Selemia 7:26 - Tosi Tapu

²⁶ Kae na leaise lotou fakalogo mai kiate au, Na leaise fakatokaga mai olatou taliga ; Na lotou fakafefeka olatou ua, Na lotou fai le veli o fakalaka ake i olatou tamana.

Selemia 7:26 ပူးပေါင်းရင်းမြစ်များ

Uluaki tosi o Sau 14:22

Na fai loa e Suta le nea leia e veli ki mata o le Eteleno ; ti na lotou fakatupu loa le finenonofo o le Eteleno ki agasala ala na lotou fai loa, o lasi ake i olatou tamana.

Uluaki tosi o Sau 14:9

Kua lasi ake le veli leia kua ke fai ia latou ala na muamua iate koe, kua ke ano o fai kiate koe ni iki ake atua mo ni fakatata ki le ukamea na saka, ke fakatupu ai loku ita, ti kua ke tiaki au ki lou tua !

Lua tosi o Sau 17:14

Kae na leaise lotou fakalogo fua, ti na lotou fakafefeka loa olatou ua ofaipe olatou tamana, ala na leaise tui ki le Eteleno, lolatou Atua.

Lua tosi o Sau 17:15

Na lotou tiaki loa ana lao, mo le sai leia na fai e ia mo olatou tamana, ti mo valoki ala na fai e ia kia latou. Na lotou ano loa i muli o ni nea noa ti na lotou liliu loa ko ni nea noa, ti mo muli o atu puleaga ala na nonofo i olatou tafatafa, ala na tapui e le Eteleno kia latou ke fakatatau ki ai.

Lua tosi o Koloniko 30:8

Aua na kotou ua fefeka, ofaipe okoutou tamana ; kae kotou soli okoutou lima ki le Eteleno, kotou au ki lona sagatualio leia na fakatapui e ia o lee gato, ti kotou tausi ki le Eteleno, lokoutou Atua, o tupu ke maliu kese lona sausau lasi meia koutou.

Lua tosi o Koloniko 33:10

Na folafola loa le Eteleno kia Manase mo lona kakai, kae na leaise lotou tokaga loa.

Lua tosi o Koloniko 33:23

ti na leaise fakasemala fua a ia i mua o le Eteleno ofaipe le fakasemala a Manase, lona tamana, talie na toe asilisili ake lana agasala.

Neemia 9:29

Na ke kolekole loa ke lotou toe liliu mai ki lau lao ; kae na lotou soko atu lolatou fia nealasi, na leaise lotou fakalogo loa ki au folafola, kae na lotou agasala loa ki au fakatotonu ala e fakamauli ia latou ala e taupau ia latou, ti na lotou agatuu loa, ti na leaise lotou fia fakalogo ki lau pule, kae na lotou fakafefeka olatou ua ti na leaise lotou fakalogo loa.

Taagapati 29:1

Ko se tagata leia kua tua lasi lona valoki, kae e fakafefeka lona ua, E fatii fakapunamauli loa a ia, ti e leaise toe maua loa sona faitoo.

Esaia 48:4

Kae na kau iloa ko koe ko se kakai loto fefeka, Ti ko lou ua ko se potu ukamea, Ti ko lou lae ko se potu sila,

Esaia 5:4

Kolea mo se nea ke fai ki laku vite, leia na leikiaise kau fai ki ai ? Kolea na kau amanaki malie ai ki se fua malie, ti na fua veli a ia ?

Selemia 11:8

Kae na leaise lotou fakalogo, Na leaise tokaga olatou taliga, Na lotou tasi mulimuli ki oli o lolatou loto veli ; Koia na kau fakasoko ai kia latou a kupu fuli o le sai leinei, Leia na kau fakatotonu ke lotou tausi, ti na leaise lotou tausi.

Selemia 16:12

Ti ko koutou, na kotou fai le veli o lasi ake i okoutou tamana ; Ti ko leinei, e tasi mulimuli le tagata ki oli o lona loto veli, Ke aua na fakalogo mai kiate au.

Selemia 17:23

Na leaise lotou fakalogo, na leaise tokaga olatou taliga ; Na lotou fakafefeka olatou ua, Ke aua na fakalogo mo tali le akonaki.

