Selemia 7:19 - Tosi Tapu

¹⁹ Pe ko au leia e lotou fakaitaita ? e pati le Eteleno ; Pe leaise ko latou totonu, Ke lotou luma ai ?

Selemia 7:19 ပူးပေါင်းရင်းမြစ်များ

Esetalasi 9:7

Talu mei aso o omatou tamana kua motou agasala lasi o kaku mai ki le aso leinei. Ti ko amatou agasala ala kua tuku ia matou, mo omatou sau, mo omatou tagata faisakilifisio, ki lima o sau matapule, mo le seleta, mo le popula, mo le maumau, ti mo le luma leia kua ufiufi ia omatou mata i le aso nei.

Sopo 35:6

Kapau e ke agasala, kolea lona veli kiate ia ? Ti kapau kua tupu o lasi au patigataa, kolea e ke fai kiate ia ?

Esaia 1:20

Kae kapau e kotou patigataa ti kapau e kotou agatuu, E tafi loa koutou e le seleta, Talie kua folafola le gutu o le Eteleno.

Esaia 1:24

Koia ko leinei le nea e fakasa e le Aliki, le Eteleno o kau tau, Le Makeke o Iselaele : Io, e kau liufaki loa le veli kia latou ala na agatuu kiate au, Ti e kau totogi loa ki oku fili.

Esaia 45:16

Kua lotou luma fuli ti kua lotou fakasemala fuli i le fau o taulaatua. Kua lotou saele tulolo fuli i le luma, Latou fuli ala na fau ia ni taulaatua.

Selemia 15:9

Ko le fafine leia na fanaui ia ni vosa e fitu e gaegae, E tuku e ia lona laumalie ; E to lona laa kae koi ao ; E matagafua a ia, e apele a ia i le luma. Ko latou ala e toe, e kau tuku latou ki le seleta i mua o olatou fili, E pati le Eteleno.

Selemia 2:17

Pe leaise soko le nea lena kiate koe, O tupu ko lau tiaki ia le Eteleno, lou Atua, Leia na taki ia a koe i le ala totonu ?

Selemia 2:19

E tautea loa a koe e lou agaveli, ti e taai loa a koe e lou agatuu. E ke iloa loa ti e ke tio loa ko se nea veli mo kona Le tiaki o le Eteleno, lou Atua, Ti mo le leaise maua se i kiate au, E pati le Aliki, le Eteleno o kau tau.

Selemia 20:11

Kae e nofo le Eteleno mo au ofaipe se tagata toa makeke. Koia leia e tukia ai latou ala e fakaveliveli mai kiate au, ti e leaise lotou malo loa iate au ; E lotou apele loa i le luma talie na leaise soko alatou fakakaukau : Ko se matagafua lee gato lena kia latou, leia e leaise toe galo loa.

Selemia 22:22

E seu loa e le matagi lau kau tausi manu katoa, Ti e ave popula loa latou ala e alofa kiate koe ; Ti e ke luma maoki loa mo matagafua, O tupu ko au agaveli fuli.

Selemia 25:7

Kae na leaise kotou fakalogo mai kiate au, e pati le Eteleno, ke fakatupu ai loku sausau ki le gaoiaga o okoutou lima, ki lokoutou malaia.

Selemia 3:25

Kua tou momoe ai ki lotatou luma Ti kua tou kafu ai ki lotatou veli, Talie na tou agasala ki le Eteleno, lotatou Atua, Tatou mo otatou tamana, talu mei lotatou liliki o kaku mai ki le aso nei, Ti na leaise tou fakalogo ki le leo o le Eteleno, lotatou Atua.

Selemia 44:3

O tupu ko le agaveli leia na lotou fai ke tupu ai loku sausau, o lotou ano o momoli le iseso ti mo tausi ki ni atua kese ala na leaise lotou iloa, e koutou, mo okoutou tamana.

Selemia 8:19

Ko leinei kua logo a tagi o le taine o loku kakai Mei se kele mamao : Pe leaise koi nofo le Eteleno i Sione ? Pe leaise koi nofo lona sau iate ia ? Kolea na lotou fakatupu ai loku sausau ki alatou fakatata laakau, Ki ni taulaatua matapule ?

Selemia 9:19

Talie kua logo mai ni tagi mamae mei Sione : Kolea ! Kua motou maumaui ! Kua motou apele i le luma ! Kua tonu ke motou tiaki le fenua ! Kua maumaui omatou nofoaga !

Esekiele 16:26

Na ke faiaga ki le kau Esipito, tagata tino makeke ala e nonofo i ou tafatafa, ti na ke liuliuga au faiaga ke kau sausaua ai.

Uluaki tosi ki le kau Kolinto 10:22

Pe tou loto ke tou fakatupu ia le finenonofo o le Aliki ? Pe tou makeke ake iate ia ?

Tetelonome 32:16

Na lotou lagai loa lona finenonofo ki ni atua kese, Ti na lotou fakatupu loa lona sausau ki ni nea fakalialia.