ala e kau tuku atu loa kiate koe i le ganea lena.

Selemia 2:23

E feaki loa lau pati : Na leaise kau fakakelekele, Na leaise kau ano ki Paale ? Tio ki ou lakaaga i le vaivailiua, Fakamaoki ki le nea leia na ke fai, Kamelo vae gasolo mo vae mafi i le eva.

Selemia 32:34

Kae na lotou fakatuu olatou fakatata fakalialia I le fale leia e fetapa ai ki loku suafa, O tupu ke fakakelekele a ia.

Selemia 32:35

Na lotou fakatuu ni ganea taualuga ki Paale, i le vaivailiua o Pene-Inome, Ke momoli ai i le afi olatou vosa mo olatou taineliki kia Moloke, Nea leia na leaise kau fakatotonu ke fai ; Ti na leaise ake i laku fakakaukau E lotou fai loa ni nea fakalialia felaaki, Ke tupu ai le agasala o Suta.

Esekiele 16:20

Na ke too loa ou vosa mo ou taineliki, ala na ke fanaui kiate au, ti na ke sakilifisioi loa latou kia latou ko lalatou nea kai : Pe na leaise feauga i au faiaga ?

Esekiele 20:26

Na kau fakakelekele loa latou ki alatou failaulau, i lalatou tuku olatou uluaki fuli ke fakalaka i le afi ; na kau loto loa i ai ke fakatuaa latou, o tupu ke lotou iloa ko au ko le Eteleno.

Esekiele 20:31

I lakoutou fai akoutou moliga, i lakoutou tuku ke fakalaka akoutou fanau i le afi, e kotou toe fakakelekele foki koutou i le aso nei ki okoutou taulaatua fuli. Ti ko au, pe kau tuku loa ke koutou afa au, e koutou, fale o Iselaele ? E pati le Aliki, le Eteleno : E kau mauli ! e leaise kau tuku loa ke kotou afa au.

Levitiko 18:21

Aua na ke tuku loa ke momoli i le afi se tasi o au fanau kia Moloke, ti aua na lau veli loa ki le suafa o lou Atua : ko Au ko le Eteleno.

Mikea 6:7

Pe tali loa e le Eteleno ni ovi tagata e afe mo afe, Mo ni vaitafe lolo e miliate mo miliate ? Pe kau soli loa loku vosa uluaki ki aku agatuu ? Le fua o loku manava ki le agasala o loku laumalie ?

Tetelonome 12:31

Ke aua na ke fai fenaaki ki le Eteleno, lou Atua ; talie na lotou tausi ki olatou atua o fai a nea fakalialia fuli ala e vesia ki ai le Eteleno, ti na lotou tutu foki i le afi ki olatou atua, olatou vosa mo olatou taineliki.

Tetelonome 17:3

talie na ano loa a ia, o tausi ki ni iki ake atua kese ti mo atolasio kia latou, pe ko le laa, pe ko le masina, pe ko le fuatau katoa o le lagi. E leaise ko le nea lena na kau fakatotonu.

Tetelonome 18:10

Ke aua na maua iate koe se tasi leia e fakalaka ia lona vosa pe ko lona taine i le afi, se tasi leia e fai kikite, se tasi leia e fai nea fakaofolele loi, se tasi leia e fai nea fakatemonio,

Sosue 15:8

Na pale loa a ia i lena i le vaivailiua o Pene-Inome, i le fetuu saute o Sepusi, leia ko Selusalemi, ti na ano loa a ia o kaku ki le tumutumu o le mauga leia e tuu i mua o le vaivailiua o Pene-Inome i le uesite, ti mo le potupotu o le vaivailiua o le kau Lefaimi i le noleto.