Selemia 19:15

E folafola le Eteleno o kau tau, le Atua o Iselaele, o pati : E kau aumai loa ki le kolo leinei mo kolo fuli ala e fakalogo ki ai, a malaia fuli ala na kau fakasa fakatomua, o tupu kua lotou fakafefeka olatou ua ke aua na lotou logo ki aku folafola.

Selemia 22:21

Na kau masau kiate koe i le temi o lou manuia ; Kae na ke pati : E leaise kau fakalogo loa. Na ke fai fenaaki talu mei lou ikiiki ; Na leaise ke fakalogo ki loku leo.

Selemia 25:3

Talu mei le fetuu kau agafulu tupu tolu o Sosiasi, sau o Suta, vosa o Amone, o kaku mai ki le aso nei, kua fetuu kau lua tupu tolu talu mei le tuku mai e le Eteleno lana folafola kiate au. Na kau masau kia koutou, ti na kau masau kia koutou koi usu, kae na leaise kotou fakalogo.

Selemia 25:7

Kae na leaise kotou fakalogo mai kiate au, e pati le Eteleno, ke fakatupu ai loku sausau ki le gaoiaga o okoutou lima, ki lokoutou malaia.

Selemia 26:5

Ke fakalogo ki folafola a aku tagata fakasausau, le kau polofeta, ala na kau kakau atu kia koutou, ala na kau kakau atu kia koutou koi usu ti na leaise kotou fakalogo kia latou,

Selemia 29:19

O tupu na leaise lotou fakalogo ki aku folafola, e pati le Eteleno, latou ala na kau kakau ki ai aku tagata fakasausau, le kau polofeta, ala na kau kakau latou ki ai koi usu ; kae na leaise lotou fakalogo, e pati le Eteleno.

Selemia 3:13

Ke ke vevete fua lau agasala, Ke ke vevete na ke agatuu ki le Eteleno, lou Atua, Na ke mulimuli i atua matapule, I lalo o laakau lalasi fuli, Ti na leaise ke fakalogo ki loku leo, e pati le Eteleno.

Selemia 32:23

Na lotou au, ti na lotou maua a ia. Kae na leaise lotou fakalogo ki lou leo, Na leaise lotou taupau lau lao, Na leaise lotou fai a nea fuli ala na ke fakatotonu kia latou ke fai. Koia na ke fakasoko ai kia latou a malaia fuli anei !

Selemia 34:14

Ka oki ni fetuu e fitu, e tasi fakalauatea loa e le tagata lona taina Epeleo leia na popula kiate koe ; e fakasausau a ia kiate koe i fetuu e ono, ti e ke fakalauatea loa a ia ke mavae mei lou fale. Kae na leaise fakalogo okoutou tamana, na leaise tokaga olatou taliga.

Selemia 35:15

Na kau kakau atu kia koutou aku tagata fakasausau fuli, le kau polofeta, na kau kakau atu latou koi usu, o pati kia koutou : Kotou tasi toe liliu mai mei lona ala veli, kotou fai akoutou gaoi ke malilie, aua na kotou ano o tausi ki ni iki ake atua kese, o tupu ke kotou nonofo loa i le fenua leia kua kau soli kia koutou mo okoutou tamana. Kae na leaise tokaga mai okoutou taliga, ti na leaise kotou fakalogo mai kiate au.

Selemia 35:17

Koia e folafola le Eteleno, le Atua o kau tau, le Atua o Iselaele, o pati : Ko leinei, e kau kakau mai loa ki Suta mo le kakai katoa o Selusalemi a malaia fuli ala kua kau fakasa kia latou, talie kua kau masau kia latou kae na leaise lotou fakalogo, ti kua kau kalaga kia latou kae na leaise lotou tali.

Selemia 44:16

E leaise motou fakalogo loa ki se nea i nea ala kua ke fakasa mai kia matou i le suafa o le Eteleno.

Selemia 5:3

Eteleno, pe leaise tio ou mata ki le maoki ? E ke taai latou, kae e leaise lotou logoi fua se mamae ; E ke tutu latou ke okioki, kae e leaise lotou tokaga fua ki se akonaki : E lotou asili fakafefeka ake olotou mata i le fatu ; E leaise lotou fia tafoki kiate koe.

