Selemia 7:22 - Tosi Tapu

²² Talie na leaise kau masau fua mo okoutou tamana ti na leaise kau tuku fua kia latou se fakatotonu e tasi, I le aso leia na kau fakamavae ai latou i le fenua o Esipito, O uiga mo ni failaulau ti mo ni sakilifisio.

Selemia 7:22 ပူးပေါင်းရင်းမြစ်များ

Pesalemo 40:6

Eteleno, loku Atua ! na ke liuliuga Au gaoi fakatalatupua mo au fakatuutuu kia matou. E leaise tasi e tatau mo koe : E kau fia fakasa ti e kau fia fakamatala au gaoi, Kae e lotou lasi ai ke kau fakamatala fuli latou.

Selemia 32:30

Talie ko fanau a Iselaele mo fanau a Suta Na fai ia, talu mei lolatou liliki, le nea leia e veli ki oku mata ; Talie na fakatupu e fanau o Iselaele loku sausau Ki gaoiaga o olatou lima, e pati le Eteleno.

Oseo 6:6

Talie e kau alofa ki le manava alofa kae leai ki sakilifisio, Ti mo le iloa o le Atua o lasi ake i failaulau.

Mateo 9:13

Kotou ano, ti kotou ako le uiga o le nea leinei : E maua loku fiafia i le manavaalofa, kae leai i ni sakilifisio. Talie na leaise kau au o kalagai ni tagata agatonu, kae ni tagata agasala.

Maleko 12:33

ti ko le alofa kiate ia i le loto katoa, mo le atamai katoa, mo le laumalie katoa, mo le makeke katoa, ti mo le alofa ki le oloi ofaipe kiate kita totonu, e lasi ake i failaulau fuli mo sakilifisio fuli.

Tetelonome 17:3

talie na ano loa a ia, o tausi ki ni iki ake atua kese ti mo atolasio kia latou, pe ko le laa, pe ko le masina, pe ko le fuatau katoa o le lagi. E leaise ko le nea lena na kau fakatotonu.

Uluaki tosi a Samuele 15:22

Na pati loa Samuele : Pe maua e le Eteleno se fiafia i failaulau mo sakilifisio, ofaipe lana maua leia i le fakalogo ki le leo o le Eteleno ? Ko leinei, e malie ake le fakalogo i sakilifisio, ti e malie ake le fai o lana folafola i le gako o ovi tagata.