Selemia 7:29 - Tosi Tapu

²⁹ Koti lou lau ulu, ti ke ti a ia ki mamao ; Ke ke pale ki potu taualuga, o fai se tagi laulau ! Talie kua tiaki e le Eteleno Ti kua tulei kese e ia le tautupu leia na fakatupu ia lona sausau.

Selemia 7:29 ပူးပေါင်းရင်းမြစ်များ

Lua tosi o Sau 17:20

Na tiaki loa e le Eteleno le lanu katoa o Iselaele ; ti na fakamamae e ia latou, ti na tuku e ia latou ki lima o le kau maumau, ti na fakaoki loa e ia ki le kapu o latou ke mamao mei ona mua.

Sopo 1:20

Ti na tuu loa a Sopo ki aluga, o sae lona taupulupulu, mo tele lona ulu ; ti na fakamapee loa a ia ki le kele, ti na su loa a ia,

Esaia 22:12

I le aso nei e kalaga atu kia koutou le Aliki, le Eteleno o kau tau, Ke kotou fetagisi mo pa okoutou fatafata, Ke kotou tele okoutou ulu ti mo tui le taga.

Selemia 12:7

Na kau tiaki loku fale, Na kau tiaki loku tofiga ; Na kau tuku le nea leia na alofa ki ai loku loto ki lima o ona fili.

Selemia 14:19

Pe kua ke tiaki loa a Suta ? Pe kua fakalialia lou laumalie ki Sione ? Kolea kua ke taai ai matou, kae e leaise fakamauli matou ? Na motou amanaki malie ki le tokamalie, kae e leaise soko se nea e malie, Ki se aso o le fakamauli, kae ko leinei ko le mamae fakaii !

Selemia 16:6

E mamate loa a kakai lalasi mo toe liliki i le fenua leinei ; E leaise tanu loa latou ; E leaise tagi loa kia latou, E leaise toe vaku loa a mata pe tele loa a ulu kia latou.

Selemia 3:2

Siki ou mata ki ganea taualuga, O tio ki ganea fuli ala na ke faiaga ai ! Na ke talitali i ala, ofaipe le tagata Alape i le toafa, Ti na ke fakakelekele le fenua ki au faiaga mo lou agaveli.

Selemia 3:21

E logo ki se leo i potu taualuga : Ko tagi mo lauga a fanau o Iselaele ; Talie kua lotou sese, Kua lotou galoi le Eteleno, lolatou Atua.

Selemia 47:5

Kua tula le ulu o Kasa, Kua fakalologo Asekaloni, ti mo le toega o lona toafa. E kaku loa kiafea lau vaku lou tino ?

Selemia 48:37

Talie kua tele a ulu fuli, Kua tuuti a kaukava fuli, Kua matafatafa a lima fuli, Ti kua sulu ni taga ki vakavaka fuli.

Selemia 6:30

E fakaigoa latou ko se siliva veli, Talie kua tiaki latou e le Eteleno.

Selemia 9:10

E kau fia tagi mo tagi laulau o tupu ko atu mauga, E kau fia tagi laulau o tupu ko nofoaga o le toafa ; Talie kua vela, ti e leaise koi fakalaka se tasi i ai, E leaise koi logo i ai ki le tagi o kau manu ; Kua sosola a manu lele o le lagi mo manu o le vao, kua lotou pupuli.

Selemia 9:16

E kau fakamavetevete loa latou i ni atu puleaga, Ala na leaise lotou iloa, e latou ti mo olatou tamana, Ti e kau kakau loa le seleta i olatou muli O kaku ki laku maumaui latou fuli.

Tagi laulau a Selemia 5:22

Pe kua ke tiaki oki loa matou, Pe kua ke ita loa kia matou o tukupau ?

Esekiele 19:1

Ti ko koe, fatu se lau mamae ki pule o Iselaele,

Esekiele 28:12

Vosa o le tagata, Fai se tagi laulau ki le sau o Tile ! E ke pati loa kiate ia : E folafola le Aliki, le Eteleno, o pati : Na ke liliu ko se paaki totonu o le malie tukupau, Na ke apele i le poto, na ke malie tukupau i le fulumalie.

Amosi 5:1

Kotou fakalogo mai ki le folafola leinei, Ki le tagi laulau leinei e kau sua kia koutou, Fale o Iselaele !

Mikea 1:16

Kakai o Selusalemi, tele okoutou gutu, koti okoutou ulu, O tupu ko au fanau alofaina ! Tele okoutou ulu ofaipe le akuila, Talie kua lotou ano popula o mamao meia koutou !

Mateo 12:39

Na tali loa a ia kia latou : E kole se milakulo e se tautupu agaveli mo fai feauaki ; e leaise toe tuku loa ki ai se tasi ake milakulo i leia o le polofeta ko Sonasi.

Mateo 16:4

E kole e se tautupu agaveli mo fai feauaki se milakulo ; e leaise toe tuku loa kiate ia se tasi ake milakulo i leia o Sonasi. Ti na tuku loa e ia latou, kae ano loa a ia.

Mateo 23:36

E kau pati maoki atu kia koutou, e vilo loa a nea fuli ana ki le tautupu leinei.

Mateo 3:7

Kae, i lana tio ki le au o ni faliseo mo ni Satuseo toka api ki lana papitema, na pati loa a ia kia latou : Lanu o gata velo, ko ai leia na ako atu ia kia koutou ke sola i le sausau leia ka vilo mai ?

Gaoi 2:40

Ti ki ni iki ake folafola mauke ai, na fakalotoi mo fakamakeke e ia latou, o pati : Kotou sosola mei le tautupu agaveli leinei.

Tetelonome 32:5

Kapau kua kotou agasala, e leaise tuku loa kiate ia le sala ; Ko le luma ki ana fanau, Lanu kaka mo aga fakalialia.