Selemia 7:12 - Tosi Tapu

¹² Kotou ano ki le ganea leia na fakatapui kiate au i Silo, Leia na kau fakaagai ai loku suafa i mua. Ti kotou tio pe na kau fai feaki a ia, O tupu ko le agaveli o loku kakai ko Iselaele.

Selemia 7:12 ပူးပေါင်းရင်းမြစ်များ

Uluaki tosi o Sau 9:7

e kau tuuti loa Iselaele mei le fenua leia na kau soli kiate ia, e kau tiaki loa ke mamao meiate au le fale leia na kau fakatapui ki loku suafa, ti e liliu loa Iselaele ko se nea fakagologolo mo fakakatai a puleaga fuli.

Selemia 26:6

Ti e kau tautea loa le fale leinei ofaipe Silo, ti e kau fakaliliu loa le kolo leinei ko se nea fakatupu malaia ki puleaga fuli o le kele.

Selemia 7:14

E kau fai loa le nea leia na kau fai ki Silo, Ki le fale leia na fetapa ai ki loku suafa, Ki le fale leia na kotou tuku ki ai lakoutou fanaki, Ki le ganea leia na kau tuku kia koutou mo okoutou tamana ;

Tetelonome 12:11

Ti e ia loa se ganea leia e filifili loa e le Eteleno, lokoutou Atua, ke fakanofo ai lona suafa. Ko lena loa le ganea leia e tonu ke kotou ave ki ai a nea fuli ala na kau fakatotonu kia koutou, akoutou failaulau, mo akoutou sakilifisio, mo vaega kau agafulu, mo uluaki fua, mo akoutou moliga fuli ala kua kotou fakapapau ke fai ki le Eteleno ke fakasoko ai akoutou fakapapau.

Tetelonome 12:5

Kae ke kotou afa loa a ia i lona nofoaga, ti ke kotou ano loa ki le ganea leia e filifili loa e le Eteleno, lokoutou Atua, i okoutou faasiga fuli, ke nofo ai lona suafa.

Sosue 18:1

Na fakatasi loa le kakai katoa o fanau a Iselaele i Silo. Na lotou fakatuu loa i ai le falela tapu. Na fakalogo le fenua katoa kia latou.

Sosue 18:10

Na fai loa e Sosue kia latou le toso i Silo i mua o le Eteleno, ti na tufa loa e ia a vaega e fitu o le fenua ki fanau a Iselaele, o soli ki le faasiga taki tasi lona vaega.

Tuifakamaau 18:31

Na lotou taupau loa le fakatata ta a Mika i le temi katoa leia na tuu ai le fale tapu o le Atua i Silo.

Uluaki tosi a Samuele 1:3

I fetuu fuli, na pale Elekana mei lona kolo ki Silo, o atolasio ki le Eteleno o kau tau ti mo momoli kiate ia ni sakilifisio. I ai na nonofo ai a vosa e toka lua o Eli, ko Ofeni mo Finesi, ko tagata faisakilifisio a le Eteleno.

Uluaki tosi a Samuele 4:22

Na pati loa a ia : Kua puli le kololia i Iselaele, talie kua too le aleka o le Atua !