Selemia 7:18 - Tosi Tapu

¹⁸ E tae e fanau se fafie, E tafu e tamana le afi, Ti e lusi e fafine le falina, Ke teuteu ai ni kato ki le fafine sau o le lagi, Ti ke fai ai ni sakilifisio nea inu ki ni atua kese, Ke fakatupu ai loku sausau.

Selemia 7:18 ပူးပေါင်းရင်းမြစ်များ

Uluaki tosi o Sau 14:9

Kua lasi ake le veli leia kua ke fai ia latou ala na muamua iate koe, kua ke ano o fai kiate koe ni iki ake atua mo ni fakatata ki le ukamea na saka, ke fakatupu ai loku ita, ti kua ke tiaki au ki lou tua !

Uluaki tosi o Sau 16:2

Na kau siki a koe mei le efu, ti na kau fakanofo a koe ko le pule o loku kakai ko Iselaele ; kae kua ke mulimuli a koe i le ala o Selopoamo, ti kua ke fakaagasalai loku kakai ko Iselaele, ke tupu ai loku ita i alatou agasala,

Pesalemo 16:4

E liuliuga a taulaatua, e makape i muli o atua matapule : E leaise kau liligi alatou lipasio toto, E leaise kau too olatou igoa i oku laugutu.

Esaia 3:8

Talie kua malaia Selusalemi, Ti kua siga mo Suta, O tupu e agatuu ala masau mo ala gaoi ki le Eteleno, Ti e lotou matatuu ki lona agai.

Esaia 57:6

E maua lou vaega i fatu momole o liua, Ko lena, ko lena lou vaega ; Ko latou ana e ke liligi ki ai ni moliga vino, E ke fai ki ai ni moliga : Pe mafai ke kau tuku noa a nea ana ?

Esaia 65:11

Kae ko koutou, ala e tiaki ia le Eteleno, Ala e galoi ia loku mauga tapu, Ala e fakatuu ia se aletale kia Kate, Ti e fakaapele ia se ipu kia Meni,

Esaia 65:3

Ki se kakai leia e leaise gato lana fakatupu loku ita, Leia e momoli ia ni failaulau i oloto, Ti e tutu ia le iseso i aluga o piliki ;

Selemia 1:16

E kau fakasa loa aku tautea kia latou, o tupu ko alatou agasala fuli, talie kua lotou tiaki au kae lotou momoli le iseso ki ni atua kese, ti kua lotou tausi ki gaoi o olatou lima.

Selemia 11:17

Kua aumai kiate koe le malaia e le Eteleno o kau tau, leia na to ia a koe, O tupu ko le agaveli o le fale o Iselaele mo le fale o Suta, Ala na fai ia le nea ke tupu ai loku sausau, o la momoli le iseso kia Paale.

Selemia 17:2

E tatau lalatou manatu ki alatou fanau mo lalatou manatu ki olatou aletale Ti mo olatou taulaatua o Asetalate i tafa o laakau lalasi, I mauga liliki taualuga.

Selemia 19:13

E kelekele loa le fale o Selusalemi mo fale o sau o Suta Ofaipe le ganea o Tofete, Ti mo fale fuli ala e momoli ai le iseso i aluga o ato Ki le kau tau fuli o atu lagi, Ti na fai ai ni lipasio ki ni atua kese.

Selemia 25:7

Kae na leaise kotou fakalogo mai kiate au, e pati le Eteleno, ke fakatupu ai loku sausau ki le gaoiaga o okoutou lima, ki lokoutou malaia.

Selemia 32:29

E ulu loa ki le kolo leinei le kau Kaletea leia e taui ia a ia, E lotou tutu loa a ia ki le afi, ti e vela loa a ia Mo fale ala na momoli ai le iseso kia Paale i aluga o ato, Ti na fai ai ni lipasio ki ni atua kese, O tupu ke fakatupu ai loku sausau.

Selemia 44:25

E folafola le Eteleno o kau tau, le Atua o Iselaele, o pati : Kua kotou fakasa i okoutou gutu, e koutou mo akoutou avaga, ti kua kotou fai ki okoutou lima le nea leia kua kotou fakasa : E motou loto ke motou fakasoko a fakapapau ala kua motou fai, ke motou tutu le iseso ki le fafine aliki o le lagi mo fai kiate ia ni moliga nea inu. I le lakaga leinei kua oki ai akoutou fakapapau i le fai, ti kua kotou fakamaoki ai akoutou fakapapau,

Selemia 44:4

Na kau kakau atu kia koutou aku tagata fakasausau, le kau polofeta, na kau kakau atu latou koi usu, ke pati kia koutou : Aua na kotou fai a nea fakalialia ana, ala e kau vesia ki ai.

Selemia 7:17

Pe leaise ke tio ki le nea leia e lotou fai i Suta Ti mo ala o Selusalemi ?

Tagi laulau a Selemia 5:13

Na amo e le kau tupulaga le fatu fakamalu, Na sisiga a toe liliki i ni amoga fafie.

Esekiele 16:26

Na ke faiaga ki le kau Esipito, tagata tino makeke ala e nonofo i ou tafatafa, ti na ke liuliuga au faiaga ke kau sausaua ai.

Esekiele 20:28

Na kau taki latou ki le fenua leia na kau fakapapau ke soli kia latou, kae na lotou tio ki ona potu taualuga fuli mo laakau sesega fuli ; ti na lotou fai loa i ai alatou failaulau, ti na lotou momoli loa i ai alatou moliga ala na fakatupu ia loku sausau, ti na lotou tutu loa i ai alatou kaloni manogi malie, ti na lotou liligi loa i ai lalatou lolo.

Esekiele 8:16

Ti na taki loa e ia au ki le malae loto o le fale o le Eteleno. Ti ko leinei, i uluaga o le fale tapu o le Eteleno, i le vasa o le matapa ulu mo le aletale, na i ai se kau tagata e tino lua tupu lima, na lotou titua ki le fale tapu o le Eteleno, kae na lotou agaaga ki le potu esite ; ti na lotou punou ki le potu esite i mua o le laa.

Esekiele 8:17

Ti na pati mai loa a ia kiate au : Pe ke tio, vosa o le tagata ? Pe koi ikiiki aifai ki le fale o Suta a nea fakalialia ala e lotou fai i leinei ? Pe tonu foki ke lotou fakaapele le fenua ki tukipo, ti ke aua na lotou tuku loku fakaitaitai ? Ko leinei, e lotou fakafeofi le laakau ki olatou isu.

Uluaki tosi ki le kau Kolinto 10:22

Pe tou loto ke tou fakatupu ia le finenonofo o le Aliki ? Pe tou makeke ake iate ia ?

Tetelonome 32:16

Na lotou lagai loa lona finenonofo ki ni atua kese, Ti na lotou fakatupu loa lona sausau ki ni nea fakalialia.

Tetelonome 32:21

Na lotou lagai loku finenonofo ki se nea leia e leaise Atua, Na lotou fakatupu loku sausau ki olatou atua noa ; Ti ko au, e kau lagai loa lolatou finenonofo ki se nea leia e leaise ko se kakai, Ti e kau fakatupu ia loa lolatou ita ki se puleaga leia e sala atamai.

Tetelonome 4:19

Ke ke tokaga ai ki lou laumalie, ke aua na ke siki ake ou mata ki le lagi o tio ki le laa, mo le masina, mo fetuu, mo nea fuli o le lagi, ti ke siga loa ki le agasala, o atolasio kia latou ti mo tausi kia latou : kua tuku latou e le Eteleno lou Atua ki atu puleaga fuli o le malama nei katoa ;