Selemia 7:16 - Tosi Tapu

¹⁶ Ti ko koe, aua na ke ulufaki le kakai leinei, Aua na ke fai loa se tagi pe ko se kole kia latou, Aua na ke fai mai kiate au ni kole fakamakeke ; Talie e leaise kau fakalogo atu loa kiate koe.

Selemia 7:16 ပူးပေါင်းရင်းမြစ်များ

Lua tosi a Samuele 8:18

Ko Penasa, vosa o Seosata, na pule ki le kau Keleti mo le kau Peleti ; ti na minisi a vosa o Tavite i le puleaga.

Ekesote 32:10

I le lakaga nei, aua na ke taofi au ; e mu loa loku sausau kia latou, ti e kau fakapuli loa latou ; kae e kau fakaliliu loa a koe ko se puleaga lasi.

Esaia 1:15

Ka kotou falo mai okoutou lima, e kau fulusi kese oku mata ia koutou ; Ka kotou liuliuga a faikole, e leaise kau fakalogo atu kia koutou : E apele okoutou lima i le toto.

Selemia 11:14

Ti ko koe, aua na ke ulufaki le kakai leinei, Aua na ke fai kia latou se tagi mo se kole ; Talie e leaise kau fakalogo loa kia latou, Mo ka e lotou kalaga mai loa kiate au o tupu ko lolatou malaia.

Selemia 15:1

Na pati mai loa le Eteleno kiate au : Kapau e tutuu loa Moisese mo Samuele i oku mua, E leaise kau tokaga loa ki le kakai leinei. Kapu a ia ke mamao i oku mata, ke ano a ia !

Selemia 15:6

Na ke tiaki au, e pati le Eteleno, Na ke toe liliu ki muli ; Kae e kau falo loku lima kiate koe, ti e kau maumaui a koe, Kua kau kaekae i le kataki.

Selemia 18:20

Pe totogi loa le malie ki le veli ? Talie kua lotou kenu se popoko ke too loku mauli. Ke ke manatui e koe, na kau tuu i ou mua, O tupu ke ulufaki latou, Ti ke afei lou sausau ia latou.

Selemia 4:28

O tupu ko le nea lena, e mamae loa le fenua, Ti e fakapouli loa a atu lagi i aluga ; Talie na kau fakasa a ia, na kau fakapapau a ia, Ti e leaise kau toe fakasemala i ai, E leaise kau toe liliu loa ki muli.

Selemia 7:17

Pe leaise ke tio ki le nea leia e lotou fai i Suta Ti mo ala o Selusalemi ?

Mikea 3:4

Ti e lotou kalaga loa ki le Eteleno, Kae e leaise tali loa a ia kia latou ; E fufu loa e ia kia latou ona mata i le temi lena, Talie na lotou fai ni gaoi veveli.

Tetelonome 9:14

Tuku ke kau maumaui latou mo soloi lolatou igoa i lalo o le lagi ; ti e kau fai loa meiate koe se puleaga leia e makeke ake mo api ake i le kakai lena.

Uluaki tosi a Soane 5:16

Kapau e tio se tasi ki le fai e lona taina se agasala leia e leaise ave ia ki le mate, ke faikole a ia, ti e soli loa e le Atua le mauli ki le taina lena ; e soli loa e ia le mauli kia latou ala e fai ia se agasala leia e leaise ave ia ki le mate. Kae e i ai se agasala leia e ave ia ki le mate, ti e leaise kau pati atu ke faikole ki le agasala lena.