Selemia 6:10

Ko ai leia e tonu ke kau masau ki ai, ti ko ai leia e tonu ke too ko se tagata fakamaoki ke lotou fakalogo mai ai kiate au ? Ko leinei, kua tulituli lolatou taliga, Ti e leaise mafai fua ke lotou tokaga ; Ko leinei, e fai le folafola a le Eteleno kia latou pe se lumaaga, E leaise lotou maua i ai se fiafia fua e tasi.

Selemia 6:17

Na kau tuku ki okoutou tafa ni tagata leo : Kotou tokaga ki le tagi o le fakatagi pupusi ! Kae e lotou tali : E leaise motou tokaga loa ki ai.

Selemia 7:24

Kae na leaise lotou fakalogo, Na leaise lotou fakatokaga fua olatou taliga ; Na lotou mulimuli ki tokoi mo oli o lolatou loto veli, Ti na lotou liliu ki muli kae na leaise lotou ano ki mua.

Selemia 9:13

E pati le Eteleno : E tupu na lotou tiaki laku lao, Leia na kau tuku ki olatou mua. E tupu na leaise lotou fakalogo ki loku leo, ti Na leaise lotou mulimuli ki ai.

Esekiele 12:2

Vosa o le tagata, e ke nofo i loto malie o se famili o ni kau agatuu, ala e maua ia ni fa mata ke tio kae e leaise lotou tio fuai, ni taliga ke logo kae e leaise lotou logo fuai ; talie ko se famili o ni kau agatuu.

Esekiele 12:3

Ti ko koe, vosa o le tagata, sapena ou nea ki le fanoga, ti ke ano i le ao, i olatou mua ! Ke ke ano kae lotou tio ki ai, i le ganea leia e ke nofo ai ki se tasi ake ganea kese : na saga e lotou matala loa i ai ko se famili latou o ni kau agatuu.

Esekiele 20:30

Koia, pati ki le fale o Iselaele : E folafola le Aliki, le Eteleno, o pati : Pe leaise kotou fakakelekele koutou ofaipe okoutou tamana, pe leaise kotou faiaga ki alatou nea fakalialia ?

Taniela 9:6

Na leaise motou fakalogo ki au tagata fakasausau, le kau polofeta, ala na masau i lou suafa ki omatou sau, mo omatou pule, mo omatou tamana, ti mo le kakai katoa o le fenua.

Oseo 11:7

E pipiki loku kakai ke fakamamao iate au ; E toe fakamanatu kia latou le Taualuga, Kae e leaise tasi fua ia latou e fakavikiviki kiate ia.

Sakalia 7:11

Kae na lotou patigataa o leaise lotou fakalogo, ti na lotou titua o tapono olatou taliga ke aua na lotou logo.

Malakia 3:7

Talu mei le temi o okoutou tamana, na kotou mavae i aku fakatotonu, Na leaise kotou tausi latou. Kotou toe liliu mai kiate au, ti e kau toe liliu mai loa kia koutou, E pati le Eteleno o kau tau. Kae kotou pati : Kolea le nea leia e tonu ke motou toe liliu mai ai ?

Mateo 21:38

Kae i le tio a le kau tagata faivite ki le vosa, na lotou pati loa : Ko leinei le vosa leia e tonu ke maua ia le tofiga ; kotou au, tou tamate a ia, kae tou maua loa lona tofiga.

Mateo 23:32

Koia e kotou fakaapele ai le ipu o okoutou tamana.

Gaoi 7:51

Tagata ulu fefeka, mo lee silikosisio i le loto mo le taliga ! E kotou fakafesagai tuumau ki le Laumalie Maokioki, koutou ofaipe okoutou tamana.

Loma 2:5

Kae, i lau fakafefeka ti mo lou loto lee fakasemala, e ke tanaki ai kiate koe se koloa o le sausau ki le aso o le sausau ti mo le fakasa o le fakamaau totonu a le Atua,

Tetelonome 8:20

Io, e kotou mamate loa ofaipe puleaga ala na tamate e le Eteleno i okoutou mua, talie na leaise kotou fakalogo ki le leo o le Eteleno, lokoutou Atua.