Selemia 7:15 - Tosi Tapu

¹⁵ Ti e kau tiaki loa koutou ke mamao i oku mata, Ofaipe laku tiaki ia okoutou fetaina fuli, Le sakoga katoa o Efalaimi.

Selemia 7:15 ပူးပေါင်းရင်းမြစ်များ

Lua tosi o Sau 17:23

o kaku ki le kapu e le Eteleno o Iselaele ke mamao mei ona mua, ofaipe lana fakasa fakatomua i ana tagata fakasausau fuli le kau polofeta. Ti na ave popula loa Iselaele ki Asilia, o mamao mo lona fenua, ti na nofo loa a ia i ai o kaku mai ki le aso leinei.

Lua tosi o Sau 24:20

Ti na soko loa le nea lena o tupu ko le sausau o le Eteleno ki Selusalemi mo Suta, ala na loto a ia ke tiaki mei ona mata. Ti na fai loa e Setesiasi se agatuu ki le sau o Papilone.

Lua tosi o Koloniko 15:9

Na fakatasii loa e Asa a Suta katoa mo Pesamino, ti mo latou o Efalaimi, mo Manase, ti mo Simeone ala na nonofo mo latou, talie na au se kakai toka api o Iselaele kiate ia, i lalatou tio kua nofo mo ia le Eteleno, lona Atua.

Pesalemo 51:11

Ke ke Tagaki kese ou mata i aku agasala, Ke ke soloi aku agaveli fuli.

Esaia 7:16

Kae i mua o le iloa e le toe ke tiaki le nea e veli ti ke filifili le nea e malie, E tiaki loa le fenua leia e ke tuania ia ona sau e lua.

Selemia 15:1

Na pati mai loa le Eteleno kiate au : Kapau e tutuu loa Moisese mo Samuele i oku mua, E leaise kau tokaga loa ki le kakai leinei. Kapu a ia ke mamao i oku mata, ke ano a ia !

Selemia 23:33

Kapau e vesili atu kiate koe le kakai leinei, pe ko se polofeta, pe ko se tagata faisakilifisio : Kolea le kavega mamafa a le Eteleno ? E ke pati loa kia latou : Ko koutou ala ko se kavega mamafa, e pati le Eteleno, Koia e kau tiaki ai loa koutou.

Selemia 23:39

O tupu ko le nea lena ko leinei, e kau fakagaloi loa koutou, Ti e kau tiaki loa koutou, koutou mo le kolo leia na kau soli kia koutou mo okoutou tamana, E kau tiaki loa koutou ke mamao i oku mata.

Selemia 3:8

Logo ai na kau kapu le fafine agatuu ko Iselaele, o tupu ko ana faiaga fuli, ti na kau soli kiate ia lona tosi mavete, na kau tio na leaise maua fuai e lona taina kaka ko Suta se i, kae na toe ano foki mo ia, o toe faiaga.

Selemia 52:3

Ti na soko loa le nea lena o tupu ko le sausau o le Eteleno ki Selusalemi mo Suta, ala na loto a ia ke tiaki mei ona mata. Ti na agatuu loa Setesiasi ki le sau o Papilone.

Selemia 9:19

Talie kua logo mai ni tagi mamae mei Sione : Kolea ! Kua motou maumaui ! Kua motou apele i le luma ! Kua tonu ke motou tiaki le fenua ! Kua maumaui omatou nofoaga !

Esekiele 23:31

Na ke saele i le ala o lou taina mua, Koia e kau fakavilo ai loa lona ipu ki lou lima.

Esekiele 33:25

Koia ke ke pati kia latou : E folafola le Aliki, le Eteleno, o pati : E kotou kai akoutou nea kai mo le toto, ti e kotou siki okoutou mata ki okoutou taulaatua, ti e kotou liligi le toto. Ti e kotou maua loa i ai le fenua !

Oseo 1:4

Ti na pati loa le Eteleno kiate ia : Fakaigoa a ia ko Siseleele ; talie koi toe fai se ga temi ikiiki, ti e kau tautea loa le fale o Seu, o tupu ko le toto leia na liligi i Siseleele, ti e kau fakagato loa le puleaga o le fale o Iselaele.

Oseo 12:1

E takatakai au e Efalaimi ki ni loi, Ti mo le fale o Iselaele ki ni kaka ; Koi tuu makeke a Suta ki le Atua, Ki le Maokioki agatonu.

Oseo 13:16

E tautea loa Samalia, talie na agatuu a ia ki lona Atua. E lotou mamate loa i le seleta ; E laliki loa olatou toe liliki, Ti e paipaisi loa a manava o olatou fafine tinanae.

Oseo 7:13

Malaia kia latou, talie e lotou sosola iate au ! Maumau kia latou, o tupu kua lotou agatuu kiate au ! E kau loto loa ke fakamauli latou, Kae e lotou fai kiate au ni masau loi.

Oseo 9:13

Ko Efalaimi, e kau tio kiate ia i le fetuu o Tile, E tuu a ia i se ganea malie ; Kae e taki loa e Efalaimi ana fanau ki leia e tamate ia loa latou.

Oseo 9:3

E leaise lotou nonofo loa i le fenua o le Eteleno ; E toe liliu loa Efalaimi ki Esipito, Ti e lotou kai loa i Asilia ni nea kai kelekele.

Oseo 9:9

Kua lotou uku i le agasala ofaipe aso o Kipea. E manatui loa e le Eteleno alatou agaveli, E tautea loa e ia alatou agasala.

Sonasi 2:4

Na ke ti au ki le moana, ki le takele o le tai, Ti na takatakai au e vai tatafe ; Na fakalaka iate au au galu fuli mo au piau fuli.

Numelo 1:32

Ki vosa o Sosefo, ki vosa o Efalaimi, o mulimuli ki tautagata, mo faasiga, mo famili, na tosi loa a igoa o tagata fuli, mei le fetuu kau lua o fai ki aluga, latou fuli ala kua aoga ki le solia,